Aizaya 5:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Fiki rẹ ọtiọye na ihwo mẹ vwo kpo ijọpha fiki rẹ ughẹghẹn rayen, ihwo ri vwo ọghọ vwẹ usun rayen owẹvwe ro hwe ayen ghwẹ, ibuebu rayen yamu fiki rẹ urhuru rẹ ame.

Aizaya 5:13 ပူးပေါင်းရင်းမြစ်များ

Ivie rẹ Ivẹ 17:6

Vwẹ ukpe rirhiri ri Hoshea ovie rẹ Asiria de mu Sameria, ọ da kua ihwo rẹ Izrẹl kpo Asiria, ọ da ghwa ayen phihọ Hala, kugbe Habo, urhie ri Gozan, kugbe evun rẹ irere rẹ ihwo ri Mid.

Isẹ 10:21

Ẹbẹrunu rẹ ovwata nẹrhẹ evun vọn ihwo buebu, ẹkẹvuọvo jẹ iroro evwo re nẹrhẹ ughwu hwe ohwo oghenghẹn.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 1:7

Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Aizaya 23:9

Ọrovwohwo rẹ otuofovwi na jẹn iroro na nure, rere o gbe urinrm ejobi ẹgua, rere o si ọghọ nẹ oma rẹ ihwo re mu ọghọ kẹ vwẹ akpọ na ejobi.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 3:1

Gbe nighe, Ọrovwohwo na, Ọrovwohwo rẹ ofovwi na, o cha reyọ echoma kugbe ọkpọ nẹ Jerusalẹm kugbe Juda rhe echoma rẹ ikara ejobi, echoma rẹ ame ejobi,

Aizaya 3:3

onotu rẹ ujuvẹ gbe ihwe kugbe ohwo ro fo edje, ọboiroro kugbe ọgba re ewawavwiẹ ohwo rọ hworo ebọ.

Aizaya 44:19

O vwo ohwo ro roro-o, eyẹ o vwo erianriẹn eyẹ evughe rọ vwọ tanẹ, Ubro rọye me torhẹre vwẹ erhanre nure, me da vwẹ esia rọye kake ikara, Me vwe eranvwe tọn me je riọ nure, kẹ ephraphrẹ ri chekọ na me rhoma vwo gbe ẹgua? Ki mi shiguẹ kẹ ubro rẹ urhe?

Aizaya 49:21

Ọke yena ko wọ ta vwẹ udu wẹn Konọ vwiẹ enana kẹ vwẹ? Ihwo Mẹ ghwuru Me ke rha dia ẹga, e mu ayen ighuvwu a dje ayen kufia, ẹkẹvuọvo kono rha rhoma vwiẹ enana? Nighe, Mẹvwẹ obo ri chekọ, ki tivo enana rhe nurhe?

Aizaya 65:13

Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 14:3

Ikpihwo rọye ji idibo rayen kpo amevo, ayen rhi te ẹtẹrhe na, ayen mrẹ ame-e, ayen da ghwa echẹ ifefe rhivwi rhe; oma vo ayen hwe ayen ki kiẹn ayen rhurhu uyovwi rayen.

Jerimaya 8:7

Obo re hẹ obenu dede na riẹn ọke roye, ilekuku, emephran-Ọghẹnẹ, vẹ egodi yọnrọn ọke rẹ ẹcha rayen; ye ihwo mẹ je riẹn iji rẹ Ọrovwohwo-o

Uvwerhe 4:9

Aghọghọ herọ kẹ otu rẹ ọlọkọ hweri nọ otu rẹ owẹvwe hweri ri vwioro kuẹfia fiki rẹ ọkarovwẹ rẹ emamọ rẹ aghwa.

Izikiẹl 7:12

Ọke na rhire, ẹdẹ na si kẹrire. E jẹn ohwo rọ de ghọghọ-ọ eyẹ ohwo rọ shẹ muomahọ-ọ, kidie ivuemiovwo ọ hẹ enu rẹ ẹgbotu rayen ejobi.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Emọs 8:13

Vwẹ ẹdẹ yena emetobẹ iyoyovwi vẹ imighene ki shero fiki rẹ urhuruame.

Iyẹnrẹ Esiri ri Luk 19:44

ra da vwẹ owẹ ghwiotọ, wẹ kugbe emọ wẹn vwẹ evun wẹn, ayen che ji oragha re mu kpahe ohwohwo vwo vwẹ enu rẹ ọfa-a; fikiridie wọ riẹn ọke ro che vwo te we oma-a.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

2 Pita 3:5

Ayen vwẹ ẹro koko siẹn uyota nana, nẹ vwẹ ota rẹ Ọghẹnẹ ọye odjuvwu na vwọ herọ nẹ awanre rhe, ọye otọ na vwọ va nẹ evun rẹ ame rhe vwẹ oma rẹ ame,