Aizaya 48:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Wo ji nyo dẹvo-o wo je riẹn devo-o, ne awanre rhe erhọn wẹn ji rhie-e. Kidie Me riẹnre nẹ wo se ru emu ogbarogba, ne nẹ ọke evwiẹ we rhe we onogbozighi.

Aizaya 48:8 ပူးပေါင်းရင်းမြစ်များ

Une rẹ Ejiro 40:6

Izobo re zeri vẹ ẹkpẹvwẹ wọ guọnọre-e, ẹkẹvuọvo wọ kẹ vwẹ erhọn rọ rhie phihọ. Izobo rẹ ẹtorhẹ kugbe Izobo rẹ umwemwu wọ guọnọre-e.

Une rẹ Ejiro 51:5

Nighere, a mrevun mẹ vwẹ evun rẹ orukuruku, vwẹ evun rẹ imwemwu oni mẹ de vwiẹ vwẹ

Une rẹ Ejiro 58:3

Oruimwemwu yan ghwru nẹ evun rẹ oni rọye rhe, ayen ru chọ nẹ evun rẹ evwiẹ rhe, e vwọrọn efian.

Aizaya 21:2

A da mrẹ emramre ọtuatua kẹ vwẹ, ogborhugborho re gborho, ọguọghọ ra ghwọrọ. Yanran, E Elam kpo imu, E Media; unuẹfion rọ fẹrẹ ejobi me vwẹ ayen te oba.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Aizaya 46:8

Karophihọ Ọnana ri wo roro kpo eran, rẹ orukuruku wẹn,

Aizaya 47:11

Ẹkẹvuọvo okpetu che bru we rhe, ru wọ je sa rhuẹrẹ, ukpokpogho che she teyọ owẹ, ru wo je se phorho nẹ oma, ẹghwọrọ ko bru we rhe kpregede, ju wọ riẹn emu ọvuọvo kpahọ-ọ.

Aizaya 48:4

Fikiridie Me rlenre nẹ wo vwo udu, ohọre wẹn irien rẹ utehru arhanre wẹn kẹ ẹronvwo,

Aizaya 48:7

A ma ayen vwẹ Asakiephana, i ji kri nọ-ọ, rhi te nonẹ na wo ji nyo aye-en, wọ da rha tanẹ, Nighere, Me riẹn ayen jovwo-o .

Aizaya 50:5

Ọrovwohwo Ọghẹnẹ rhie erhọn Me, Mi rhe vwo udu-u, Mi rhe chu uko kuo-o

Aizaya 57:4

Ono wa bẹnẹ? ono we rhie enu rẹ ovwan phihọ kẹ ri we de yoro ẹrenvwe rẹ ovwan phia? Ovwan dia emọ rẹ igburhi, uvwiẹ rẹ ephiẹn ihwo,

Jerimaya 3:20

Uyota, obo re aye ọfafarhiẹ yan jẹ ọshare rọye vwo ye, eriyin ovwan gbe ofarhiẹ rhurhu vwe, E uwevwi rẹ Izrẹl, eriyin Ọrovwohwo tare.

Jerimaya 5:11

Fikiridie uwevwi rẹ Izrẹl kugbe uwevwi ri Juda gbe ọfarhiẹ rhurhu vwe miomiovwi, eriyin Ọrovwohwo tare.

Jerimaya 5:21

Nyo ọnana, E ẹkpa ighenghẹn ri vwo ẹro, ye mrorẹ-ẹ ri vwo erhọn yi nyo ẹme-e na.

Jerimaya 6:10

Kono me vuẹ ono me je kpokpa kẹ, rere ayen vwo nyo? Nighe, erhọn rayen rhurhuru, ayen sa kerhọ-ọn nighe, ota rẹ Ọrovwohwo kọ họhọ ehwẹjẹ kẹ ayen, oma rọye vwerha aye-en.

Hosia 5:7

Ayen phiẹn Ọrovwohwo; kidie ayen vwiẹ emọ rẹ erhorha. Asakiephana emeranvwe ọkpokpọ cha ghwọrọ ayen vẹ idju rayen ejobi.

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Hosia 7:9

Erhorha guọghọ ogangan rọye phihọ otọ, jẹ ọ riẹnre-e, esha di mu djẹ vwẹ uyovwi rọye, jẹ ọ riẹnre-e.

Malakae 2:11

Juda vwo esegbuyota-a, e gbe ẹgua rode na vwẹ Izrẹl vi Jerusalẹm, kidie Juda gbe ẹshẹ rẹ Ọrovwohwo na ẹgua, rọ guọnọre na, ọ da ra rọvwọ ọmọtẹ rẹ ọghẹnẹ ọfa.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Urhi Rivẹ 31:18

Ki mi ghine si opharo mẹ nu kẹ ayen vwẹ ẹdẹ yena fiki rẹ umwemwu na ejobi rẹ ayen ruru na, kidie ayen rhẹriẹ bru edjọ ra.