Aizaya 49:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Aizaya 49:8 ပူးပေါင်းရင်းမြစ်များ

2 Samuẹl 7:13

Kọ bọn uwevwi phihọ vwẹ odẹ mẹ ke Me vwẹ uvie rọye muotọ bẹdẹ.

Une rẹ Ejiro 2:8

Nọ vwẹ ọhọ me, ke me vwẹ egborho na ghare owẹ ughwẹ, oba rẹ akpọ na ejobi kọ dia ọwẹn.

Une rẹ Ejiro 69:13

Ẹkẹvuọvo vwọ kẹ vwẹ, wẹ me nẹ ẹrhovwo kẹ, E Ọrovwohwo Vwe ọke ro shephihọ, E Ọghẹnẹ, vwẹ obuebu rẹ ẹguọnọ wẹn ro jẹ rhẹriẹ na gba kpahe kẹ vwẹ.

Une rẹ Ejiro 75:3

Ọke re akpọ na da gẹre ọchọn, vẹ ihwo re dia evun rọye ejobi, Mẹvwẹ ọye re kpọ ichivwo rọye viẹ

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Aizaya 27:3

Mẹvwẹ rẹ Ọrovwohwo, ọye vwẹ ẹro te, kọke kọke mi vwo ku ame kuo. O dia ọtiọye-e ohwo de rhe miovwo Me rhẹrẹ te ason te uvo,

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Aizaya 49:19

Uyota asan ofefe wẹn ra kua jovwo kugbe otọ wẹn ra ghwọrọ re na– uyota ọ cha hwa nọ kẹ ihwo wẹn re dia, ihwo re rọ we kpo evun na ke cha dia shesheri.

Aizaya 51:16

Mi de phi ota mẹ phihọ unu wẹn, mi de si we nu vwẹ uhoho rẹ obọ mẹ, Me da riẹn idjuvwu na phihọ ma da ton uchivwo rẹ akpọ na phihọ, ta ke Zayọn nẹ, Ovwan ihwo Mẹ.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 54:3

Kidie wo cha hẹre kpo obọrhe vẹ ọbọhwere, uvwiẹ wẹn ki che vwo ẹgborho na ihwo ke vọn irere ra kua fiotọ.

Aizaya 55:6

Guọnọ Ọrovwohwo bẹsiẹ ra vwọ mrẹ, se vwẹ ọke ro vwo si kẹre na;

Aizaya 57:13

Ọke wo de bunu, gbe jẹn ekru rẹ oma wẹn sivwi uwe, Odju che dju ayen yanran, ẹnwẹn cha kpare ayen kufia. Ẹkẹvuọvo ohwo ro sioma rọye nu vwẹ oma Mẹ che vwo otọ na, kọ cha vwẹ ugbenu ọfuanfọn Me reuku.

Aizaya 58:12

Iwevwi rẹ awanre ri sheri ejobi ka rhoma bọn ayen, ku wọ vwẹ uchivwo rẹ uvwiẹ buebu vwo chivwi otọ; ke se we nẹ ọrhuẹrẹ iphrophro, ọrhuẹrẹ rẹ irhuvwu re i ja dia.

Aizaya 58:5

Oghẹre rẹ owẹvwe ọtiọna Me guọnọre, re ohwo vwọ vwẹ oma rọye kpotọ? Rere o vwo gbe uyovwi hẹ otọ kerẹ eyareya, rere ọ vwọ vwẹ esiso kugbe iwurhie hwa otọ? wo se ọnana owẹvwe echiro, kugbe ẹdẹ rẹ Ọrovwohwo jẹreyọ?

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Aizaya 61:4

Ayen ke cha bọn iwevwi re awanre ri tuegheri, asan re vẹre na ka rhoma mu ayen vi, ayen ke rhuẹrẹ irere re ghwọre na, re vẹre vwe ọke rẹ orua buebu re.

Aizaya 65:9

Me cha reyọ uvwiẹ ri Jekọp rhe, i ri nẹ Juda rhe ke reuku rẹ igbenu Mẹ; e re Me jẹreyọ ke vwọ re uku, idibo Mẹ ke cha dia etiyin.

Matiu 26:28

Kidie ọnana ọbara mẹ rẹ ọphọ ọkpokpọ na, ro hwẹri kẹ otu buebu, fiki rẹ evworhovwo rẹ umwemwu.

2 Kọrẹnt 6:2

Kidie ọ tare nẹ, Me kerhọn rẹ ovwan vwẹ ọke ro shephihọ, me cha ovwan uko vwẹ ẹdẹ rẹ esivwo. Nighe, asakiephana hẹ ẹdẹ ro shephihọ na; nighe, asakiephana hẹ ẹdẹ rẹ esivwo na.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Hibru 12:24

kugbe Jesu o vwrohọre rẹ ọphọ ọkpokpọ na, kugbe ọbara ra fẹre rọ ta ota esiri nọ ọbara rẹ Ebẹl.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Hibru 8:6

Ẹkẹvuọvo kirobo rọ epha na, Kristi vwo odiboegbe ro yovwi nọ ọ rẹ awanre na kidie ọphọ ro mudia re na ri me yovwi, fikiridie ive re ve phihọ na ri me yovwi rhe.