Aizaya 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² O de brotọ kẹ ọ da sanọ ibiekpẹn nẹ o da vwẹ omamọ rẹ grep vwọ kọn, ọ da bọn uwevwi rẹ ohẹrhẹ phihọ uherevie rọye, ọ da kare okọ re de miẹn vain phihọ, ko rhẹro ne ọ cha mọ otieẹ ẹkẹvuọvo otiẹ rẹ erivwi kọye ọ mọre.

Aizaya 5:2 ပူးပေါင်းရင်းမြစ်များ

2 Samuẹl 7:10

Ke vwẹ ẹdia kẹ ihwo mẹ Izrẹl, ke Me vwẹ owọ rayen muotọ, kẹ ayen dia asan rayen, e gbi rhe kpokpo aye-en, ihwo okpetu gbi ru ayen oja ọfa-a, kirobo re ru ayen dẹvure.

Nehemaya 13:15

Vwe ọke yena me da mrẹ ihwo vwi Juda ri chiyi wain mie vwẹ ẹdidjala, re ghwa ibo rẹ eka ri krẹn ayen nye ekẹtẹkẹtẹ rẹ ayen, kugbe udi rhe, otiẹ, fig, kugbe koka koka rẹ oghwa, ra ghwa ro Jerusalẹm vwẹ ẹdidjala, me ta ota kpahe emuore re ayen shẹ.

Une rẹ Ejiro 80:8

Wọwẹ re reyọ vain ọvo nẹ otọ re Ijipt rhe, wọwẹ re dje egborhọ na no wọ da kọn phihọ.

Une rẹ Ejiro 80:9

Wọwẹ re nabọ gbẹn otọ na kẹ, ọ da tọn owọ kpotọ kokodo ọ da vọn otọ na

Ẹyano 33:16

Kemavo e ru riẹn nẹ Me mrẹ ẹruesiri wẹn, Mẹvwẹ vẹ ihwo wẹn na? Ọ dianẹ enene ri wo nene avwanre ra, rere avwanre vwọ fẹnẹ, Mẹvwẹ vẹ ihwo wẹn, nẹ ihwo ejobi re akpọ na?

Aizaya 1:8

Ọmọtẹ ri Zayọn kọye ri chekọ kerẹ utughẹ vwe evun rẹ udju ri vain, kerẹ ohẹrhẹ vwẹ udju rẹ oyaọ, kere orere rọ hẹ imu

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 2:21

Omamọ rẹ urhe ri vain me vwọ kọn wẹ, omamọ rẹ ubi ọsoso. Die sorọ wo vwo jẹ ubi ẹmọ ru wo vwo hirhe phihọ vain rẹ ochibẹ.

Hosia 10:1

Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.

Maika 4:8

Ji te owẹ, E ọguan rẹ igegede na, ugbenu rẹ ọmọtẹ ri Zayọn, wẹ ọye o che bru rhe, isuesun rẹ awanre na cha rhe, uvie rẹ ọmọtẹ ri Jerusalẹm.

Ukeri 23:9

Nẹ obenu rẹ ugbenu rhe me da mrẹ, nẹ obenu rẹ igbenu itete rhe mi de no; nighe, ihwo re dia asan obọ rẹ ayen san. Ri kere oma rọye ba ẹghorho ri chekọ-ọ.

Matiu 21:19

Rọ vwọ mrẹ urhe rẹ owe vwẹ orhoma rẹ idjerhe, o de te esiri rọye, ọ mrẹ emuọvo vwẹ enu rọye-e; jokpa rẹ ẹbe ọvo; ọ da ta kẹ nẹ, Ohwo ọvuọvo gbe sa re ubi wẹn bẹdẹ-ẹ.

Matiu 21:33

Ovwan gbe rhoma kerhọn rẹ itẹ ọfa. Ọghwẹrẹ ọvo herọ rọ kọn ogba ri vain, ọ da nabọ gba ogba phihọ, ọ da bọn asan re de miẹ vain, ọ da bọn uwevwi rẹ enu phihọ, eghwẹrẹ efa da yaro ogba na mie tavwe ro ki kpo isiorho.

Matiu 21:34

Ọke rẹ ororo vwo te re, o de ji odibo rọye bru ayen ra ra kọrọ emamo rẹ udju na rhe.

Iyẹnrẹ Esiri ri Mak 11:13

Rọ vwọ mrẹ owe ro vwo ẹbe vwẹ ogboko, ọ da rhe sọ sa mrẹ emu vwọ; ọke ro rhi vwo te, ọ gbe mrẹ emu ọvo-o; jokpa rẹ ẹbe ọvo kidie o ji te ọke rẹ iwe-e.

Iyẹnrẹ Esiri ri Mak 12:1

Ọ de mu itẹ họ ekpe kẹ ayen. Ohwo ọvo da kọn ogba ri vain, o da gba ogba yariẹ, ọ da tọn ọgọdọ re de miẹ wain, ọ da bọn ohẹrhẹ phihọ ọ da vwẹ ogba ri vain na vwọ kẹ eghwẹrẹ yọnre, o de kpo orho ọfa.

Iyẹnrẹ Esiri ri Mak 12:2

Ọke rẹ ororo ri vain vwo te re o de ji odibo ọvo bru eghwẹrẹ na, na reyọ emamọ ri vain na rhe vwẹ obọ re eghwẹrẹ na.

Ọbe ri Pọl si rhe Ihwo ri Rom 9:4

Ayen hẹ ihwo rẹ Izrẹl, ayen e se emọ, ayen vwo urinrin, vẹ ọphọ, ayen a vwẹ urhi na kẹ, vẹ ẹga, kugbe ive na;

1 Kọrẹnt 9:7

Didi isodje re vwẹ igho rẹ obọ rọye phiẹ ofovwi? Ono ri voro udju nu ro de jẹ emu rọye ẹriọ? Ono ri churu igegede ro de jẹ ame rẹ ivie rọye ẹda?

Urhi Rivẹ 32:6

Kenẹ wọ hwa osa kẹ Ọrovwohwo, ovwan ihwo ughẹghẹn ri jẹ iroro evwo na! Ọ dia ọsẹ rẹ ovwan o ruẹ, rọ ma ovwan, rọ ma ovwan nu rọ da vwẹ ovwan mudia!

Iguẹdjọ 16:4

Rẹ ọnana vwọ wan nu ọ da ra guọnọ aye ọvo vwẹ iyara ri Sorẹk, odẹ re se aye na ki Delila.