Aizaya 49:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Asakiephana Ọrovwohwo tare, rọ ma vwẹ nẹ evun rhe nẹ Me dia odibo rọye, vwọ reyọ Jekọp vwo rhivwi rhe, ra vwọ ghwẹ Izrẹl kokọ bro ra, kidie Mi vwo ọghọ vwe obaro rẹ Ọrovwohwo, Ọghẹnẹ Me rhi hirhe phihọ ogangan mẹ re–

Aizaya 49:5 ပူးပေါင်းရင်းမြစ်များ

Nehemaya 8:10

Etiyin ọ da ta kẹ ayen, Wa yanran, re wa re ivwri re wa da udi re wa rha ghare ẹkẹn kẹ otu ra mrẹ chere kẹ-ẹ, kidie nonẹ na ẹdẹ ọfuanfon kẹ Ọrovwavwanre; wo je ivun miovwo ovwa-an, kidie aghọghọ rẹ Ọrovwohwo ọye hẹ ogangan rẹ ovwan.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 25:1

E Ọrovwohwo, wẹ ọye Ọghẹnẹ mẹ, Me kpare owẹ kpenu, mi Jiri ode wẹn; kidie wo ru emu rẹ igbunu, iroro wọ jẹre awanre rhe, uyota gbagba.

Aizaya 27:12

Vwẹ ẹdẹ yena nẹ urhie ri Yufretis re te Oku rẹ Ijipt Ọrovwohwo ọvo kọye ri che woro ọka na, ka cha ghwẹ ovwan koko ọvuọvo, E ihwo rẹ Izrẹl.

Aizaya 43:4

Kidie wẹ ọghaghare kẹ vwẹ, wẹ ro vwọ ọghọ, ivun wẹn da vwerhe ovwẹ, Me da vwe ihwo wene ke wẹ, ihwo kọye e vwọ wene arhọ wẹn.

Aizaya 44:2

Enẹ Ọrovwohwo rọ ma wẹ na tare, rọ mama owẹ nẹ evun rhe na kọ cha wẹ uko. Wọ djẹ oshọ-ọ, E Jekọp odibọ mẹ Jeshurun re me jẹreyọ.

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Aizaya 52:13

Nighe, odibo Mẹ ko che yovwi, ke muo kpenu phelephele, ko kpenu gangan.

Aizaya 56:8

E nẹ Ọrovwohwo Ọghẹnẹ tare, ọ rọ ghwe emọ rẹ Izrel ra dje kufia koko, Me cha ghwe efa bro ra vwo kugbe e ra ghwẹ rhe jovwo na.

Jerimaya 1:5

Tavwe me ke mama owẹ vwẹ obo evun, me riẹn wẹ, tavwe re ki vwiẹ wẹ yi mi ru we fon nure; me da vwo owẹ mu ọmraro kẹ irere na.

Zekaraya 6:13

Ọye he ohwo ro cha bọn uwevwi rẹ ẹga rẹ Ọrovwohwo na, ke mu ọghọ rẹ ovie kẹ, ko che tidia de sun vwẹ ekete rọye Orherẹn kọ cha dia akakọ rẹ ekete rọye na, ẹruọ rẹ ufuoma kọ cha dia uvwre rẹ ayen ivẹ.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Matiu 15:24

Ẹkẹvuọvo ọ da kpahe ọ da ta nẹ, E ji vwe bru ihwo efa ra-a, jokpa rẹ igegede rẹ uwevwi rẹ Izrẹl ri ghwruru.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Iyẹnrẹ Esiri ri Luk 19:42

tanẹ, Mane ku wọ sa riẹn imu re kẹ ufuoma vwenẹ! Ẹkẹvuọvo Asakiephana e si ayen nu kẹ ẹro wẹn.

Iyẹnrẹ Esiri ri Jọn 3:35

Ọsẹ na guọnọ Ọmọ na, o de phi emu na ejobi phihọ obọ.

Iruo rẹ Iyinkọn na 10:36

Ovwan riẹn ota na ro ji bru ihwo rẹ Izrẹl ra, iyẹnrẹ esiri rẹ ufuoma re ghwoghwo kẹ ayen vwẹ oma ri Jesu Kristi ọye Ọrovwohwo ro vwo emu ejobi,

Ọbe ri Pọl si rhe Ihwo ri Rom 15:8

Kidie me ta kẹ owẹ nẹ Kristi rhi hirhe oma phihọ odibo vwọ kẹ ihwo re yanvwere ro vwo dje uyota rẹ Ọghẹnẹ phia, rere o vwo ru ive ro ve kẹ esẹ ride na gba.

Galesha 1:15

Ẹkẹvuọvo ohwo rọ sanọ ovwẹ nẹ evun rẹ oni mẹ rhe jovwo na, ro se vwe vwẹ ẹserọphẹ rọye,

1 Pita 3:22

ro kpo obo odjuvwu ro de tidia obọrhe rẹ Ọghẹnẹ, vẹ emakashe, otu ri suẹn kugbe ogangan ejobi da vwẹ oma kpotọ kẹ.