Aizaya 49:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ni oma riariẹ rere wọ mrẹ; ayen ra ghwẹ koko, ayen re bru we cha. Kirobo re Me herọ na, eriyin Ọrovwohwo tare, wo ku ayen phihọ oma kerẹ ekuakua rẹ osẹvwe, wo gba ayen mu oma kirobo re ọpha ruẹ.

Aizaya 49:18 ပူးပေါင်းရင်းမြစ်များ

Jẹnẹsis 13:14

Ọrovwohwo da ta kẹ Ebram, ri Lọt vwọ yanran nu nẹ, Kpare ẹro wẹn kpenu, vwẹ asan wọ epha na, ri wo ni obenu vẹ obotọ te obọrhe vẹ obọhwẹre,

Jẹnẹsis 22:16

ọ da ta, Me vwẹ oma mẹ duvwu iyori, eriyin Ọrovwohwo tare, fikiridie wo ru Ọnana, wọ sa vwẹ ọmọ wẹn, ọmọ vuọvo wẹn na vwọ djahe obuko kẹ vwẹ-ẹ,

Isẹ 17:6

Ivwrọmọ eye erhu rẹ uvie rẹ ọmare, urinrin rẹ emọ na ke rha ọse rayen.

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 49:22

Enẹ Ọrovwohwo rẹ Ọghẹnẹ tare , Nighere, Me riẹn obọ mẹ kpahe ẹgborho na, ke Me vwẹ oka Mẹ vi ke ihwo na; ayen ki mu emọ rayen phihọ agada rayen rhe, emetẹ wẹn ke mu ayen kpahe akoko rayen,

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 54:7

Kidie ọmọke krẹ Me vwọ sen wẹ, ẹkẹvuọvo vwẹ ehrọre rode Me vwọ ghwẹ wẹ koko.

Aizaya 54:9

Kidie Ọnana họhọ ọke ri Noa kẹ vwẹ: kirobo Mi duvwu iyori nẹ ame ri Noa gbi se phoro akpọ na ọfa-a na, kẹ eriyin Mi duvwu iyori nẹ Mi gbi mu ophu wẹ bẹdẹ-ẹ. Me gbe harhe owẹ-ẹ

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 66:20

Ayen ke cha reyọ imoni wẹn nẹ ẹgborho na ejobi rhe kerẹ ẹkpẹvwẹ kẹ Ọrovwohwo, vwe enu re iyesi, kugbe ekpẹrẹ rẹ ofovwi, vwẹ enu re eranvwe, kugbe enu ri lama, iyesi rẹ eshare, vwo kpo ugbenu ọfuanfon Mẹ Jerusalẹm, eriyin Ọrovwohwo tare, kirobo rẹ ihwo rẹ Izrẹl reyọ ẹkpẹvwẹ rẹ ọka phihọ orọvwọ phẹphẹ vwọ cha uwevwi rẹ Ọrovwohwo na.

Jerimaya 2:32

Kẹ ekuakua rẹ osẹvwe sa chorọ ọmọte ẹro, eyẹ emwa rẹ opha sa chọrọ ẹro? Dede na me chọrọ ihwo mẹ ẹro rhabae rhe.

Jerimaya 31:8

Nighe, me cha reyọ ayen nẹ orho rẹ obọhwerẹ ọnre rhe, koko ayen nẹ oboshesheri rẹ akpọ rhe, irhuẹro vẹ ikpono dia ohri rayen, aye vẹ ọmọ kugbe ọ rọ chuẹ uvwiẹ gbe koko; usun rode na, ayen che rhivwi rhe etinẹ.

Jerimaya 43:12

Ko che koko erhanre phihọ uwevwi rẹ edjọ rẹ Ijipt, kọ torhẹ ayen o mi mu ayen ighuvwu yanran, ọ cha hworhe otọ rẹ Ijipt, kirobo rẹ osuigegede hworhẹ ewun rọye ro vwo ishu; ufuoma kọye o vwo nẹ etiyin kpo.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Ukeri 14:21

ẹkẹvuọvo vwẹ ọ rẹ uyota, kirobo re me herọ na, kirobo rẹ akpọ na ejobi cha vọn vẹ urinrin rẹ Ọrovwohwo na,

Iyẹnrẹ Esiri ri Jọn 4:35

Ọ dia ovwan tare nẹ, Emeranvwe ẹne ri chekọ, tavwe rẹ orhọ ki te? Me ta kẹ owẹ, kpare ẹro kpenu, rẹ wo ni obo rẹ idju na ejobi ghwo te orhọ nure.

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.