Aizaya 5:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Kọ cha vwẹ oka se orere rọ hẹ kọ kudje se nẹ ẹtan rẹ akpọ rhe, gbe nọ, okpokpakpa, kpatakpata ọ cha rhe!

Aizaya 5:26 ပူးပေါင်းရင်းမြစ်များ

Une rẹ Ejiro 60:4

We re tan aphiana kẹ ihwo re dje oshọ wẹn, re ayen si koko otọ rọye nẹ obọ rẹ umurhabọ.

Une rẹ Ejiro 72:8

E jo vwo ogangan rẹ isuesun nẹ abadi re te abadi, nẹ Urhie na re te oba rẹ akpọ na!

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 13:2

Vwẹ enu rẹ ugbenu phrẹphrẹphrẹ na dje ọka, kperi phia wọ ta kẹ ayen, kpogho obọ kẹ ayen re ro anurhoro rẹ ikpihwo na.

Aizaya 13:3

Ekpuyovwi mẹ ji urhi kẹ ihwo efuanfon mẹ nure, mi se egba mẹ nẹ e ra reihri rẹ ophu mẹ, ihwo mẹ ri herẹ mu oma kpenu na.

Aizaya 13:4

Kerhọn, edo mu vwẹ enu rẹ igbenu na kerẹ edo rẹ urogho! Kerhọn, edo rẹ uvie ọ rẹ ẹgborho ri bi koko! Ọrovwohwo rẹ otuofovwi ro biẹ otuofovwi koko ri kpo ofovwi.

Aizaya 13:5

Ayen re nẹ ogboko cha, nẹ oba rẹ odjuvwu cha, Ọrovwohwo vẹ ekuakua rẹ ophu rọye, re ọ rhe vwọ ghwọrọ akpọ ejobi.

Aizaya 18:3

Ovwan ihwo ejobi rẹ akpọ na ovwan rẹ dia akpọ na, Ra da kpare aphiana kpenu vwẹ enu rẹ igbenu gbe nọ! Re de hworo owanre, gbe nyo!

Aizaya 30:16

ẹkẹvuọvo wọ tare nẹ, Ẹjo! Avwanre djẹ fafa vwẹ enu rẹ iyesi, vwẹ otiọye na gba djẹ yanran, yẹ, Avwanre ke gua vwe enu rẹ iyesi re eshare kpata kpata, vwẹ ọtiọye na ihwo re vwo tua wẹn na ke djẹ gangan.

Aizaya 31:9

Oragha rọye ko che dju wan ve oshọ, inotu rọye ke dje jẹn ekpọfia rayen vwo ve uguegue eriyin Ọrovwohwo tare, re erhanre rọye he Zayọn, re ọgiderhanre rọye he Jerusalẹm.

Aizaya 39:3

Etiyin Aizaya rẹ ọmraro na de bru Ovie Hẹzikaya rhe, ọ da ta kẹ, Didi emu ihwo nana tare? Ki tivọ ayen nu bru we rhe? Hẹzikaya da ta, Ogboko ayen nu bru vwe rhe, nẹ Babilọn rhe.

Aizaya 7:18

Vwẹ ẹdẹ yena Ọrovwohwo na kọ cha kudje kẹ uyẹn rọ hẹ obọ esiri rẹ imirho rẹ Ijipt, vwọ kẹ ọnyọn rẹ hẹ obotọ re Asiria.

Jerimaya 4:13

Nighe, ọ cha kerẹ egho, ẹkpẹrẹ rẹ ofovwi rọye họhọ ogiribo iyesi rọye djẹ phẹre nọ ugo– ekan kẹ avwanre, kidie avwanre ghwọre.

Jerimaya 5:15

Nighe, mi che ji orere nẹ ogboko rhe E uwevwi rẹ Izrẹl, eriyin Ọrovwohwo na tare. Orere na kri otọ re orere rẹ awanre oruẹ, orere ru wọ riẹn ephẹrẹ rọye-e, eyẹ wọ se nyo obo rẹ ayen ta-a.

Jerimaya 51:27

Vwẹ aphiana vi vwẹ akpọ na, hwọrọ owanre vwẹ ohri rẹ ẹghorho na; rhuẹrẹ ẹgborho na kẹ ofovwi ra vwọ suọ, se uvie na koko vwọ suọ, Ararat, Mini, vẹ Ashkinaz, vwẹ onotu ọvo mu vwọ suọ ghwe iyesi rhe kerẹ ebaka ri do.

Uvwerhe 4:19

E re vwọ tua avwanre na djẹ phẹre nọ avwanre, nọ ekala re hẹ obenu e vwọ tua avwanre vwẹ enu rẹ igbenu; ayen fiọnko hẹrhẹ avwanre vwẹ evun rẹ aghwa.

Izikiẹl 38:17

E nẹ Ọrovwohwo Ọghẹnẹ tare: Wẹ ohwo rẹ me ta ota rọye vwẹ ọke rẹ awanrẹ vwẹ oma rẹ idibo mẹ emraro rẹ Izrẹl, ihwo re mraro vwẹ ọke yena vwẹ ikpe buebu tanẹ: Me cha reyọ owẹ vwọ so ayen?

Joẹl 2:7

Kerẹ egba ofovwi ayen da họrhọ ruọ, kerẹ otuofovwi ayen ra kpanọ igbẹhẹ na, O vuẹ idjerhe rọye gba yan nene, ayen gẹrẹ oma nẹ idjerhe raye-en.

Habakọk 1:8

Iyesi rayen djẹ onẹ phẹre nọ edjanakpo, i muoshọ nẹ ikpohrokpo rẹ ovwọnvwọn; otu re gua iyesi rayen ra gọlọ hẹ obaro. Uyota, otu re gua iyesi rayen ogboko i nurhe, e rhan kerẹ ugo rọ mrẹ obo ro re fru.

Zekaraya 10:8

Me riẹn obọ kẹ ayen mi de koko ayen hẹ uwevwi, kidie Me tan ayen hirhe nure, ayen ki bu kirobo rẹ ayen buru jovwo.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e