Aizaya 49:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² O de ru unu Mẹ dandan kerẹ ọlọkọ, vwẹ evun rẹ uhoho re obọ rọye o de si vwe nu, o de ru vwe kerẹ ubigẹ ra phọnre, vwẹ evun rẹ ako rọye o de si vwe nu.

Aizaya 49:2 ပူးပေါင်းရင်းမြစ်များ

Une rẹ Ejiro 91:1

Ohwo rọ dia otọ re ophie rẹ Oro Me Kpenu na, rọ dia evun re uhoho rẹ Ọrovwogangan na,

Ẹyano 33:22

ọke rẹ urinrin mẹ da wan vrẹn ki mi phi we phihọ unu rẹ oragha na, ke me vwẹ obọ mẹ rhurhu uwe bẹsiẹ re me vwọ wanvrẹn;

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Aizaya 51:16

Mi de phi ota mẹ phihọ unu wẹn, mi de si we nu vwẹ uhoho rẹ obọ mẹ, Me da riẹn idjuvwu na phihọ ma da ton uchivwo rẹ akpọ na phihọ, ta ke Zayọn nẹ, Ovwan ihwo Mẹ.

Jerimaya 1:18

Nighe, Ekpuyovwi mẹ, Mi ru we nonẹ na vwọ dia orere ra gba ogba riariẹ phihọ, osusu rẹ utehru, kugbe igbẹhẹ rẹ ẹrovwo vwọ kpahe otọ na ejobi, kpahe ivie ri Juda, isun rọye, irherẹn rọye, kugbe ihwo rẹ otọ na ejobi.

Hosia 6:5

Fiki rẹ ọtiọye me vwọ vwẹ emraro na she ayen me da vwẹ eta rẹ unu mẹ hwe ayen, orhiẹbro mẹ da phia kerẹ uvo.

Habakọk 3:11

Ọnre vẹ emeranvwe de mudia fọ vwẹ ẹdia rayen vwẹ urhukpẹ rẹ edada wẹn ra sa yanran na, vwẹ asan rẹ ubiri wẹn da nyavwaro.

Iyẹnrẹ Esiri ri Luk 23:46

Etiyin Jesu, rọ vwọ van kperi, ọ da ta, Ọsẹ, obọ wẹn mi phi erhi mẹ phihọ! Rọ vwọ ta ọnana nu o de phi ẹnwẹ họ.

Ẹfesọs 6:17

Gba vwẹ ubierhu rẹ esivwo na tughẹ, kugbe ọlọkọ rẹ Erhi na, kọye hẹ ota rẹ Ọghẹnẹ na.

Hibru 4:12

Kidie ota rẹ Ọghẹnẹ na ọkpokpọ gbrọgbrọ sasasa, dandan kerẹ ọlọkọ rẹ ako ivẹ, rọ nyavwe udu vẹ erhi rhie phihọ, rọ hẹriẹ ẹrho vẹ otu, o krẹ ro ki vughe iroro vẹ omeru rọ hẹ evun rẹ udu-u.

Ẹvwọphia 1:16

Ọ da yọnre isio ighwrẹ vwẹ obọrhe, ọgbọdọ ọvo rọ dan prẹprẹ de yoro nẹ unu rọye rhe, opharo rọye kọ ruaro gala gala kerẹ ọnre.

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.

Ẹvwọphia 2:12

Kẹ enẹ o si rhe amakashe rẹ ishọshi ri Pẹgamọn. Eta rẹ ohwo ro vwo ọgbọdọ rọ dan prẹprẹ na.

Ẹvwọphia 2:16

Gbe kurhẹriẹ. Ọ dia eriyi-in, mi che bru ovwan rhe nanana ke me cha vwẹ ọlọkọ rẹ unu mẹ vwọ họnre ayen.