Aizaya 48:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 48:20 ပူးပေါင်းရင်းမြစ်များ

2 Samuẹl 7:23

Didi orua ọvo vwẹ akpọ na họhọ ihwo wẹn Izrẹl, rẹ Ọghẹnẹ yanran ra tan hirhe phihọ ihwo rọye, re o vwo re odẹ kẹ oma rọye, ro ru emu rọ rhoro, ro muoshọ, rọ vwọ djẹ ihwo vẹ edjọ rayen nẹ obaro rẹ ihwo rọye?

Ezra 2:1

Asakiephana enana keye ihwo rẹ ubrakpọ rẹ Juda ri nẹ ighuvwu rhe vwẹ usun rẹ ihwo re muru ri Nebukadneza ovie ri Babilọn mu kpo Babilọn, ayen da rhoma rhivwi kpo Jerusalẹm vi Juda, dohwo dorere rọye.

Une rẹ Ejiro 126:1

Ọke rẹ Ọrovwohwo na vwọ rhan ughwẹ ri Zayọn rhivwi avwanre da họhọ otu re vwerhe evwerhẹ.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 12:4

Ku wọ ta vwẹ ẹdẹ yena: Vwẹ ẹkpẹvwẹ kẹ Ọrovwohwo, se odẹ rọye; ghwoghwo uruemu rọye kẹ irere na ejobi, ghwoghwo nẹ e mu odẹ rọye kpenu.

Aizaya 24:14

Ayen kparẹ urhuru rayen kpenu, ayen so ine rẹ aghọghọ, fiki rẹ ọrhọ rẹ Ọrovwohwo ayen dori vwẹ obuko ọnre.

Aizaya 26:1

Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 42:10

So ine kẹ Ọrovwohwo une ọkpokpọ, ejiro rọye nẹ oba rẹ akpọ rhe! Jẹn urhie kperi kugbe obo re yọnrọn ejobi, erhuru na vẹ ihwo re dia ayen.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Aizaya 48:6

Wo nyori; Asakiephana gba mrẹ enana ejobi; wo gbi se dje phia-a? Ne ọke nana yanran Mi ru we vwo nyo imu ekpokpọ, imu re djahere ru wọ je riẹ-ẹn.

Aizaya 49:13

So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 51:14

Ohwo ro turuko jovwo cha kpoma vi nanana, o che ghwu rọ da yanran kpo obo Ukpotọ-ọ, eyẹ emuọre rọye se re-e.

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 52:11

Yanran, yanran, yanran nẹ etiyin, wọ vwẹ obọ te emu ogbegbe-e; yan ne uherevie rọye, ru oma wẹn fon, ovwan ihwo re ghwa ekuakua rẹ Ọrovwohwo.

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Aizaya 62:11

Nighere, Ọrovwohwo na ghwoghwo nure ke oba re akpọ na duvwu. Ta kẹ ọmọtẹ ri Zayọn, Nighere, esivwo wẹn na rhire; nighere, osa ẹhwa rọye rhere, ẹse ẹkpẹvwẹ rọye ji rhe.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Jerimaya 31:10

Nyo ota rẹ Ọrovwohwo, E ẹgborho na, rere wo ghwoghwo vwẹ erhuru rẹ obo ogboko na, ta nẹ, Ọ rọ hra Izrẹl na ji che koko, ọ je cha sẹro rọye kirobo rẹ osuigegede sẹro rẹ igegede rọye.

Jerimaya 31:11

Kidie Ọrovwohwo tan Jekọp nure, ọ je tan nẹ abọ rẹ ọ rọ gan nọ.

Jerimaya 31:21

Ka eka phihọ idjerhe kẹ oma wẹn, ru obo ri sun we kẹ oma wẹn; nabọ roro idjerhe rode na, idjerhe wọ wan yaran na. Rhivwi, E ọmọtobẹ rẹ Izrẹl, rhivwi rhe irere wẹn nana.

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Jerimaya 50:28

Kerhọn! ayen djẹ vabọ nẹ otọ ri Babilọn, re ghwoghwo ihriẹriọ rẹ Ọrovwohwo Ọghẹnẹ rẹ avwanre na vwi Zayọn, ihriẹriọ fiki rẹ uwevwi rọye.

Jerimaya 50:8

Djẹ nẹ uherevie ri Babilọn, we nẹ otọ rẹ ihwo ri Kaldia na, re wa dia kerẹ ẹvwe rẹ eshare vwẹ obaro rẹ igegede na.

Jerimaya 51:45

We vrẹn nẹ uherevie rọye, ihwo mẹ! Dohwo darhọ rọye sivwi nẹ ophu ọgangan rẹ Ọrovwohwo na!

Jerimaya 51:48

Kẹsiẹye idjuvwu vẹ akpọ, vẹ obo re hẹ evun rayen ejobi, ke so une rẹ aghogho phihọ uyovwi ri Babilọn, kidie ẹghwọrọ che nẹ obọrhe ọnre cha vwo suọ, etiyin Ọrovwohwo tare.

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

Zekaraya 10:8

Me riẹn obọ kẹ ayen mi de koko ayen hẹ uwevwi, kidie Me tan ayen hirhe nure, ayen ki bu kirobo rẹ ayen buru jovwo.

Zekaraya 2:10

So une wọ ghọghọ, E ọmọtẹ ri Zayọn; kidie gbe nighe, Me rhere Me rhe dia uherevie wẹn, Ọrovwohwo tare.

Urhi Rivẹ 30:4

Ọ da dianẹ ihwo ra djẹ kufia vwẹ usun rẹ ovwan na hẹ obo etan rẹ odjuvwu dede, Ọrovwohwo Ọghẹnẹ rẹ ovwan na cha ghwẹ ayen koko rhe, ọ cha reyọ ovwan nẹ oboyi rhe,

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 18:4

Etiyin mi de nyo urhuru ọfa ro nẹ odjuvwu rhe tanẹ, Vrẹn no rhe, ihwo mẹ, wo de rhe vwo obọ vwẹ imwemwu rọye, wọ da rha ghare vwẹ ọtiekọ rọye;