Aizaya 48:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ uvwiẹ wẹn ka dia kerẹ ibiekpẹn rẹ otọ orua wẹn kọ họhọ ibieka rọye, a gbe sa nyavwe odẹ rayen kufia-a eyẹ vwọ ghwọrọ ayen nẹ obaro mẹ-ẹ.

Aizaya 48:19 ပူးပေါင်းရင်းမြစ်များ

Jẹnẹsis 13:16

Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

Jẹnẹsis 22:17

Ki mi bruphihọ kẹ wẹ, ki mi ru uvwiẹ wẹn buphihọ kiri isio rẹ obo odjuvwu kiri ibiekpẹn re orhoma rẹ urhie. Uvwiẹ wẹn ke cha vwẹ anurhoro rẹ ivwighrẹ rayen riuku,

1 Ivie 9:7

Etiyin ke Me nyavwe Izrẹl kufia nẹ otọ re Me vwọ kẹ ayen na; kugbe uwevwi ri mi ru fon kẹ odẹ mẹ na ki mi sio nẹ obaro mẹ; ka vwẹ Izrẹl bru isẹ vẹ ohare vwẹ ohri rẹ ihwo na.

ỌBE RẸ JOB 5:25

Wo je cha riẹn nẹ uvwiẹ wẹn che buẹ gangan, emọ wẹn kerẹ odi rẹ otọ na.

Une rẹ Ejiro 109:13

E ja nyavwe uvwiẹ rọye rọ cha kufia; je phoro odẹ rọye kufia nẹ uvwiẹ rivẹ!

Une rẹ Ejiro 9:5

Wẹ re ghwọ ku ẹgborho na, we re ghwọrọ iruimwemwu; we ri phoro odẹ rayen nu bẹdẹ bẹdẹ

Aizaya 10:22

Owene ihwo wẹn Izrẹl mi bun kerẹ ehavwo re urhie, umuku rayen ọvo ri che rhivwi. E bru ẹdẹ rẹ ẹghwọrọ nure, rọ mwavwa hwẹ vẹ ọvwata.

Aizaya 14:22

Ki mi che vrẹn vwọ so ayen, eriyin Ọrovwohwo rẹ otuofovwi na tare, ke me nyavwe nẹ Babilọn te odẹ te umuku, emọ kugbe uvwiẹ eriyin Ọrovwohwo tare.

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 44:4

Ayen ki che yoro phia kerẹ odi vwẹ evun rẹ ame, kerẹ odi vwẹ enu rẹ ame rọ djẹ ọkẹre,

Aizaya 48:9

Fiki rẹ odẹ mẹ ke Me nyẹ ophu mẹ, fiki re ejiro rẹ odẹ Mẹ Me vwọ daji kẹ wẹ, rere Mi vwo ju we ẹnyavwọ kuefia.

Aizaya 54:3

Kidie wo cha hẹre kpo obọrhe vẹ ọbọhwere, uvwiẹ wẹn ki che vwo ẹgborho na ihwo ke vọn irere ra kua fiotọ.

Aizaya 56:5

ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Aizaya 66:22

Kirobo rẹ odjuvwu ọkpokpọ kugbe akpọ ọkpokpọ ri mi che ru cha dia vwẹ obaro Mẹ, eriyin Ọrovwohwo tare; eriyin uvwiẹ wẹn kugbe odẹ wẹn cha dia.

Aizaya 9:14

Etiọye Ọrovwohwo de bru uyovwi kugbe urhurhuvwun nu Izrẹl ewanvwe kugbe eyareya vwẹ ẹdẹ ọvo–

Jerimaya 33:22

Kirobo re se keri otuofovwi rẹ obo odjuvwu na-a ra je sa vwavwẹ ubu rẹ abadi na-a na, ọtiọye mi che ru uvwiẹ ri Devid odibo mẹ buẹ phihọ, kugbe irherẹn ri Livae ri gbe odibo kẹ vwẹ na.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Zẹfanaya 1:4

Ke me riẹn obọ mẹ kpahe Juda, vwọ kpahe ihwo re dia Jerusalẹm; ke me nyavwẹ umuku ri Baal ro chekọ nẹ etinẹ kugbe odẹ rẹ irherẹn re gọ edjọ na.

Ọbe ri Pọl si rhe Ihwo ri Rom 9:27

Aizaya de ghwoghwo kpahe Izrẹl. Owenẹ emọ rẹ Izrẹl bu kerẹ ibiekpẹn rẹ abadi, umuku rẹ ayen re cha rhọ;

Urhi Rivẹ 9:14

ju vwe vwo, re Me ghwọrọ rayen, mi phoro odẹ rayen nẹ otọ rẹ ọnre na; re Me vwẹ owẹ ru ẹgborho rọ rho nọ ayen rọ je gan nọ ayen.

Joshua 7:9

Ihwo ri Kenan vẹ ihwo re dia otọ na ejobi ki che nyo, ke cha gba riariẹ avwanre, ki che phoro odẹ rẹ avwanre nẹ akpọ na; kidie wo ru fiki rẹ odẹ wẹn rode na?

Rutu 4:10

Ji te Rutu rẹ ohwo ri Moab, ayeuku ri Malọn, me dẹrẹ rọ dia aye mẹ rere odẹ rẹ ọ ro ghwuru na vwo jefue, rere odẹ rọye vwo je rẹ vwẹ ekru rọye vẹ asan rọye: ovwan iseri nonẹ na.