Aizaya 5:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 5:25 ပူးပေါင်းရင်းမြစ်များ

1 Ivie 14:11

Kohwo kohwo ro nẹ oma ri Jeroboam rhe ro ghwuru vwẹ evun rẹ orere, eranko ke riọ; Kohwo kohwo ro ghwu vwẹ evun rẹ aghwa, emephran ke rha riọ; kidie unu rẹ Ọrovwohwo tarọ nure.

1 Ivie 16:4

Kohwo kohwo ri Baasha ro ghwuru vwẹ orere eranko ke riọ; o re rhe ghwu vwẹ aghwa ephran rẹ obenu na ke riọ.

1 Ivie 21:24

Ohwo rẹ Ehab ro ghwuru vwẹ evun orere eranko cha riọ; ohwo rọ rhe ghwu vwẹ evun rẹ aghwa emephran rẹ obenu cha riọ.

Ivie rẹ Ivẹ 13:3

Ophu rẹ Ọrovwohwo da rhe tua kpahe Izrẹl, kọke kọke kọye o vwo phi ayen phihọ obọ ri Hazẹl ovie ri Siria kugbe obọ ri Bẹnhadad ọmọ ri Hazẹl.

Ivie rẹ Ivẹ 9:37

Orivwi ri Jẹzibẹl cha dia kerẹ isọn vwẹ enu rẹ udju vwẹ evun rẹ ubrotọ ri Jẹzril, ohwo ọvuọvo gbe cha sa ta nẹ, Ọnana Jẹzibẹ-ẹl.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

ỌBE RẸ JOB 9:13

Ọghẹnẹ che se ophu rọye reyọ-ọ; obotọ rọye ichuko re Rehab diguẹ phihọ.

Une rẹ Ejiro 106:40

Etiyin ophu rẹ Ọrovwohwo da rhe tua kpahe ihwo rọye, o de tuoma rẹ ireuku rọye,

Une rẹ Ejiro 114:7

Phariẹ, E otọ, vwẹ obaro rẹ Ọrovwohwo na, vwẹ obaro rẹ Ọghẹnẹ ri Jekọp,

Une rẹ Ejiro 18:7

Etiyin akpọ na de yeghe o de kpogho, ichivwo rẹ igbenu na de zie i de zie zighi zighi, kidie ophu muro.

Une rẹ Ejiro 68:8

otọ na ko kpogho, odjuvwu da rhọ osio phihọ otọ, vwe obaro rẹ Ọghẹnẹ; abọ oboyi ri Sinae de kpogho vwẹ obaro rẹ Ọghẹnẹ, Ọghẹnẹ rẹ Izrẹl na.

Une rẹ Ejiro 77:18

Ovan rẹ aghrara wẹn na da hẹ evun rẹ ogiribo; enu ẹnyavwọ na da vwẹ orẹmrẹ kẹ akpọ ejobi, akpọ na phariẹre o de kpogho.

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Une rẹ Ejiro 83:10

ra ghwọrọre vwẹ Ẹndọr, ri hirhe phihọ isọn kẹ otọ na.

Ẹyano 7:19

Ọrovwohwo da ta kẹ Mosis, Ta kẹ Erọn, reyọ ọkpọ wẹn wọ riẹn obọ phihọ ame rẹ Ijipt ejobi, phihọ irhie rayen, phihọ igho rayen, phihọ ewẹ rayen, phihọ etẹrhẹ rẹ ame rayen ejohr, rere ayen rhi hirhe phihọ ọbara, ọbara kọ cha dia otọ rẹ Ijipt na ejobi, te evun rẹ ekuakua rẹ irhe kugbe evun rẹ eragha.

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 14:19

ẹkẹvuọvo a djẹ wẹn kufia, shesheri nẹ ushi wẹn, kere ọmọ re vwiẹ chọra ro tuoma, ihwo ra vwẹ ọlọkọ duvwu hwe, ra vwẹ irivwi phopho, re yanran bru ibieragha re he obo Ukpotọ, kerẹ orivwi re chiyẹ wan.

