Aizaya 49:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ke si emuọre nẹ unu rẹ ọgba, eyẹ oghuvwu ne obọ rẹ odiphri?

Aizaya 49:24 ပူးပေါင်းရင်းမြစ်များ

Ezra 9:13

Vwẹ ọke rẹ imu nana ejobi rhe vwọ phia kẹ avwanre fiki rẹ imwemwu rẹ avwanre nu, ra vwọ mrẹ nẹ wẹwẹ, Ọghẹnẹ rẹ avwanre, ruẹ ehwe wẹn hanvwe nọ obo rẹ umwemwu rẹ avwanre bu te wọ ke je kẹ avwanre umuku otiọna na,

Ezra 9:9

Kidie avwanre eviẹn, ẹkẹvuọvo Ọghẹnẹ rẹ avwanre siẹn avwanre vwẹ otọ rẹ eviẹn rẹ avwanre epha na-a, ẹkẹvuọvo ọ da riẹn abọ rẹ eguọnọ ro jẹrhẹriẹ rọye kẹ avwanre vwẹ obaro rẹ ovie ri Pẹsha, re ọ vwọ sasa avwanre oma rere avwanre re mu uwevwi rẹ Ọghẹnẹ vi, ra rhuẹrẹ asan ro miovwiri vwọ ejobi, rere ọ rha vwẹ ugbuko rhurhu avwanre vwi Juda vi Jerusalẹm.

Nehemaya 9:33

Dede na emu re ọsoso wo ruru kpahe obo re phia kẹ avwanre na, kidie emu re esegbuyota wo ruru yẹ emu umwemwu avwanre ruru,

Nehemaya 9:37

Emu esiri rọye ivie na ri sun avwanre ke eye re riọ fiki rẹ umwemwu rẹ avwanre, ayen ji vwo ogangan vwe enu re ugboma re avwanre kugbe uchuru rẹ avwanre obo ri je ayen, ye avwanre hẹ ọdjarhe rode.

Aizaya 42:22

Ẹkẹvuọvo ọnana ihwo re chori re gborhori, ufi mu ayen ejobi vwẹ evun rẹ unu, ayen de si oma nu vwẹ uwodi; ayen hirhe phihọ emuọre ohwo ro sivwi ayen gbe herọ-ọ emuọre ra mrẹ ohwo ta kẹ nẹ, Rhivwi.

Aizaya 5:29

Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Izikiẹl 37:11

Etiyin ọ da ta kẹ vwẹ, Ọmọ rẹ ohwo, ibeku nana hẹ uwevwi rẹ Izrẹl ejobi. Nighere, ayen ta nẹ, Ibeku rẹ avwanre yamu, iphiẹrohọ rẹ avwanre reri, e bru avwanre kufia.

Izikiẹl 37:3

Ọ da ta kẹ vwẹ, Ọmọ rẹ ohwo, ibeku nana sa rhọ? Me da kpahe, E Ọrovwohwo Ọghẹne, wẹ re riẹnreọ.

Nahum 2:13

Nighe mi mu kpahe owẹ, eriyin Ọrovwohwo rẹ otuofovwi na tare, ke me cha torhẹ ekpẹrẹ wẹn na, ivwirhi ki bru rhe, ka cha vwẹ ọlọkọ nyavwẹ imikpohrokpo wen na; ke me cha nyavwẹ eranvwe wẹn nẹ otọ na, e gbi che nyo urhuru rẹ iyinkọn wẹn ọfa-a.

Matiu 12:29

Mavọ ohwo vwọ sa ro uwevwi rẹ ọgba ro de miovwi emu rọye? Kọ ka gba ọgba na tavwe rẹ obọ rọye ki te emu rọye miovwi.

Iyẹnrẹ Esiri ri Mak 3:27

Ohwo sa ro uwevwi rẹ ọgba ro de miovwo uwevwi rọye-e jokpa nẹ ọ ka gba ọgba na tavwe; kẹsiẹye o ki miovwo uwevwi rọye.