Aizaya 47:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Asakiephana gbe nyo Ọnana, wọwẹ rọ guọnọ ojevwe, ro tidia vwẹ egbemọphẹ rọ ta vwẹ udu wẹn, Mẹvwẹ, ohwo ọfa gbi te vwe-e, Mi gbi tidia kerẹ ayeuku-u ayen riẹn ọdavwe re emọ ri ghwru-u.

Aizaya 47:8 ပူးပေါင်းရင်းမြစ်များ

Aizaya 14:14

Mi yeri vrẹn enu rẹ irharheghe na, Ki mi ru oma mẹ kerẹ Ọ ro Me kpenu na.

Aizaya 32:11

Phariẹ, ovwan eya re hẹ ofuvweghe, guoma, ovwan ri ghwaho rerẹ na ghwie nu, ru wọ ba oma wẹn phihọ, wọ vwe eslsọ rhuọ ehun wẹn.

Aizaya 32:9

Vrẹn, ovwan eya rẹ oma furu, nyo urhuru Me, ovwan emetẹ re he ofuvwegbe, kerhọn rẹ ota Me.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 45:5

Mẹvwẹ Ọrovwohwo na, ọfa gbe herọ-ọ, Ọghẹnẹ ọfa rọ ba vwẹ gbe herọ-ọ; Me vwẹ amwa rhuo we, dede na wọ riẹn vwẹ-ẹ,

Aizaya 45:6

rere ihwo vwọ riẹn, nẹ ẹvacha rẹ ọnre rhe nẹ obuko ọnre rhe nẹ, ọfa rọ ba vwẹ gbe hẹrọ-ọ. Mẹvwẹ Ọrovwohwo na, o gbi vwo ọfa-a.

Aizaya 47:10

Oma ko fu we vwẹ evun rẹ orukuruku wẹn, wọ da ta, Ohwo ọvuọvo mrẹ vwẹ-ẹ, aghwanre wẹn vẹ erianriẹn wẹn sun we ghwru, wọ da ta vwẹ udu wẹn, Mẹvwẹ, ono ọfa ji te vwe?

Jerimaya 49:31

Vrẹn, yanran ra vwọ so orere rẹ omafuru na, rọ herọ egbẹrhẹnẹdẹ na, eriyin Ọrovwohwo tare, ro vwo anurhoro-o eyẹ utehru-u na, rẹ ọye ọvo dia kpoghono na.

Jerimaya 50:11

Owenẹ wọ ghọghọ, owenẹ oma vwerhe owẹ, E ọ ro gborho ukuẹriọ mẹ owenẹ wo vwo urhurhu kerẹ ọmọ rẹ erhuẹn rọ ria odi, rọ djẹ eya kerẹ esi ọshare,

Jerimaya 51:53

Owenẹ Babilọn yeri kpenu te odjuvwu, owenẹ ọ gba ogba ọgangan kpenu yariẹ oma, dede ẹghwọrọ che nẹ obọ mẹ bro ra, eriyin Ọrovwohwo tare.

Izikiẹl 16:49

Nighe, Ọnana abe rẹ oniọvo wẹn rẹ ọmọtẹ Sodọm: te ọye vẹ emetẹ rọye muẹ oma kpenu, ayen vwo emuọre buebu, akpọ yovwẹ ayen, ẹkẹvuọvo yẹ ayen cha ivwiogbere rẹ akpọ bẹn uko-o.

Izikiẹl 28:2

Ọmọ rẹ ohwo, ta kẹ osun rẹ Taya, E nẹ Ọrovwohwo Ọghẹnẹ tare: Fikiridie udu wẹn herẹ, wọ da rha tanẹ, mẹvwẹ ọghẹnẹ, mi tidia agbara rẹ eghẹnẹ na, vwẹ uherevie rẹ abadi, yẹ ohwo wo ruẹ, wọ dia Ọghẹnẹ-ẹ, owene wo dje oma wẹn ghwanghwanre kerẹ oghẹnẹ–

Izikiẹl 30:9

Vwe ẹdẹ yena iyinkon rẹ okpakpa ki che nẹ obọ mẹ rhe rhi guegue ihwo rẹ Itiopia vwẹ ọke rẹ ayen roro phihọ-ọ, kẹ ayen che brenu vwẹ ẹdẹ rẹ ughwu rẹ Ijipt na, kidie, no, o cha rhe!

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 4:22

Ọye owẹ, E Ovie, ro rhe rho wọ da rhe goma gigirigi. Ọrho wẹn de rhi kpenu o de rhi te odjuvwu, otọ ru wo suẹn, de rhi te oba rẹ akpo na ejobi.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

Daniẹl 4:4

Mẹvwẹ, Nebukadreza, me hẹ evun rẹr egbomọphẹ vwẹ evun rẹ uwevwi mẹ, ọ ji ghwe yovwẹ kẹ vwẹ vwẹ evun rẹ ighẹn mẹ.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Daniẹl 5:30

Ason yena ọvuọvo na e de hwe Bẹlshaza ovie ri Kaldia.

Nahum 1:10

Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.

Nahum 3:4

Ena ejobi kẹ fiki rẹ ọfanrhie rẹ igberadja na, vẹ erhuvwu kugbe inehweri ọbrabra, rọ vwẹ ọfanrhie rọye shẹ ẹgborho, ọ me rha vwẹ inehweri rọye se ihwo.

Habakọk 1:7

Ihwo ri mu udidi ri mu oshọ; ọsoso rayen kugbe ọrho yoro nẹ ayen oma cha.

Zẹfanaya 2:15

Ọnana orerẹ ro muẹ oma kpenu na rọ herọ vwẹ ofuvwegbe, rọ ta kẹ oma rọyẹ, Mi herọ ohwo ọfa gbe herọ chọ vwẹ ra-a. Gbe nighe kọmavọ a rha vwọ kua fiọtọ, urhuẹn rẹ eranvwẹ re djoma! Kohwo kohwo rọ wanvrẹn kọ fiọn unu kpogho obọ.

2 Tẹsalonaika 2:4

ro muẹ oma kpenu ro muẹ kpahe koghẹre koghẹre rẹ ẹdjọ eyẹ obo ra gọ ejobi, ukuko rọye ọ da rhe vẹn phihọ agbara vwẹ evun rẹ uwevwi rẹ Ọghẹnẹ, ro ghwoghwo nẹ ekpuyovwi rọye hẹ Ọghẹnẹ.

Iguẹdjọ 18:27

Ayen vwo mu ekuakua rẹ Mika, kugbe orherẹn rọye reyọ nu, etiyin ihwo ri Dan na da rhe Laish, ayen de bru ihwo na ri yerẹ akpọ ofuefu vwẹ orere rayen, ayen da vwẹ ọlọkọ guọghọ ihwo na, ayen da vwẹ erhanre torhẹ orere na

Iguẹdjọ 18:7

Etiyin eshare iyori na da yanran, ayen da rhe Laish, ayen da mrẹ ihwo re dia oboyi na, kirobo rẹ ẹdia rayen mudia ga te, uruemu rayen da họhọ ihwo ri Sidọn, vẹ eyere fuefu ro vwo iroro ivẹ-ẹ, ọkanrovwen herọ vwẹ evun rẹ otọ yena-a, efe ọye herọ, ayen vẹ ihwo ri Sidọn yeri kugbe-e, ayen sherabọ ke ọhwohwo.