Aizaya 5:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọke yena imigodẹ na ke cha re odi rayen, te ọghwara te ẹmẹvwe ke cha re kugbe vwẹ ohri rẹ iwevwi ri sheri na.

Aizaya 5:17 ပူးပေါင်းရင်းမြစ်များ

Nehemaya 9:37

Emu esiri rọye ivie na ri sun avwanre ke eye re riọ fiki rẹ umwemwu rẹ avwanre, ayen ji vwo ogangan vwe enu re ugboma re avwanre kugbe uchuru rẹ avwanre obo ri je ayen, ye avwanre hẹ ọdjarhe rode.

Une rẹ Ejiro 119:70

udu rayen vẹ ọkpan kerẹ ivwri, ẹkẹvuọvo oma rẹ urhi wẹn vwerha ovwẹ.

Une rẹ Ejiro 17:10

Ayen rhurhu udu rayen kẹ ehrọre ayen vwẹ unu rayen ta ọpata.

Une rẹ Ejiro 17:14

Vwẹ obọ wẹn vwo sivwi, Ọrovwohwo, nẹ obọ rẹ ihwo rẹ ẹkẹn rayen dia ọ rẹ akpọ na ọvo. Gbe jẹn evun rayen vọn vẹ obo re wọ kọn koko kẹ ayen jẹn emọ rayen vwo buebu kpahe; jẹn ayen mrẹ emu jovwo kẹ emọ rayen.

Une rẹ Ejiro 73:7

Ibiẹro rayen vwọ ku vẹ ivwri, udu rayen vọn mwamwe hwẹ vẹ ughẹghẹ.

Aizaya 1:7

Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Aizaya 10:16

Fiki rẹ ọtiọye na Ọrovwohwo, Ọrovwohwo rẹ otuofovwi na, kọ cha vwẹ emiavwe rẹ ẹdọn mu egba rẹ ofovwi na, ke che koko erhanre rọ tua phihọ otọ rẹ urinrin rọye, kerẹ ogidi erhanre.

Aizaya 17:2

Ka kua nẹ irere rọye bẹdẹ; ke cha dia ẹdia rẹ igodẹ, ri che sherhẹ te otọ, ohwo ọvuọvo gbe djẹ oshọ mu aye-en.

Aizaya 32:14

Kidie ighen na a cha mrẹ ayen dje, orere rọ do ve ihwo na kua fiotọ, te igbenu re itete kugbe uwevwi re ohẹrhẹ ki hirhe phihọ emwa bẹdẹ asan re eketekẹtẹ da ghọghọ, odi phiephiephie kẹ uchuru;

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

Aizaya 65:10

Sharọn kọ cha dia otọ re egbri keẹ uchuru Mẹ, iyara re Akọr kẹ asan rẹ ekru rẹ uchuru Mẹ che rhuẹ phihọ, vwọ kẹ ihwo Mẹ re guọnọ ovwẹ.

Aizaya 7:25

vwo kẹ igbenu na ejobi ra vwẹ eghwro voro jovwo na, wo gbi yivwi si kẹrẹ-ẹ vẹ oshọ rẹ ekpia vẹ idjigbe; ẹkẹvuọvo kẹ ayen họhọ asan rẹ irhuẹn vẹ igegede che gbe sẹkẹ sẹkẹ.

Jerimaya 5:28

oma da rhe ro ayen sọkọ sọkọ. Ayen riẹn ughwru vwẹ uruemu rẹ orukuruku-u, ayen brorhiẹ rẹ esiri-i ayen nyo ota rẹ ọmọphrorivwi re vwo ruo yovwi-i, ayen je chọ ochọ rẹ ọrakpọbẹ kẹ-ẹ.

Uvwerhe 5:2

A rhẹriẹ uku rẹ avwanre vwọ kẹ erhorha, iwevwi rẹ avwanre kẹ ihwo rẹ isiorho.

Hosia 4:16

Izrẹl vẹ udu kọi, kerẹ erhuẹn ọshare ro vwo udu, kẹ Ọrovwohwo sa ghẹrẹ ayen vwẹ etiyin na, kerẹ ogodẹ vwẹ egbri ophephẹ?

Hosia 8:7

Kidie ayen kọn odju, ayen ki che vun ogiribo. Eka ri mudia na mu emọ phihọ uko-o, ayen gbe cha mọ-ọ e da tobọ mọ erhorha ke riọ nu.

Maika 2:12

Mi che si ovwan ejobi koko, E Jekọp, Me cha ghwe umuku ri Izrẹl ri chekọ koko; Ki mi si ayen koko kerẹ igegede vwẹ evun rẹ ogba, kerẹ ekru rẹ igodẹ vwẹ asan re da ria odi, urogho rẹ ihwo ri muẹ do.

Zẹfanaya 2:14

Ekru rẹ eranvwe ki rhuẹn te otọ vwẹ uherevie rọyẹ, ẹranvwe rẹ aghwa na ejobi; Ye udele kugbe ọrigbẹn okukughu kọ che bo vwẹ evakpo na, okpemu ko che kpẹri vwẹ ibara; kidie ke che rhie omamọ rẹ igẹdu rọye na phihọ.

Zẹfanaya 2:6

Ji te owẹ rhe, E erhuru na, egbri kọye cha djẹ vwẹ enu wẹ odi phiẹphiẹphiẹ kẹ otu ri suigodẹ kugbe ogba kẹ ekru rẹ igegede.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Urhi Rivẹ 28:33

Ẹgborho ru wo vugherei-i cha re emamọ rẹ otọ wẹn vẹ owia rọ wọ wianre ejobi; ke shenyẹ wẹ guọghọ owẹ te otọ kọke kọke;

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