Aizaya 5:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ẹkẹvuọvo Ọrovwohwo rẹ otuofovwi na kọye ọvo a kpare kpenu vwẹ ọsoso, Ọghẹnẹ Ọfuanfon na kọ vwẹ oma rọye phia ọfuanfon vwẹ ọvwata.

Aizaya 5:16 ပူးပေါင်းရင်းမြစ်များ

1 Ikun rẹ Ivie 29:11

Wẹ, E Ọrovwohwo, vwo ọrho, kugbe ogangan, vẹ urinrin vẹ ephiokparobọ vẹ ẹgba; fikiridie emu rẹ obo odjuvwu vẹ akpọ ejobi ewẹn; Ọwẹn ọye uvie na E Ọrovwohwo, wẹ a kpare kpenu vwẹ enu ri kemu kemu ejobi.

Une rẹ Ejiro 21:13

Je mu we kpenu, E Ọrovwohwo, vwẹ evun re ogangan wẹn! Avwanre so ine re jiri ogangan wẹn.

Une rẹ Ejiro 46:10

Fọ gbiẹi, wọ riẹn nẹ Mẹvwẹ Ọghẹnẹ. Mẹvwẹ a kpare kpenu vwẹ ohri rẹ ẹgborho na, Mẹvwẹ a kparẹ kpenu vwẹ akpọ na!

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.

Aizaya 12:4

Ku wọ ta vwẹ ẹdẹ yena: Vwẹ ẹkpẹvwẹ kẹ Ọrovwohwo, se odẹ rọye; ghwoghwo uruemu rọye kẹ irere na ejobi, ghwoghwo nẹ e mu odẹ rọye kpenu.

Aizaya 2:11

Inieni ọbrabra rẹ ohwo ki che kpotọ eheri rẹ ihwo ka phọphọ ayen; Ọrovwohwo na ọvo kọye a kpare kpenu vwẹ ẹdẹ yena.

Aizaya 2:17

Obrabra rẹ ohwo kọ mrẹ ẹphọphọ eheri rẹ ihwo ke che vwo kpotọ; Ọrovwohwo ọvo a kpare kpenu vwẹ ẹdẹ yena.

Aizaya 2:9

Etiọye ayen phọphọ ohwo, ayen da vwẹ ihwo gbe otọ– wo vwo ghovwo aye-en!

Aizaya 28:17

Ki mi ru usi na dia ọsoso ọvwata ke rha he ovwanvwọn na, ogiribo ko che hwerhe odjahọ rẹ efian na kufia, ame ko che phoro urhurho na.

Aizaya 29:23

Kidie ọke rọ vwọ mrẹ emọ rọye, iruo re obọ mẹ, vwẹ uherevie rọye, kẹ ayen ru odẹ mẹ fon; ke ayen ru Ọfuanfon Ọvuọvo ri Jekọp na fon, ke ayen mudia vẹ udidi vwẹ obaro rẹ Ọghẹnẹ rẹ Izrẹl na.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 33:10

Asakiephana ki Mi vrẹn, eriyin Ọrovwohwo tare, Asakiephana ke Me kpare oma Me kpenu, Asakiephana ka kpare ovwẹ kpenu

Aizaya 33:5

Ọrovwohwo na a kpare kpenu, kidie obenu ọ dia; kọ cha vọn Zayọn ve ọsoso kugbe ọvwata;

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 6:3

Ọvo de se ọrivẹ ọ da tanẹ: Ẹfuọn, ẹfuọn, ẹfuọn ọye Ọrovwohwo rẹ otuofovwi na; akpọ na ejobi vọnre vẹ urinrin rọye.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Aizaya 8:13

Ẹkẹvuọvo Ọrovwohwo rẹ otuofovwi na, ọye ọvo wọ reyọ nẹ ọ fonro rọ dia oshọ wẹn, re ọ je dia ophariẹ wẹn.

Izikiẹl 20:41

Ke me reyọ owẹ kere izobo ro gbo ọnrhe ororo, vwẹ ọke me da reyọ owẹ nẹ ohri rẹ ihwo na rhe, re me da ghwẹ wẹ koko nẹ irho ra hra wẹ ra rhe, ke me vwẹ ọfuanfon mẹ phia vwẹ ohri wẹ vwẹ irharo rẹ ẹgborho na.

Izikiẹl 28:22

re wọ ta, E nẹ Ọrovwohwo Ọghẹnẹ tare: Nighere, mi mu kpahe owẹ, E Sidọn, ki mi vwẹ urinrin mẹ phia vwẹ ohri wẹ. Ke ayen riẹn nẹ mẹvwẹ Ọrovwohwo vwẹ ọke ri mi de gu ẹdjọ vwẹ evun rọye, re me da vwẹ urimrin mẹ phia vwẹ evun rọye,

Izikiẹl 28:25

E nẹ Ọrovwohwo Ọghẹnẹ tare: Ọke mi de rhi koko uwevwi rẹ Izrẹl nẹ ohri rẹ ihwo ra hra ayen ra na, ra da vwẹ urinrin mẹ phia vwẹ oma rẹ ayen vwẹ obaro rẹ ẹgborho na, Eeiyin kẹ ayen cha dia otọ rẹ obọ rayen re me vwọ kẹ odibo mẹ Jekọp.

Izikiẹl 36:23

Ki mi dje ase vẹ ẹfuọn rẹ odẹ mẹ, re gbe ẹgua vwẹ ohri rẹ ẹgborho na, ru wo ji gbe ẹgua vwẹ ohri rẹ ayen; ẹgborho na ke riẹn nẹ mẹvwẹ Ọrovwohwo, eriyin Ọrovwohwo Ọghẹnẹ tare, Vwẹ ọke re me vwọ wan oma wẹ dje ẹfuọn mẹ kẹ ẹro rayen mrẹ.

Izikiẹl 38:16

ku wọ cha vwọ so ihwo mẹ Izrẹl, kerẹsiẹ rẹ ẹgho e de rhurhu otọ na. Vwẹ ẹdẹ rọ ka uku na ke me cha reyọ owẹ vwọ so otọ mẹ na, rere ẹgborho na vwọ riẹn vwẹ, vwẹ ọke re me da wan oma wẹ, E Gọg, vwo dje asẹ rẹ ẹfuọn mẹ kẹ ayen mrẹ.

Izikiẹl 38:23

Ọtiọye ke me cha vwẹ ọrho mẹ vẹ ẹfuọn mẹ phia ra da riẹn vwẹ vwẹ irharo rẹ ẹgborho buebu. Etiyin ayen ke cha riẹn nẹ mẹvwẹ Ọrovwohwo na.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Ukeri 20:13

Enana keye ame ri Meriba, asan rẹ ihwo rẹ Izrẹl de nene Ọrovwohwo ghwọ, o de dje oma rọye fuanfon vwọ kẹ ayen.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

1 Pita 1:16

Kidie e siro nẹ, Ovwan ke fon, kidie me fonro.

1 Pita 2:15

Kidie ọye ọhọre rẹ Ọghẹnẹ nẹ wo de ru obo ri yovwiri kọ nẹrhẹ ẹkpa ri ghẹghẹ rhuru unu.

1 Pita 3:15

ẹkẹvuọvo mu ọghọ kẹ Kristi kerẹ Ọrovwọhwo vwẹ obo udu wẹn. Choma kọke kọke re wọ vwọ chọ ochọ rẹ iphiẹrohọ rọ hẹ evun wẹn, dede na ruo dẹndẹn vẹ ọghọ;

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.

Ẹvwọphia 4:8

Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.