Aizaya 48:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Nyo Ọnana, E uwevwi ri Jekọp, ra vwe odẹ re Izrẹl se, ri nẹ agada ri Juda rhe, re vwẹ odẹ rẹ Ọrovwohwo duvwu iyori, re rhọvwe odẹ rẹ Ọghẹnẹ re Izrẹl, ẹkẹvuọvo o dia uyota vẹ ọsoso-o.

Aizaya 48:1 ပူးပေါင်းရင်းမြစ်များ

Jẹnẹsis 32:28

Etiyin ọ da ta, E gbi se odẹ wẹn Jekọp ọfaa, ẹkẹvuọvo kẹ Izrẹl, fikiridie wọ vẹ Ọghẹnẹ kugbe ihwo rẹ akpọ muabọ, yi wo sheri-i.

Jẹnẹsis 35:10

Ọghẹnẹ da ta kẹ, Odẹ wẹn Jekọp, e gbi se we Jekọpu-u, ẹkẹvuọvo Izrẹl kọye e se wẹ. Etiyin e de se odẹ rọye Izrẹl.

Ivie rẹ Ivẹ 17:34

Rhi te ẹdẹ ri nonẹ na ayen ji siobọ nẹ uruemu rayen ri jovwo-o. Ayen djẹ oshọ rẹ Ọrovwohwo-o, ayen yan phihọ iji rọye-e, ayen yọnrọn ẹgha rọye, ayen yọnrọn urhi rọye rọ vwọ kẹ emọ ri Jekọp re se Izrẹl na-a.

Ivie rẹ Ivẹ 5:20

Gehazi odibo rẹ Ilaesha ohwo rẹ Ọghẹnẹ na, da ta, No, ọrovwovwe siobọ nẹ Neman, ohwo ri Siria na kpo, yọ reyọ emu ọvuọvo mie vwe usun rẹ emu rọ ghwarhe na-a. Kirobo rẹ Ọrovwohwo herọ na, me cha djẹ bro ra, rere me reyọ eravwọn evo mie.

Une rẹ Ejiro 63:11

Ẹkẹvuọvo ovie cha ghọghọ vwẹ oma rẹ Ọghẹnẹ; ihwo re vwẹ odẹ rọye duvwu iyori ejobi che vwo urinrin, kidie unu rẹ evwọrefian che rhurhu.

Une rẹ Ejiro 66:3

Ta kẹ Ọghẹnẹ, Mavọ iruemu wẹn mu udidi te! ọtiọye ogangan wẹn rho te rọ nẹrhẹ ivwighrẹ wẹn siẹ wunrhẹ vwẹ obaro wẹn

Une rẹ Ejiro 68:26

Bruba kẹ Ọghẹnẹ vwẹ evun rẹ ukoko rode na, Ọrovwohwo, E wẹ ro nẹ ogbugbu rẹ Izrẹl rhe na!

Une rẹ Ejiro 68:27

Etiyin Bẹnjamin epha, rọ dia omotete vwe ohri rayen ejobi, ọye ri sun ayen, isun ri Juda vwẹ usun rayen gidi gidi na, isun ri Zebulọn, emọ rẹ ivie ri Naftali.

Ẹyano 23:13

Kerhọ rẹ obo rẹ me ta kẹ wẹ na ejobi; wo se odẹ rẹ edjọ efa kaka-a yẹrẹ wo je nyo ọtiọye na vwẹ unu wẹ-ẹn.

Isẹ 5:16

Kẹ ogbugbu wẹn cha hrabọ ro asan na ejobi, rọ da djẹ ọkere ro evun rẹ irhuvwu.

Aizaya 26:13

E Ọrovwohwo Ọghẹnẹ rẹ avwanre, eghẹnẹ efa re dia owẹ-ẹ sun avwanre jovwo re, ẹkẹvuọvo odẹ wẹn ọvo avwanre rhọvwe phihọ.

Aizaya 44:5

Ọnana me tanẹ, Mẹvwẹ ọ rẹ Ọrovwohwo, ọfa me vwẹ odẹ ri Jekọp fa oma, ọfa mi si phihọ obọ rọye nẹ, Ọ rẹ Ọrovwohwo, o mi mu odẹ rivẹ kẹ oma rọye nẹ Izrẹl,

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 46:12

Kerhọn Mẹ, ovwan ri vwo udu ọgangan, ovwan ri sheri ke esivwo;

Aizaya 51:1

Kerhọn Mẹ, ovwan re vwọ tua esivwo ovwan re guọnọ Ọrovwohwo; gbe ni oragha re she we nurhe, kugbe ọgọdọ ra tọn wẹ nurhe.

Aizaya 51:2

Ki Ebraham rẹ ọsẹ wẹn kugbe Sera ro vwiẹ wẹ, kidie ọke re ọye ọvo sogono vwọ herọ Mi de se, Me da nẹ ẹrhovwo kẹ mi de ruo bu.

Aizaya 58:2

Dede na yẹ ayen guọnọ ovwẹ kẹdẹ kẹdẹ, yẹ ayen guọnọ idjerhe mẹ riẹn vẹ aghọghọ, kerẹ ẹgborho ri ruẹ ọvwata re mrẹ iji rẹ Ọghẹnẹ rayen djẹ-ẹ; ayen nọ ekpẹn rẹ orhiebro rẹ ọvwata vwẹ obọ mẹ, ayen vwẹ omavwerhe vwo si kẹrẹ Ọghẹnẹ.

