Aizaya 48:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Fikiridie Me rlenre nẹ wo vwo udu, ohọre wẹn irien rẹ utehru arhanre wẹn kẹ ẹronvwo,

Aizaya 48:4 ပူးပေါင်းရင်းမြစ်များ

Ivie rẹ Ivẹ 17:14

Ẹkẹvuọvo ayen kerhọ-ọ, ẹkẹvnọvo ayen de fi udu gbere kirobo rẹ esẹ rẹ ayen ruru ri jẹ Ọrovwohwo Ọghẹnẹ rayen esegbuyota.

2 Ikun rẹ Ivie 30:8

We rhe jẹn udu rẹ ovwan dia gangan kerẹ esẹ rẹ ovwa-an, ẹkẹvuọvo wa vwẹ oma kpotọ kẹ Ọrovwohwo, re we bro rhe ẹshẹ rọye, ro ru fon bẹdẹ, re wa rhe ga Ọrovwohwo Ọghẹnẹ wẹn, rere ophu rẹ ovwan ro muo vwo fue.

2 Ikun rẹ Ivie 36:13

Ọ se mukpahe Ovie Nẹbukadreza, rọ nẹrhẹ vwẹ odẹ rẹ Ọghẹnẹ duvwu iyori; o de ohọre rọye ghaghagha o de ru udu kpohro kẹ Ọrovwohwo, Ọghẹnẹ rẹ Izrẹl.

Nehemaya 9:28

Ẹkẹvuọvo re oma vwo fu ayen nu ayen da rhoma ru umwemwu kpahe owe, wo de siobọ nẹ ayen kẹ ivwighrẹ rayen, otiọye na ayen de sun ayen; dede rẹ ayen rhe vwo kurhẹriẹ kperi se we wo de rhe nyo ayen nẹ obo odjuvwu rhe, ọke buebu ọye wọ vwẹ arodọvwẹ wẹn vwo sivwi ayen.

Une rẹ Ejiro 75:5

Wọ gbe kpare ighoro wẹn kpenu-u, wọ rha ta ota re arueyivwọ phi ohọre-e.

Une rẹ Ejiro 78:8

rere ayen vwo jẹn esẹ rayen ẹhọhọ, uvwiẹ vẹ udu kpoi uvwiẹ rẹ okpetu, uvwiẹ rẹ vwẹ udu rayen kpahe ovwẹ-ẹ, rẹ erhi rọye se Ọghẹnẹ gbuyota-a.

Ẹyano 32:9

Etiyin Ọrovwohwo da ta kẹ Mosis, Me mrẹ ihwo na re, nighe ayen ihwo vẹ udu gangan,

Ẹyano 33:3

Yanran kpo otọ rẹ ọ djẹ ọkẹre rẹ ame rẹ ivie vẹ ọnyọn; ẹkẹvuọvo mi che nene ovwan ra-a, mi de rhe hwe ovwan vwẹ idjerhe, kidie ovwan ihwo vẹ udu ọgangan.

Ẹyano 33:5

Kidie Ọrovwohwo ta kẹ Mosis nẹ, Ta kẹ ihwo rẹ Izrẹl na, Ovwan ihwo vẹ udu ọgangan; Me da ro usun rẹ ovwan vwẹ ọmọke, Mi hwe ovwan. Fikirẹ ọtiọye na wa gba ghwẹ ekuakua rẹ osẹvwe rẹ ovwan nu, rere me vwo riẹn obo re me vẹ ovwan ru.

Ẹyano 9:7

Fero de ji ihwo, nighe, ọvuọvo ghwu vwẹ uchuru rẹ ihwo rẹ Izrẹl na-a. Ẹkẹvuọvo yẹ udu ri Fero je gan phihọ, o gbi ji siobọ nẹ ihwo na kpo-o.

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

Aizaya 30:9

Kidie ena ihwo ri gbe ozighi, emọ re vwọrọn efian, emọ ri jẹ eme enyo ri nyo uyono rẹ Ọrovwohwo na-a,

Aizaya 46:12

Kerhọn Mẹ, ovwan ri vwo udu ọgangan, ovwan ri sheri ke esivwo;

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Izikiẹl 2:4

Ihwo na nyo ẹme-e, vẹ udu gangan kpoi. Mi ji we bru ayen ra; ku wọ ta kẹ ayen, Enẹ Ọrovwohwo Ọghẹnẹ tare.

Daniẹl 5:20

Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye;

Iruo rẹ Iyinkọn na 7:51

Ovwan ihwo re vẹ udu kpoi na, vẹ udu vẹ erhọn koi, ovwan nene Erhi Ofuanfon sivwi oma kọke kọke. Kirobo rẹ esẹ rẹ ovwan ruru, ọtiọye we ji ruẹ na.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Urhi Rivẹ 10:16

Vwẹ ọtiọye na ke yanvwe ohọrọ rẹ awanre rẹ udu wẹn, wọ gbe gan udu ọfa-a.

Urhi Rivẹ 31:27

Kidie Me riẹn obo rẹ ovwan gan udu te obo rẹ ovwan je dia ihwo ebẹbẹn te; nighe, Asakiephana Me vẹ ovwan vwọ herọ Me je vwọ nwẹn na, ovwan je ghwa gan udu kpahe Ọrovwohwo nonẹ na; komavo ọ gan te mi de ghwu nu!

Hibru 3:13

Ẹkẹvuọvo ovwan bru ohwohwo uche kẹdẹ kẹdẹ, kirobo ri nonẹ kri te vwẹ akpọ na, rere ophiẹvwe rẹ umwemwu vwo jẹ udu rẹ ovwan eruo gan.