Aizaya 23:11

Ọ riẹn obọ rọye kpahe abadi na, o kpogho uvie na ejobi; Ọrovwohwo ji urhi kpahe Kenan nure rọ cha vwọ guọghọ ogba egangan rọye.

Aizaya 25:11

Kọ hẹre abọ rọye vwẹ uherevie kerẹ ohwo ro rhẹrhẹ rọ riẹn abọ vwọ rhẹrhẹ; ẹkẹvuọvo Ọrovwohwo cha rhare eheri rọye kugbe ona re abọ rọye te otọ riẹriẹriẹ.

Aizaya 29:2

Dede na oma cha rhọ Ariẹl, e che beroma a cha viẹ vwọ, kọ cha họhọ Ariẹl kẹ vwẹ.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Aizaya 51:20

Emọ wẹn shero, ayen riẹn phihọ unuada rẹ urhuvwu kerẹ uguzuma ro mu ariri, ayen vọnre vẹ ophu rẹ Ọrovwohwo, ekan eharhọ rẹ Ọghẹnẹ wẹn

Aizaya 64:3

Ọke wo de ru imu ri mu oshọ rẹ avwanre roro phihọ-ọ, wo de wotọ re, igbenu na de kpogho vwẹ obaro wẹn.

Aizaya 66:15

Kidie nighere, Ọrovwohwo cha rhe vwẹ evun rẹ erhanre, ekpẹrẹ rẹ ofovwi rọye kerẹ odju rẹ ogiribo, rọ cha hwa osa rẹ ivuemiovwo rọye vwẹ ophu, ekan eharhọ rọye kerẹ ẹkuerlianre.

Aizaya 66:24

Ke ayen cha yan phia rhi ni irivwi rẹ ihwo ri gbe ozighi kpahe ovwẹ, kidie ihori rayen che ghwu-u, erhanre rayen che fu-u, ke ayen cha dia ometuo keẹ ihwo ejobi.

Aizaya 9:11

Eriyin Ọrovwohwo reyọ ukon vwọ so ayen, ọ me kpare ophu rẹ ivwighrẹ rayen.

Aizaya 9:16

kidie ihwo ri sun ihwo nana sun ayen ghwru, ihwo rẹ ayen sunrun ejobi e mu ayen rọ.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Aizaya 9:20

Ayen vwẹ obọrhe frẹ, ẹkẹvuọvo owẹvwe ji hwe ayen, ayen ghwa vwẹ obọhwẹre frẹ ria, ẹkẹvuọvo evun vọn aye-en; ayen ohwohwo re uvwo rẹ ọrivẹ rọye.

Aizaya 9:21

Manasse ria ọ rẹ Ifrem, Ifrem ria ọ ri Manasse, ayen de koko vwọ so Juda. Vwẹ enana ejobi na ophu rọye fueri-i yẹ obọ rọye je riẹn phia.

Jerimaya 15:3

Me cha vwẹ oghẹre re oghwọrọ enẹ vwo mu kẹ ayen, eriyin Ọrovwohwo tare: ọlọkọ re o hwe, eranko re ọ chẹghẹ, kugbe eme-phran rẹ enu ve ẹranvwẹ rẹ aghwa re guọghọ re je ghwọrọ

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

Jerimaya 4:24

Mi vwo ni igbenu na, me vwọ mrẹ ayen ki kpogho, igbenu itete na herọ kpo uko kpo aro.

Jerimaya 4:8

Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

Jerimaya 6:12

A cha vwẹ uwevwi rayen kẹ ihwo efa, te udju vẹ eya rayen ejobi, kidie me cha riẹn obọ mẹ kpahọ kpahe ihwo rẹ otọ na eriyin, Ọrovwohwo na tare.

Jerimaya 8:2

ka hra ayen phihọ kẹ ọnre vẹ emeranvwe kugbe otu re hẹ obenu ejobi, e rẹ ayen guọnọre rẹ ayen je ga na, rẹ ayen yan nene na, rẹ ayen nenesi rọye, rẹ ayen vwẹ uyovwi kpotọ kẹ; a gbe sa ghwẹ ayen koko-o, e ji se shi ayẹ-ẹn ayen ke họhọ isọn vwẹ otọ na.

