Aizaya 5:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Aizaya 5:30 ပူးပေါင်းရင်းမြစ်များ

Aghwoghwo 12:2

Bẹsiẹ rẹ ọnre na vẹ uvo na, vẹ emeranvwe na, vẹ isio na che vwo mu ebri rẹ enu na de che bi rẹ osio da rhọ nu;

Aizaya 13:10

Kidie isio rẹ obo odjuvwu veẹ ọghwẹgbe rayen gbe cha vwẹ orẹmrẹ rayẹn phia-a; ọnre rọ vacha na ko che bi, emeranvwe na gbi che lo-o.

Aizaya 13:4

Kerhọn, edo mu vwẹ enu rẹ igbenu na kerẹ edo rẹ urogho! Kerhọn, edo rẹ uvie ọ rẹ ẹgborho ri bi koko! Ọrovwohwo rẹ otuofovwi ro biẹ otuofovwi koko ri kpo ofovwi.

Aizaya 17:12

E, agbranran rẹ otu buebu na, ayen van kerẹ ohọre rẹ obo abadi! E, ekuvwie rẹ irere na, ayen kuvwie kerẹ edo rẹ Abadi!

Aizaya 30:6

Epha kpahe eranvwe ri Nẹgẹb. vwọ kpahe otọ rẹ ukpokpogho vẹ ivuemiovwo, asan rẹ okpohrokpo rẹ aye vẹ ọshare nẹcha, asan re ọrobiebi vẹ asiweri nẹcha, ayen kru efe rayen kpahe uko rẹ ekẹtẹkẹtẹ, eyere rayen kpahe ekpo rẹ iyesi, vwo rhe ihwo re cha vwẹ erere kẹ aye-en.

Aizaya 59:9

Fiki rẹ ọtiọye na ọsoso vwo sheri kẹ avwanre, ọvwata rha sa djẹ mu avwanre-e, avwanre rhẹro rẹ urhukpẹ, nighere, kẹ ebri a mrẹre, elo, ẹkẹvuọvo kẹ egho avwanre da yan.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Jerimaya 30:5

Enẹ Ọrovwohwo tare: Avwanre nyo edo rẹ ogidi rode na, rẹ imuoshọ, ufuoma herọ-ọ.

Jerimaya 50:42

Ayen yọnrọn umurhabọ vẹ ubiri, Ayen ihwo ọkon, inẹ aruẹdọ-ọ Edo rayen họhọ ohonre rẹ abadi, ayen gua vwẹ enu rẹ iyesi, ayen rhuẹrẹ oma phihọ kerẹ ohwo ro kpo ofovwi vwọ so owẹ. E ọmọtẹ ri Babilọn!

Jerimaya 6:23

Ayen yọnrọn umurhabọ vẹ oshuẹ, ihwo umwemwu ri nẹ aruedọ-ọ, edo rayen họhọ ohọnre rẹ abadi ayen gua vwẹ enu re iyesi e nabo hwa phihọ kerẹ ihwo re hẹrhẹ ofovwi e hwa kpahe owẹ, E ọmọtẹ ri Zayọn!

Uvwerhe 3:2

Ọ djẹ vwẹ ọ da reyọ ovwẹ phihọ evun rẹ ebri ro jẹ orẹmrẹ evwọ;

Izikiẹl 26:3

fiki rẹ ọtiọye na e nẹ Ọrovwohwo Ọghẹnẹ tare; Nighe, mi mu kpahe owẹ, E Taya, ke me cha kpare ẹgborho buebu vwọ so owẹ, kirobo rẹ omimi rẹ abadi kpara.

Joẹl 2:10

Otọ na re kpogho vwẹ obaro rẹ ayen, obenu na ra phariẹ. Ọnre na vẹ emeranvwe mu ebri, elo rẹ isio na de si reyọ.

Emọs 5:18

Ekan kẹ wẹ rọ guọnọ ẹdẹ rẹ Ọrovwohwo na! Die wọ vwọ guọnọ ẹdẹ rẹ Ọrovwohwo na? Ẹdẹ na ebri hwi, o vwo orẹmrẹ-ẹ,

Emọs 8:9

Vwẹ ẹdẹ yena eriyin Ọrovwohwo Ọghẹnẹ na tare, ki mi che ru ọnre ko che she vwẹ oghẹruvo, egho ko che mu vwẹ uvo koko na.

Matiu 24:29

Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho;

Ẹvwọphia 6:12

Ọke re vwo novie usiaphrẹ resan, mi vwo ni, nighe, otọ rode de rhi kpogho; ọnre de rhi bi kerẹ ubi, emeranvwe rọ vẹgbẹ da họhọ ọbara,