Aizaya 5:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Fiki rẹ ọtiọye na ushi rhie unu rọye phihọ ọ nabọ rhie phihọ ghworo ikpihwo ri Jerusalẹm kugbe otu rayen ejobi ke ghwọrọ ruọ, ọbibinagba na ejobi kugbe ohwo rẹ oma muẹ.

Aizaya 5:14 ပူးပေါင်းရင်းမြစ်များ

Une rẹ Ejiro 49:14

e bru ẹdẹ rẹ Erivwi ke ayen kerẹ igodẹ; Ughwu kọye cha dia osuigodẹ rayen; ayen cha djẹ kpo obo ushi ghwrara, erhuvwu rayen ki che gbo kufia Erivwi kọ dia uwevwi rayen.

Une rẹ Ejiro 55:15

Gbe jẹn ughwu she teye ayen; jẹn ayen yan rọ Erivwi vẹ ẹro ọkpokpọ; jẹn ayen vwẹ uguegue yan ro ushi rayen.

Isẹ 1:12

rere e mu ayen rọ ọkpokpọ kerẹ Erivwi kerẹ ihwo re mu phihọ Ushi

Isẹ 27:20

Tẹ ushi tẹ erivwi evun vọn aye-en evun je sa vọn ẹro rẹ ohwo rẹ akpọ-ọ.

Isẹ 30:16

Erivwi, evun rẹ ega, otọ na rọ da ame kọke kọke, kugbe erhanre ro jẹ tanẹ, Oteri.

Aizaya 14:11

A vwẹ eyan wẹn gbotọ kpo erivwi, edo rẹ owanre wẹn, ihori keye wọ cha vwọ hwa ehwa, ididẹn kọye wo vwo phopho.

Aizaya 14:9

Erivwi ejobi vrẹn mudia gharaghara re ayen cha vwọ vwa ọke wọ da rhe, irivwi ejobi ki che yere uwe; ihwo ri je sun akpọ na jovwo ro mu nẹ ekete rayen ihwo ri je dia ivie rẹ irere na vẹrhe.

Aizaya 21:4

Udu mẹ yeghe, oshọ rhurhu vwe, aruọnre re me hẹrhẹ o rhi hirhe phihọ uguegue kẹ vwẹ.

Aizaya 24:8

Aghọghọ vẹ edo rẹ igogo efọre, edo rẹ ihwo re ghọghọ fueri, aghọghọ rẹ ekpata ejobi fọre riẹi.

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Izikiẹl 7:12

Ọke na rhire, ẹdẹ na si kẹrire. E jẹn ohwo rọ de ghọghọ-ọ eyẹ ohwo rọ shẹ muomahọ-ọ, kidie ivuemiovwo ọ hẹ enu rẹ ẹgbotu rayen ejobi.

Daniẹl 5:30

Ason yena ọvuọvo na e de hwe Bẹlshaza ovie ri Kaldia.

Nahum 1:10

Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.

Habakọk 2:5

Ọ rọ marho, udi vwenẹ emu rẹ ogbarogba; ohwo rọ phoma cha sa dia-a. Urhuru ẹvwo rọye epha ghwọrọ kerẹ Erivwi; kerẹ ughwu evun vọ-ọn. Ọ ghwẹ ẹgbọrhọ rẹ akpọ na ejobi koko kẹ oma rọye, o mi toro ihwo na ejobi koko kẹ oma rọye.

Matiu 7:13

Ovwan wan anurhoro ọhwahwa na: Kidie idjerhe rọ hẹhẹre kugbe anurhoro ọhẹhẹre ọye idjerhe rẹ oghwọrọ. Ihwo buebu yi nene idjerhe yena.

Iyẹnrẹ Esiri ri Luk 17:27

Ayen ria, ayen da, ayen rọvwọ, ayen vwo kpo orọvwe, bẹsiẹ ro rhi vwo te ọke ri Noa rhe vwọ ro okọ, oghwe na da rhe rhe ghwọrọ ayen ejobi.

Iyẹnrẹ Esiri ri Luk 21:34

Ẹkẹvuọvo kẹnoma wẹn ọ dia eriyi-in iroro wẹn da rhe vọn vẹ oseghe kugbe idiẹda vẹ enwan rẹ akpọ nana, rẹ ẹdẹ yena da rhe vwa wẹ kpregede kerẹ ufi;