Aizaya 5:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Aizaya 5:29 ပူးပေါင်းရင်းမြစ်များ

Jẹnẹsis 49:9

Juda ọmọ rẹ okpohrokpo; vwẹ eranvwe emuo, ọmọ mẹ, wo de vrẹn kpenu. Orhuẹri, o fiọnko kiri okpohrokpo, kiri okpohrokpo rẹ aye, kono ri se guegue?

Une rẹ Ejiro 50:22

Gba ka oka phihọ ọna, ovwan otu rẹ Ọghẹnẹ chọẹro Me da rhe bẹre ovwan, a cha mrẹ ohwo ọvuọvo rọ chọ ochọ re ovwa-an

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 31:4

Kidie enẹ Ọrovwohwo ta ke vwẹ, Kirobo rẹ okpohrokpo eyẹ omo rọye guan siẹ ro de mu eranvwe na, esie re de se isuigodẹ ne ayen gba vwọ tua yẹ unuebo rayen guegue-e yẹ udu re edo na ji bro-o, eriyin Ọrovwohwo re otuofovwi na che wotọ rhe rhe họnre vwe Ugbenu ri Zayọn kugbe igbenu rẹ itete na.

Aizaya 35:9

Okpohrokpo ọvuọvo cha dia etiyi-in, eyẹ eranvwe rọ djoma ọvuọvo cha yan te etiyi-in, a cha mrẹ ayen vwẹ etiyi-in, ẹkẹvuọvo otu ra tan hirhe ọvo re cha yan vwọ.

Aizaya 42:22

Ẹkẹvuọvo ọnana ihwo re chori re gborhori, ufi mu ayen ejobi vwẹ evun rẹ unu, ayen de si oma nu vwẹ uwodi; ayen hirhe phihọ emuọre ohwo ro sivwi ayen gbe herọ-ọ emuọre ra mrẹ ohwo ta kẹ nẹ, Rhivwi.

Aizaya 47:15

Ọtiọye ihwo re ve owẹ gba wian kugbe cha dia, re ve owe gba cho eki ne ọke emọ rhe, dohwo dobene rọye gbe nene, o vwo ohwo ọvuọvo ro se sivwi uwe-e.

Jerimaya 2:15

Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 49:19

Kirobo rẹ okpohrokpo pho nẹ egbo ri Jọdan cha ro ogba ọgangan rẹ igegede ye, mi che ru ayen ra da djẹ jovwo kpregede, ohwo ro jevwe kọye me cha sanọ nọ re vwẹ enu rọye, Kidie ono re họhọ ovwẹ? Ono ri si ọbe se vwe?

Jerimaya 50:17

Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Jerimaya 51:38

Ayen che koko kperi kerẹ ikpohrokpo; ayen cha guan kerẹ emo rẹ ikpohrokpo.

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Maika 5:8

Umuku ri Jekọp ro chekọ ke cha dia ohri rẹ ẹgborho na, vwẹ ohri rẹ ihwo buebu, kerẹ okpohrokpo vwẹ ohri rẹ eranvwe rẹ aghwa, kerẹ upene rẹ okpohrokpo vwẹ ohri rẹ ekru rẹ igegede, ọ da dianẹ ẹ wanvrẹn, ko chiyi ayen muotọ ọ me chẹghẹ kẹnẹ kẹnẹ, o rhe vwo ohwo ro sivwo-o.

Nahum 2:11

Tivọ unu rẹ okpohrokpo na epha emwa rẹ emọ rẹ okpohrokpo na, asan rẹ okpohrokpo muẹ obo rọ ria cha, asan rẹ emọ rọye epha, yẹ ohwo djobọ te aye-en?

Zẹfanaya 3:3

Inotu rọye re dia evun rọye epha kerẹ ikpohrokpo re guan, iguẹdjọ rọyẹ epha kerẹ ikpohrokpo rẹ ovwọnvwọn ri jẹ emuọvo vwo hẹrhẹ irhiọke-e.

Zekaraya 11:3

Kerhọn, re ọmaebere rẹ isuigegede na, kidie a ghwọrọ urinrin rayen re! Kerhọn, rẹ ekpere rẹ ikpohrokpo na, kidie oghwaghwo ri Jọdan ghwọrọ totọ re!

Ukeri 24:9

O fiọnko, o rhuẹri kerẹ okpohrokpo, kerẹ okpohrokpo rẹ aye, kono re sa rhọvwọ? Ebruba kẹ ohwo kohwo ro bruba kẹ wẹ, ekan kẹ ohwo kohwo rọ harhe owẹ.