Aizaya 49:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Enẹ Ọrovwohwo tare, Ọtan rẹ Izrẹl kugbe Ọfuanfon Ọvuọvo rọye na, vwọ ke ọvo ra jẹfia gangan, ro tu ẹgborho na oma, odibo rẹ isun na. Ivie ke mrẹ ki vrẹn; isun, kugbe ayen ki she diguẹ; fiki rẹ Ọrovwohwo, rẹ ohwo rẹ uyota, Ọfuanfon Ọvuọvo rẹ Izrẹl na, rọ je wẹn reyọ na.

Aizaya 49:7 ပူးပေါင်းရင်းမြစ်များ

Jẹnẹsis 27:29

Jẹn ihwo ga wẹ, irere ki shiguẹ kẹ wẹ. Ku wọ dia olori vwẹ enu rẹ iniọvo wẹn Jẹn emọ rẹ oni wẹn vwẹ uyovwi te otọ kẹ wẹ. Eka kẹ ohwo rọ harha owẹ Ẹrhovwo kẹ ohwo rọ nẹ ẹrhovwo kẹ wẹ.

Une rẹ Ejiro 47:9

Isun rẹ ihwo na si koko kerẹ ihwo re Ọghẹnẹ re Ebraham. Kidie ekpọfia rẹ akpọ na e rẹ Ọghẹnẹ ọye a kpare kpenu gangan!

Une rẹ Ejiro 68:31

Jẹn a ghwe erọvwọ nẹ Ijipt rhe; jẹn Itiopia bru okpakpa riẹn abọ rọye bru Ọghẹnẹ.

Une rẹ Ejiro 69:19

Wọwẹ re riẹn obo ra ghwọ ku vwe te, omaẹvuọ mẹ kugbe omaẹphọphọ mẹ ivwighrẹ mẹ ejobi wọ riẹn ayen.

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Aizaya 19:21

Ọrovwohwo kọ vwẹ oma rọye kẹ ihwo re Ijipt riẹn, ihwo rẹ Ijipt ke riẹn Ọrovwohwo vwẹ ẹdẹ yena kẹ ayen ga vẹ izobo kugbe izobo ẹtorhẹ, ayen ki ve ive kẹ Ọrovwohwo kẹ ayen hwaosa rẹ ive na.

Aizaya 19:23

Vwe ẹdẹ yena idjerhe rode kọ cha dia nẹ Ijipt re te Asiria ihwo rẹ Asiria ke rhe Ijipt, ihwo re Ijipt ke re Asiria, ihwo re Ijipt kugbe Asiria ki kuomaghe ga vwe asan ọvo.

Aizaya 27:13

Vwẹ ẹdẹ yena ke che hworo ọgban rode, ihwo ri ghwruru vwẹ otọ rẹ Asiria kugbe e ra djẹre kpo otọ rẹ Ijipt ke cha rhe rhe ga Ọrovwohwo na vwẹ enu rẹ ugbenu ọfuanfon vwi Jerusalẹm.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 48:17

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.

Aizaya 48:7

A ma ayen vwẹ Asakiephana, i ji kri nọ-ọ, rhi te nonẹ na wo ji nyo aye-en, wọ da rha tanẹ, Nighere, Me riẹn ayen jovwo-o .

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 50:6

Me vwe uko mẹ kẹ ọ rọ ghwiẹ vwẹ, ohwa Me vwọ kẹ otu re savwe ẹtuegha mẹ; Mi si opharo Mẹ nu-u vwọ kẹ omaẹvuọ vẹ enya edje kuo.

Aizaya 52:15

eriyin ko gbe buebu unu; ivie ki rhurhu unu fiki rọye, kidie obo ra je ta kẹ aye-en kọye ayen cha mrẹ, obo rẹ ayen ji nyo jovwo-o, kẹ ayen cha mrẹ vughe.

Aizaya 53:3

A jẹrẹfia ihwo serọ, ohwo re oja, ivuemiovwo rierierẹ oma, kerẹ ohwo ra mrẹ si opharo djẹ, a jẹrẹfia, avwanre sere gbe ohwo-o.

Aizaya 60:10

Erhorha keye che fi igbẹhẹ wẹn kẹ wẹ, ivie rayen ki che gbe odibo kẹ wẹ, kidie vwẹ ophu Mẹ Me da ghwiẹ wẹ, ẹkẹvuọvo vwẹ evun esiri Me da re ehrọre wẹ.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Aizaya 60:3

Irere buebu ki che bru urhukpẹ wẹn na rhe, ivie ki bru elo wẹn ro vacha na rhe.

