Aizaya 47:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Nighere, ayen epha kerẹ iphopho, erhanre torhẹ ayen, ayen se sivwi oma raye-en ne ogangan re erhanre na. O vwo esia ra vwọ dia erhanre-e, o vwo erhanre re tidia kẹre-e.

Aizaya 47:14 ပူးပေါင်းရင်းမြစ်များ

Ẹyano 5:12

Ọtiọye na ihwo da hra wan otọ rẹ Ijipti na ejobi, rere ayen ra guọnọ erhan vwọ ma ikorekpẹn.

Aizaya 10:17

Urhukpẹ rẹ Izrẹl ko hirhe phihọ erhanre, Ọfuanfon Ọvuọvo rọye na kẹ ogidi erhanre; kọ torhẹ ọ me ghwọrọ idjigbẹ vẹ ekpia rọye na vwẹ ẹdẹ ọvo.

Aizaya 30:14

koọ ghwọrọ ivwivwuvwu kerẹ ochẹ rọ mema rọ guọghọ mwumwerhe, ra gbe sa mrẹ igbẹphẹre ọvuọvo vwọ bẹdẹ-ẹ ra vwọ wan erhanre nẹ enyerhanre-e, eyẹ ra vwọ sẹghrẹ ame nẹ orhare rhe-e.

Aizaya 33:14

Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

Aizaya 40:24

Ugbegangan a vwọ kọn ayen, ugbegangan e vwo voro, ugbegangan ugbẹn rayen vwọ dje ruotọ, ọke rẹ odju de dju ayen re ki phiorọ, aphopho ko djuẹ ayen yanran kerẹ iphopho.

Aizaya 41:2

Ọ rọ kparẹ ọvo vrẹn nẹ obaro ọnre rhe ro phiẹ kparobọ vwẹ ichiyi kichiyi? O siobọ nẹ ẹgborho na kẹ, rere ọ vwọ mrasan chiyi ivie na muotọ, ọ me vwẹ ọlọkọ rọye ru ayen kerẹ iwurhie, ọ me vwẹ umurhabọ rọye sa ayen kerẹ iphopho

Aizaya 44:16

Abọvo rọye ọ torherẹ vwẹ erhanre; abọvo ro chekọ kọye ọ vwọ re eranvwe, ọ da vwẹ eranvwe tọn evun da vọn, ọ da je dia erhanre rọye, tanẹ, Eghwo, Oma mẹ tuabọre, me mrẹ erhanre re.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Jerimaya 51:30

Egba rẹ ofovwi ri Babilọn fue ohọnre re, ayen da oma ji vwẹ ogba ọgangan rayen, ogangan rayen reri, ayen rhi hirhe phihọ eya, ẹdia rọye herọ tọrhẹ, a guọghọ itehru rọye nure.

Jerimaya 51:32

ayen reyọ asan ushuame na nure, a vwẹ erhanre torhẹ edaji na nure, Uguegue mu otu rẹ ofovwi na.

Jerimaya 51:58

Enẹ Ọrovwohwo rẹ otuofovwi tare. Igbẹhẹ rode ri Babilọn na e che kporo te otọ riẹriẹriẹ inurhoro rọye ri kpenu na cha tua vwẹ erhanre. Ihwo na wian kufia, omẹrhọ rẹ ẹghorho na kọ rẹ erhanre.

Izikiẹl 15:7

Ke Me tọn opharo mẹ vi ayen, owene ayen vwọ vabọ rẹ erhanre na dede, yẹ erhanre na je cha torhẹ ayen, ku wọ riẹn nẹ mẹvwẹ Ọrovwohwo, vwẹ ọke re me da tọn opharo me vi ayen.

Joẹl 2:5

Kerẹ edo rẹ ekpẹrẹ rẹ ofovwi, kẹ ọtiọye ayen pho muẹ enu rẹ igbenu, kirobo rẹ ogiderhanre ruẹ rọ da torhẹ aton ye, kerẹ unuofovwi ọgangan rọ choma hẹrhẹ ofovwi.

Ọbe rẹ Ọmraro Ọbadaya Obadaya 1:18

Uwevwi ri Jekọp kọ dia kerẹ erhanre, uwevwi ri Jọsef kẹ ọgidi erhanre, uwevwi ri Isọ kẹ ehẹbe, ke ayen torhẹ ayen ka ghwọrọ ayen, ọ gbi che vwo ohwo ovuọvo ro ghwu chekọ vwẹ uwevwi rẹ Isọ-ọ. Kidie Ọrovwohwo na ye tarọ.

Nahum 1:10

Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Matiu 16:26

Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye?

Ẹvwọphia 18:21

Etiyin amakashe rode na de mu oragha rode na, o de phio teye abadi na kerẹ ukerẹkpẹn rode, tanẹ, Ọtiọye e chi phi Babilọn orere rode na teye otọ vwẹ ozighi, a gbe cha mrẹ ọfa-a;