Aizaya 47:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Tidia fo gbiẹi, yanran kpo evun re ebri, E ọmọtẹ ri Kaldia, kidie e gbi che se we ọfa nẹ oni rẹ uvie

Aizaya 47:5 ပူးပေါင်းရင်းမြစ်များ

Une rẹ Ejiro 31:17

Wọ jẹn oma vo vwẹ-ẹ, E Ọrovwohwo, kidie mi kperẹ se we; jẹn oma vo oruimwemwu, jẹn ayen diunu ghwu kpo Erivwi.

Une rẹ Ejiro 46:10

Fọ gbiẹi, wọ riẹn nẹ Mẹvwẹ Ọghẹnẹ. Mẹvwẹ a kpare kpenu vwẹ ohri rẹ ẹgborho na, Mẹvwẹ a kparẹ kpenu vwẹ akpọ na!

Aizaya 13:10

Kidie isio rẹ obo odjuvwu veẹ ọghwẹgbe rayen gbe cha vwẹ orẹmrẹ rayẹn phia-a; ọnre rọ vacha na ko che bi, emeranvwe na gbi che lo-o.

Aizaya 14:23

Ki mi che vwo ru asan re isorhuẹn dia, kugbe ẹtẹrhe rẹ ame, ke me vwẹ uhwerhe rẹ ughwu vwo hwerhe, eriyin Ọrovwohwo re otuofovwi tare.

Aizaya 14:4

ke wa so une rẹ ehwẹjẹ nana kpahe ovie ri Babilọn. Mavọ ọ ro shenyẹ ihwo na vwọ fọ, ọharhe eka na vwo fotovwi!

Aizaya 21:9

Nighere, ihwo re gua na yan cha, ihwo re gua iyesi urhiẹ ivivẹ! Ọ da kpahe, Osheri, Babilọn sheri ọ vẹ uhoho rẹ ẹdjọ rọye ejobi a guọghọ ayen ejobi te otọ.

Aizaya 23:2

Fọ riei, ovwan ihwo rẹ obo erhuru, E ineki ri Sidọn, ikọn wẹn wan ọ rẹ urhie

Aizaya 47:1

Wotọ rhe wo rhi tidia iwurhie, E ọmọtobe ri Babilọn, tidia otọ ghevweghe ro vwo ekete-e, E ọmọtẹ ri Kaldia! Kidie e gbi se we ọfa-a nẹ wọ pha pọkọ pọko yoyovwi.

Aizaya 47:7

Wọ da ta, Me dia oni bẹdẹ, fiki re ọtiọye na wo gbi roro imu nana eyẹ wọ rha karophihọ oba raye-en.

Jerimaya 25:10

Ọ rọ ma rho, mi che si urhuru rẹ omavwerhovwẹ vẹ urhuru rẹ aghọghọ, urhuru rẹ oshare rẹ ọpha vẹ urhuru rẹ ọpha nẹ ayen obọ, ẹnọ rẹ elanọ vẹ elo rẹ urhukpẹ.

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Uvwerhe 1:1

Mavọ orere rọ vọnre vẹ ihwo jovwo na di vwo tidia hoho! Mavọ ọ rhe vwọ dia kere ayeuku, ọ rọ rhoro vwẹ ohri rẹ ẹgborho na! ọ rọ dia ọmọte rẹ ovie vwẹ ohri rẹ irere na rhi hirhe phihọ ọviẹn.

Uvwerhe 2:10

Ekpako rẹ ọmọtẹ ri Zayọn tidia tẹ otọ fọ gbiei. Ayen tuẹ iwurhie ku iyovwi rayẹn, ayen da vwẹ isisio rhuo; Emetẹ ri Jerusalẹm gbe iyovwi rayen phihọ otọ.

Habakọk 2:20

Ẹkẹvuọvo yẹ Ọrovwohwo hẹ evun rẹ uwevwi ọfuanfon rọye e jẹn akpọ na ejobi fọ riẹi vwẹ obaro rọye.

Zekaraya 2:13

Ihwo ejobi, fọ gbiẹi vwẹ obaro rẹ Ọrovwohwo; kidie ọ kpare oma rọye nẹ ẹdia ọfuanfọn rọye rhire.

Ọbe ri Jud 1:13

omimi rẹ abadi rọ họnra, ro gbe iphughe puọpuọ kẹ omaẹvuọ rayen; isio ro beghe ra vwọ hẹrhẹ ebri hwi bẹdẹ.

Ẹvwọphia 17:18

Aye na ru wọ mrẹre na ọye hẹ orere rode na ro vwo isuesun vwẹ enu rẹ ivie rẹ akpọ na.

Ẹvwọphia 18:7

Kirobo ro heri te ro fanrhiẹ te, ọtiọye wọ je vwẹ odjadja vẹ omaemuohọ kẹ te. Rọ vwọ ta vwẹ udu rọye nẹ, Mi tidia kerẹ aye rẹ ovie, Me dia ayeuku-u, Me cha mrẹ omaemuohọ bẹdẹ-ẹ,

1 Samuẹl 2:9

Ọ sẹro rẹ awọ rẹ ihwo esiri, ẹkẹvuọvo ka nyavwe ihwo umwemwu kufia vwẹ ebri, kidie ọ dia ẹgba ohwo cha vwọ rhọ-ọ.