Aizaya 66:23

Nẹ ọtuphro rẹ emeranvwe re te ọtuphro rẹ emeranvwe, nẹ ẹdidjala re te ẹdidjala, ihwo ejobi cha rhe rhe ga vwẹ, eriyin Ọrovwohwo tare.

Zekaraya 11:8

Vwẹ emeranvwe ọvo Me da ghwọrọ isuigegede erha. Ẹkẹvuọvo mi gbi se chirako raye-en, ayen da vwẹ ovwẹ ru ọvweghrẹ.

Matiu 20:28

Ọ dianẹ Ọmọ rẹ ohwo rhere re e vwo gbe odibo kẹ-ẹ, ẹkẹvuọvo re o vwo gbe odibo, rere ọ vwẹ arhọ rọye tan ihwo buebu.

Matiu 26:67

Etiyin ayen de dje enya kuo ayen da vwọ jehwẹ; ayen da vwẹ obọ fa,

Iyẹnrẹ Esiri ri Luk 22:27

Kidie ọrhọ re ma rho, ohwo ro tidia imẹjẹ, eyẹ ọ ro gbe odibo? Ọ dia ọ ro tidia imẹjẹ-ẹ? Ẹkẹvuọvo me hẹ ohri rẹ ovwan kerẹ ohwo ro odibo.

Iyẹnrẹ Esiri ri Luk 23:18

Ẹkẹvuọvo ayen ejobi de koko kuvwie, A vwẹ ohwo nana yanran, re siobọ nẹ Barabas kẹ avwanre–

Iyẹnrẹ Esiri ri Luk 23:23

Ẹkẹvuọvo kẹ ayen kpakpọ, re guọnọ vẹ ekuvwie nẹ ọ kanrọ mu agbagba. Ekperẹ rayen da kparobọ.

Iyẹnrẹ Esiri ri Luk 23:35

Ihwo na de mudia, re rhẹrẹ; ẹkẹvuọvo isun na de mienu phihọ, tanẹ, O sivwi ihwo efa; gbe jẹn o sivwi oma rọye, ọ da dianẹ ọye hẹ Kristi rẹ Ọghẹnẹ, Ọvuọvo rọ Jẹreyọ na.

Iyẹnrẹ Esiri ri Jọn 18:40

Ayen da rhoma kuvwie, Ọ dia ohwo nana, ẹkẹvuọvo Barabas. Asakiephana Barabas na oji.

Iyẹnrẹ Esiri ri Jọn 19:15

Ayen de kuvwie, A vwọ yanran, a vwọ yanran, kanrọ mu agbagba! Pailet da ta kẹ ayen, Ke me kanre Ovie rẹ ovwan mu agbagba? Ilori rẹ irherẹn na da kpahe, Avwanre vwo ovie-e jokpa rẹ Siza.

Iyẹnrẹ Esiri ri Jọn 19:6

Ọke rẹ olori rẹ irherẹn na kugbe iruiruo na vwọ mrẹ, ayen de kuvwie, Kanrọ mu agbagba, kanrọ mu agbagba! Pailet da ta kẹ ayen, Ovwan ọvo reyọ re wa kanrọ mu agbagba, kidie me mrẹ oruchọ vwẹ oma rọye-e.

1 Kọrẹnt 1:9

Ọghẹnẹ ohwo rẹ uyota, oma rọye a wan se ovwan rhe okugbe rẹ Ọmọ roye, Jesu Kristi Ọrovwavwanre.

Urhi Rivẹ 7:9

Vwẹ ọtiọye na wọ Me riẹn nẹ Ọrovwohwo Ọghẹnẹ wẹn na, yẹ Ọghẹnẹ; Ọghẹnẹ rẹ uyota, rọ yọnrọn ọphọ vẹ arodọvwẹ kẹ otu re guọnerọ re je yọnrọn irhi rọye ra ro uvwiẹ uriori; ro ọ Me hwa osa kẹ ohwo ri mu kpahọ gbonozẹ,

1 Pita 2:4

Bro rhe, bru oragha ro jeghwo na rhe, rẹ ihwo senre na ẹkẹvuọvo ra jẹreyọ ghaghare vwẹ obaro rẹ Ọghẹnẹ.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.