Aizaya 47:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ imu ive nana che bru we rhe vwẹ ẹroẹbre, vwẹ ẹdẹ ọvo; ughwu re emọ kugbe ayeuku ki che bru we pama, owene ẹgborho mraro kẹ we dede eyẹ ẹboepha wẹn tidia kẹrẹ owe.

Aizaya 47:9 ပူးပေါင်းရင်းမြစ်များ

Une rẹ Ejiro 73:19

Mavọ a vwọ ghwọrọ ayen ẹsiẹvuọvo, re oshọ de hwerhe ayen yanran!

Aizaya 13:16

Emọboba na ka vwẹ ayen fa otọ hwe vwẹ irharo rayen; ke gborho uwevwi rayen ka gba eya rayen du.

Aizaya 21:9

Nighere, ihwo re gua na yan cha, ihwo re gua iyesi urhiẹ ivivẹ! Ọ da kpahe, Osheri, Babilọn sheri ọ vẹ uhoho rẹ ẹdjọ rọye ejobi a guọghọ ayen ejobi te otọ.

Aizaya 47:11

Ẹkẹvuọvo okpetu che bru we rhe, ru wọ je sa rhuẹrẹ, ukpokpogho che she teyọ owẹ, ru wo je se phorho nẹ oma, ẹghwọrọ ko bru we rhe kpregede, ju wọ riẹn emu ọvuọvo kpahọ-ọ.

Jerimaya 15:9

Aye ro vwiẹ ighwrẹ oma rhọrọ, o de rhe shero; ọke ji kpo-o yẹ onrẹ rọye ruotọ nure, omavorọ a vwe rọ jehwẹ. Otu ri chekọ me cha ghwẹ ayen kẹ ọlọkọ vwẹ obọ rẹ ivwighrẹ rayen, eriyin Ọrovwohwo tare.

Jerimaya 51:29

Otọ na kpogho chahoma vwẹ odjadja, kidie iroro rẹ Ọrovwohwo jẹn kpahe Babilọn ji mudia, ro vwo ru otọ ri Babilọn ofefe, ohwo cha dia-a.

Daniẹl 2:2

Etiyin ovie na de se otu rẹ egbẹnẹke, idjene, eboepha, kugbe ihwo ri Kaldia ejobi koko rere ayen fa evwerhẹ na kẹ ovie. Etiyin ayen da rhe, ayen de rhi mudia phihọ obaro rẹ ovie na.

Daniẹl 4:7

Etiyin otu rẹ egbẹnẹkẹ, vẹ idjene, ihwo ri Kaldia, Kugbe otu re fan otọ rẹ isio da rhe, me da ta evwerhẹ na kẹ ayen, ẹkẹvuọvo ayen sa vwẹ evwerhẹ na vẹ otọ rọye phia kẹ vwẹ-ẹ.

Daniẹl 5:30

Ason yena ọvuọvo na e de hwe Bẹlshaza ovie ri Kaldia.

Daniẹl 5:7

Ovie na de kperi nẹ a reyọ otu rẹ eboepha na rhe, ihwo ri Kaldia na, kugbe ihwo ri nẹ isio na. Ovie na da ta kẹ evwaghawnre ri Babilọn ohwo kohwo ro se se obo re siri na, ọ da rha fan otọ rọye kẹ vwẹ, ka vwẹ emwa rẹ isene vwọ rhuo, e mi rhe phi ojọnrọn rẹ oro phihọ ohọre rọye, kọ dia ohwo rerha vwẹ uvie na.

Nahum 3:4

Ena ejobi kẹ fiki rẹ ọfanrhie rẹ igberadja na, vẹ erhuvwu kugbe inehweri ọbrabra, rọ vwẹ ọfanrhie rọye shẹ ẹgborho, ọ me rha vwẹ inehweri rọye se ihwo.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

Rutu 1:20

Ọ da ta kẹ ayen, E se vwe Naomi-i, se vwe Mara: kidie Ọrovwoẹgba na ru obo re yara kẹ vwẹ

Rutu 1:5

Te Malọn te Chiliọn de ghwu, ọtiọye ọshare rẹ aye na vẹ emọ rọye ivẹ na de ghwu.