Aizaya 5:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ekan kẹ otu ri vwẹ ufi re efian evwọrọ kpono orukuruku ri kpono umwemwu kerẹsiẹ re kpono ekpẹrẹ,

Aizaya 5:18 ပူးပေါင်းရင်းမြစ်များ

Une rẹ Ejiro 10:11

O roro vwẹ udu rọye nẹ, Ọghẹnẹ gbe karọphihọ-ọ, o si opharo rọye nu, ọ gbe cha mrẹ bẹdẹ-ẹ.

Une rẹ Ejiro 14:1

Ẹkpa na da ta vwe udu rọye nẹ, Ọghẹnẹ herọ-ọ. Ayen miovwiri, ayen ru uruemu rẹ ẹgha, o vwo ọvuọvo ro ruẹ emu esiri-i.

Une rẹ Ejiro 36:2

Kidie ọ ra vwẹ unu brugu phihọ oma rọye nẹ a cha sa mrẹ otọ rẹ orukuruku rọye re de tuoma rọye-e.

Isẹ 4:17

Kidie umwemwu eruo ọye emu rẹ ayen ria, ozighi egbe ke rha udi rẹ ayen da.

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Jerimaya 23:10

Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Jerimaya 23:14

Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.

Jerimaya 23:24

Ohwo se si oma nu vwẹ asan rọ djahere mi de jẹ mrẹ, eriyin Ọrovwohwo tare. Ọ dia mẹvwẹ re ghwẹ odjuvwu vẹ akpọ na vọn eriyin Ọrovwohwo tare.

Jerimaya 36:23

Jehudi ghwe se urhie erha eyẹ ẹne nu, ovie na da vwẹ aphia bru ayen no phihọ erhanre rọ hẹ enyerhanre na, bẹsiẹ rẹ ọbe na ejobi vwo ton vwẹ evun rẹ erhanre na.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

Zẹfanaya 1:12

Vwẹ ọke yena kẹ urhukpẹ me vwọ guọnọ Jerusalẹm, ki mi hwe eshare na otu re kerhọn rẹ uyono esiri ọkpokpo na-a, otu re ta vwẹ udu rayen nẹ, Ọrovwohwo se ruẹ obo ri yoma-a, eyẹ o ji se ruẹ ọbo ri miovwiri-i.

Iyẹnrẹ Esiri ri Jọn 16:2

Ayen cha djẹ ovwan nẹ evun ri sinegọg; eriyin dẹn, ọke cha ri kohwo kohwo ro hwe ovwan ejobi ko che roro nẹ Ọghẹnẹ ọye ga.

Iruo rẹ Iyinkọn na 26:9

Okpuyovwi mẹ o mu vwe ẹro nẹ mi ru emu buebu vwo gbe kpahe odẹ ri Jesu ri Nazarẹt na.

Iguẹdjọ 17:13

Etiyin Mika da tanẹ, Ọke nana me ke riẹn nẹ Ọrovwohwo na che fe vwe, fikiridie me vwẹ ohwo ri Livae vwo ru orherẹn mẹ.

Iguẹdjọ 17:5

Ọshare na re se Mika na de vwo ẹshẹ, o de ko ibuluku kugbe terafim, ọ da sanọ ọvo vwẹ usun rẹ emọ rọye rẹ eshare na vwo mu, vwo ru orherẹn rode rọye