Aizaya 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Aizaya 5:6 ပူးပေါင်းရင်းမြစ်များ

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

1 Ivie 8:35

Ọke re de huhu ẹchẹ rẹ odjuvwu na rẹ osio gbe rhọ-ọ fiki rẹ ayen ru umwemwu kpahe owẹ, ọ da dianẹ ayen hirhe aro ku etinẹ na nẹ ẹrhovwo, rẹ ayen da rhọvwe odẹ wẹn, rẹ ayen de kurhẹriẹ nẹ umwemwu rayen, vwẹ ọke wo vwo kpokpo ayen,

ỌBE RẸ JOB 31:40

egbe jẹn inwe djẹ phia vwẹ ẹdia rẹ eka na, jẹn ẹbe umwemwu djẹ rhe vwẹ ẹdia rẹ irosu. Eta rẹ Job reri.

Isẹ 24:31

nighe odin din rhurho ejobi; ekpia de si rhurhu otọ na.

Aizaya 24:12

Orere na ejobi kua fiotọ re kakare, A teyọ inurhoro na ejobi guọghọ phihọ irhurhu.

Aizaya 30:23

Kọ rhọ ọsio phihọ emamọ ra kọn phihọ otọ na, te ekti ve obo ra kọn phihọotọ na ejobi, ki che yovwi buebu. Vwe edẹ yena uchuru wẹn ke cha re ọdi vwẹ asan ọrhuarhọ;

Aizaya 32:10

Kere emu re ẹgbukpe ku wo guoma, ovwan eya ri ghwahọ rere, kidie orhọ ri valn che she, ọke rẹ emamọ ẹkorọ gbe cha rhe-e.

Aizaya 49:19

Uyota asan ofefe wẹn ra kua jovwo kugbe otọ wẹn ra ghwọrọ re na– uyota ọ cha hwa nọ kẹ ihwo wẹn re dia, ihwo re rọ we kpo evun na ke cha dia shesheri.

Aizaya 55:13

Asan rẹ inwe epha jovwo ọwangha kọ dia etiyin, asan re ebẹ epha jovwo ke odi ghevweghe; kọ dia ke Ọrovwohwo ẹkarohọ ri bẹdẹ, kọ dia oka ri bẹdẹ ro je phoro.

Aizaya 7:19

Ayen ejobi ke cha rhe ri wo phihọ ikpotọ chochohri na, ọ vẹ igbogho rẹ eragha na, ọ vẹ aghwa re inwe na, kugbe enu rẹ odi na.

Jerimaya 14:1

Ota rẹ Ọrovwohwo ro bru Jerimaya rhe kpahe okpuvo rode na.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Jerimaya 25:11

Otọ nana soso na che hirhe phihọ umiovwo kọ dia ofefe, irere nana cha ga ovie ri Babilọn ikpe ujorha gbẹ ihwe.

Jerimaya 45:4

Enẹ wọ cha ta kẹ, Enẹ Ọrovwohwo tare: Nighe, obo re me bọnre me guọghọ te otọ, obo re me kọnre me kọnrọ kọye hẹ otọ na soso.

Uvwerhe 2:6

Ọ guọghọ ọgarivi rọye te otọ kere ogba rẹ ekankọn. Ọ ke je guọghọ ẹdia rẹ orẹ re bruru na phihọ erhurhu, Ọrovwohwo da nẹrhẹ ẹdorẹ re bruru kugbe ẹdidjala re vwẹ evun ri Zayọn. Vwẹ evun rẹ ophu ọgangan rọye na ọ da siẹn ivie vẹ irherẹn.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Hosia 9:6

Kidie gbe nighe, ayen ra yanran kpo Asiria; Ijipt cha ghwẹ ayen koko, Mẹmfis kọye che shi ayen. Ekuakua esiri vẹ idọnọ rayen ejobi odi ko di rhurhu ayen inwe ke djẹ phihọ itughẹ rayen.

Joẹl 1:7

Ọ da guọghọ vain mẹ ejobi, ọ da dia irhe ri fig mẹ; ọ da kpẹn ehọrọ rayen kuotọ e de ru eghọn rayen fon.

Emọs 4:7

Me da vwi fiki rẹ ovwan da osio ji yo chekọ emeranvwe erha re vwo te orhọ; osio mi bru rhọ vwẹ orere ọvo, yo che te orere ro chekọ-ọ; osio rhọ phihọ eghwa ọvo, yẹ eghwa rẹ osio rhọ phihọ-ọ vwioro,

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,

Ẹvwọphia 11:6

Ayen vwo ogangan ra vwọ kanre obenu na gbe, rere osio vwo jẹ rhọ vwẹ ẹdẹ rẹ aroẹmrẹ rayen, ayen ji vwo ogangan ra vwọ rhẹriẹ ame phihọ ọbara, rẹ ayen vwọ vwẹ ọtiekọ kọtiekọ hwe akpọ na, phẹrephẹre kirobo rẹ ayen guọnọre.