Jerimaya 9:22

Ta, Enẹ Ọrovwohwo na tare: Irivwi rẹ ihwo na che she, kerẹ isọn ra kpare phihọ uphephẹ kerẹ ekrẹbe rẹ ihwo ri vuẹ orhọ ohwo ọvuọvo gbe ghwẹ ayen koko-o.

Uvwerhe 5:22

Gbenẹ wọ siẹn avwanre tototo? Kẹ ophu wẹn ghine gan kpahe avwanre gangan?

Izikiẹl 15:6

Fiki rẹ ọtiọye na enẹ Ọrovwohwo Ọghẹnẹ tare: Kerẹ urhe ri vain vwẹ ohri rẹ irhe rẹ egbo na, re me vwọ vwẹ erhanre kẹ nẹ ọ torhẹ na, ọtiọye mi ji che siobọ nẹ ihwo re dia Jerusalẹm ne eton.

Izikiẹl 30:25

Ki mi ru eghwabọ rẹ ovie ri Babilọn, ẹkẹvuọvo igbabọ ri Fẹro ki she; ayen ke riẹn nẹ mẹvwẹ Ọrovwohwo na. Ọke ri mi de phi ọlọkọ mẹ phihọ obọ rẹ ovie rẹ Babilọn, kọ riẹn kpahe otọ rẹ Ijipt;

Izikiẹl 6:14

Ke Me cha riẹn obọ Me kpahe ayen, ki mi ru otọ na dia ofefe rhaphiẹ rhaphie, vwẹ asan rẹ ayen dia ejobi, nẹ obo aton na re te Riblah. Etiyin kẹ ayen riẹn nẹ mẹvwẹ Ọrovwohwo na.

Daniẹl 9:16

E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Hosia 14:4

Mi sivwi ijesegbuyota rayen ke me guọnọ ayen odedede, fikiridie ophu mẹ fuẹ nure.

Emọs 8:8

Otọ na rhe kpogho vwi fiki rẹ ọnana, kohwo kohwo rọ dia evun rọye de muomaphihọ rẹ ayen ejobi de ku reghe reghe kerẹ Nile, ro de phio rhe phio kpo ro ki divwi, kere Nile rẹ Ijipt?

Maika 1:4

Igbenu na ke cha wran vwẹ obotọ rọye iyara na ki vwo egbogho, kerẹ erhan vwẹ oma rẹ erhanre, kerẹ ame re ku phihọ ọghwrọrọ.

Nahum 1:5

Igbenu na ki kpogho vwẹ obaro rọye, igbenu rẹ itete de mu wran; otọ na ejobi kẹ ofefe vwẹ obaro rọye, akpọ na kugbe obo re dia evun rọye ejobi.

Habakọk 3:10

Igbenu na mrẹ wẹ, ki muẹ oma chahe, ame rọ họnra na ra djẹ phihọ obaro, asan ikokodo na de kperi urhuru phia, ọ kpare obọ rọye kpenu.

Zẹfanaya 1:17

Me cha vwẹ omaẹghwọrọ vwọ ihwo na, ọtiọye na ayen ke yan divwi divwi kerẹ irhuẹro, fikiridie ayen ru imwemwu kpahe Ọrovwohwo; ka mwavwe ọbara rayen kuotọ kerẹ iwurhie, uvwo rayen kerẹ isọn.

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.

Urhi Rivẹ 31:18

Ki mi ghine si opharo mẹ nu kẹ ayen vwẹ ẹdẹ yena fiki rẹ umwemwu na ejobi rẹ ayen ruru na, kidie ayen rhẹriẹ bru edjọ ra.

1 Tẹsalonaika 2:16

Ayen da dje avwanre nẹ a gbe ta ota kẹ otu ri Keferi-i ayen da rha rhọ–ọtiọye na kọke kọke kọye ukoko rẹ umwemwu rayen vwọ vọn. Ẹkẹvuọvo ophu rẹ Ọghẹnẹ rhe tua kpahe ayen vwẹ ukuko na re.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.