Aizaya 62:8

Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Aizaya 65:16

Vwẹ ọtiọye na ohwo rọ nẹ ẹrhovwo kẹ oma rọye vwẹ otọ na kọ nẹ ẹrhovwo kẹ oma rọye vwẹ oma rẹ Ọghẹnẹ rẹ uyota na, ohwo ro duvwu iyori vwẹ otọ na kẹ odẹ rẹ Ọghẹnẹ rẹ uyota na o vwo duvwo, kidie ukpokpogho rẹ awanre na chọẹro re i sioma nu kẹ ibiẹro mẹ re.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Jerimaya 44:26

Fiki rẹ ọtiọye na we gbe nyo ota rẹ Ọrovwohwo na, ovwan Juda ejobi re dia otọ rẹ Ijipt na: Nighe, Me vwẹ odẹ mẹ rode na duvwu iyori nure, eriyin Ọrovwohwo tare, nẹ unu rẹ ohwo ri Juda ọvuọvo rọ dia otọ rẹ Ijipt na gbi se odẹ mẹ ọfa-a, nẹ, Kirobo rẹ Ọrovwohwo Ọghẹnẹ na vwọ herọ na.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Livitikọs 19:12

Ovwan vwẹ odẹ mẹ duvwu iyori rẹ efia-an, re e vwo miovwo odẹ rẹ Ọghẹnẹ re ovwa-an. Mẹvwẹ Ọrovwohwo na.

Maika 2:7

Ka sa ta ọnana, E uwevwi ri Jekọp? Ke erhi rẹ Ọrovwohwo je odiri evwo? Enana na uruemu rọye? Eta mẹ rhe ru obo ri yovwiri kẹ ohwo rọ kpọvi-i?

Zẹfanaya 1:5

Otu ri diguẹ phihọ ọkpọ rẹ uwevwi vwọ kẹ otu rẹ obenu, otu ri diguẹ ayen mie duvwe iyori kẹ Ọrovwohwo ye ayen je vwẹ ode ri Milkọn duvwẹ Iyori.

Zekaraya 5:3

Etiyin ọ da ta kẹ vwẹ, Ọnana ekan ro mu nene otọ na ejobi rhe; kidie kohwo kohwo ro cho uji ke etinẹ, yanran ke sio nẹ otu kerẹ obo rọ epha, kohwo kohwo ro ji duvwu iyori re efian ke ji sio nẹ otu kirobo rọ epha.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Ukeri 24:7

Ame cha mwavwe hwe nẹ ikoroba rọye rhe, ibi rọye ke cha dia evun rẹ ame buebu, ovie rọye kọ cha rhonọ Agag, ka cha kpare uvie rọye kpenu.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Iyẹnrẹ Esiri ri Jọn 1:47

Jesu vwọ mrẹ Nataniẹl ro bro cha, ọ da ta kẹ, Nighe, ohwo rẹ Izrẹl rẹ uyota, ra mrẹ abe vwẹ obọ rọye-e!

Iyẹnrẹ Esiri ri Jọn 4:24

Ọghẹnẹ hẹ erhi, otu re ga me ga vwẹ erhi vẹ uyota.

Ọbe ri Pọl si rhe Ihwo ri Rom 2:17

Ẹkẹvuọvo wo de se oma wẹn ohwo ri Ju wọ da vwẹ oma da urhi na wọ da vwẹ obo ru wọ vẹ Ọghẹnẹ epha yan eyan,

Ọbe ri Pọl si rhe Ihwo ri Rom 9:6

Ọ dianẹ kẹ ota rẹ Ọghẹnẹ je ruo gba-a. Kidie ọ dia ihwo ejobi ri nẹ uvwiẹ rẹ Izrẹl rhe hẹ ihwo rẹ Izrẹli-i,

Ọbe ri Pọl si rhe Ihwo ri Rom 9:8

Kọye ọ dia emọ rẹ ugboma na hẹ emọ rẹ Ọghẹnẹ-ẹ, ẹkẹvuọvo emọ rẹ ive na eye e keri phihọ uvwiẹ kẹ.

Urhi Rivẹ 10:20

Wọ Me djẹ oshọ rẹ Ọrovwohwo Ọghẹnẹ wẹn na; ọye wọ ga, ọye wọ gba oma mu, odẹ rọye wo vwo ve ive.

Urhi Rivẹ 33:28

Ọye Izrẹl da dia egherhẹnẹdẹn, ẹtẹrhe ri Jekọp ọvo, vwẹ otọ rẹ eka vẹ wain; uyota obenu rọye na sun ọphogho cha.

Urhi Rivẹ 5:28

Ọrovwohwo de nyo urhuru rẹ eta rẹ ovwan na, vwẹ ọke rẹ ovwan vwọ ta kẹ vwẹ na; Ọrovwohwo da ta kẹ vwẹ nẹ, Mi nyo urhuru rẹ eta rẹ ihwo nana, re ayen ta kẹ wẹ na; obo rẹ ayen tare na ejobi shehọ.

Urhi Rivẹ 6:13

Wọ Me djẹ oshọ Ọrovwohwo Ọghẹnẹ wẹn na, ọye wọ cha ga, odẹ rọye wo che vwo ve.

1 Timoti 4:2

fiki rẹ omeru rẹ evwọrefian rọ vwara muẹ ndu rẹ ayen kerẹ umomo rẹ ogun,

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.