Aizaya 48:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Wo nyori; Asakiephana gba mrẹ enana ejobi; wo gbi se dje phia-a? Ne ọke nana yanran Mi ru we vwo nyo imu ekpokpọ, imu re djahere ru wọ je riẹ-ẹn.

Aizaya 48:6 ပူးပေါင်းရင်းမြစ်များ

Une rẹ Ejiro 107:43

Onọ re ghwanre jọ kerhọn re imu nana, jẹn ihwo roro ẹguọnọ re Ọrovwohwo ro je rhẹriẹ na.

Une rẹ Ejiro 119:13

Ẹbẹrunu mẹ mi vwo ghwoghwo egba ejobi wọ vwẹ unu wẹn ji.

Aizaya 21:10

E i re wunyeri vẹ e re afare mẹ, die mi nyo mie Ọrovwohwo rẹ otuofovwi na, Ọghẹnẹ rẹ Izrẹl, mi ghwoghwo kẹ wẹ.

Aizaya 42:20

Ọ mrẹ imu buebu, ẹkẹvuọvo yo ni so-o, erhọn rọye rhieri, ẹkẹvuọvo jẹ o nyo ẹme-e

Aizaya 42:8

Mẹvwẹ Ọrovwohwo, ọye odẹ mẹ; urinrin mẹ me sa vwọ kẹ ohwo ọfa-a, eye ejiro me vwọ kẹ ema ra mare-e.

Aizaya 42:9

Nighere, imu rẹ awanre na e wanvrẹn nure, imu ekpokpọ keye me vwọ phia na, tavwe re ke re phia, ye me ta ayen kẹ ovwan nure.

Aizaya 43:19

Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Aizaya 48:7

A ma ayen vwẹ Asakiephana, i ji kri nọ-ọ, rhi te nonẹ na wo ji nyo aye-en, wọ da rha tanẹ, Nighere, Me riẹn ayen jovwo-o .

Jerimaya 2:31

Ji te we, E uvwiẹ na, kerhọn rẹ ota rẹ Ọrovwohwo. Mẹvwẹ kẹ aghwa vwọ kẹ Izrẹl, eyẹ otọ ro mu ebri? Kidie ihwo me vwọ ta nẹ, Avwanreọ imuvwiẹ, avwanre gbi bru uwe rhe ofa-a?

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Maika 6:9

Urhuru rẹ Ọrovwohwo re kpere kẹ orere na ọye omamọ rẹ aghwanre ra vwọ djẹ oshọ kẹ odẹ rọye: Nyo, E uvwiẹ na kugbe ọghwẹgbe rẹ orere na!

Matiu 10:27

Obo re me ta kẹ ovwan vwẹ odjahọ ọye ovwan ta vwẹ azagba, obo ra bẹbẹ ta kẹ ovwan, ọye we ghwoghwo vwẹ enu rẹ uwevwi.

Iyẹnrẹ Esiri ri Jọn 15:15

Mi gbi se ovwan idibo ọfa-a, kidie odibo riẹn obo rẹ onini rọye ruẹ-ẹ ẹkẹvuọvo mi se ovwan igbeyan, kidie obo ri mi nyo mie Ọsẹ mẹ ejobi me vwẹ ayen phia kẹ ovwan.

Iruo rẹ Iyinkọn na 1:8

Ẹkẹvuọvo ovwan che vwo ẹgba siẹ rẹ Ẹrhi Ọfuanfon na de bru ovwan rhe nu; ovwan ke cha dia iseri mẹ vwi Jerusalẹm, vwi Judia, vẹ Sameria, rhiri re te oba rẹ akpọ na.

1 Kọrẹnt 2:9

Ẹkẹvuọvo, kirobo re siro, Obo rẹ ẹro je mrẹ dẹvo-o, eyẹ erhọn ji nyo-o, eyẹ udu rẹ ohwo rẹ akpọ ji roro phia-a, obo rẹ Ọghẹnẹ rhuẹrẹ phihọ otọ kẹ ayen otu re guọnerọ,

Ẹvwọphia 1:19

Asakiephana gbe si obo re wọ mrẹre, obo re herọ vwẹ asakiephana kugbe obo ri che ru vwobọ.

Ẹvwọphia 4:1

Rẹ Ọnana vwọ nu, mi vwo ni, nighe me da mrẹ ẹchẹ rẹ odjuvwu ro rhie phihọ! Urhuru rẹsosuọ ri mi ke nyo rọ ta ota kẹ vwẹ da họhọ owanre, ro se vwe nẹ, Yanrhe obonẹ, re me vwẹ obo re cha phia nanana vwọ nẹ wẹ.