Aizaya 46:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Karophihọ imu rẹ awanre, kidie Mẹvwẹ Ọghẹnẹ, o gbi vwo ọfa-a, Mẹvwẹ Ọghẹnẹ, ọfa rọ họhọ ovwẹ gbe herọ-ọ,

Aizaya 46:9 ပူးပေါင်းရင်းမြစ်များ

ỌBE RẸ JOB 10:13

Imu nana ejobi na wo si nu vwẹ udu wẹn, me riẹnre nẹ ọnana iroro wẹn.

Une rẹ Ejiro 111:4

O da nẹrhẹ a karohọ iruo rẹ igbunu rọye; Ọrovwohwo ọ vọnre vẹ ehrọre vẹ arodọvwẹ.

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Ẹyano 8:10

Ọ da ta, Odẹ. Mosis da ta, Gbe jọ dia kirobo re wọ tare na, rere wọ vwọ riẹn nẹ ohwo ọvuọvo herọ kerẹ Ọrovwohwo Ọghẹnẹ rẹ avwanre-e.

Ẹyano 9:14

Kidie vwẹ ọke nana me cha vwẹ ọtiekọ mẹ ejobi teyọ udu wẹn, te idibo wẹn, vẹ ihwo wẹn, rere wọ vwọ riẹn nẹ ohwo ọvuọvo rọ họhọ ovwẹ vwẹ otọ rẹ akpọ na herọ-ọ.

Aizaya 41:26

Ono ri djere nẹ otọ rhe, rere ma vwọ riẹn, vẹrhe, rere ma vvọ tanẹ, Ọye re gbare? O vwo ohwo ọvuọvo ro djere-e, o vwo ohwo ro ghwoghwiro-o, ohwo ọvuọvo nyo eta wẹ-ẹn.

Aizaya 41:27

Mẹvwẹ re ka ta kẹ Zayọn, Me da vwẹ aghwoghwọ rẹ ikun esiri kẹ Jerusalẹm.

Aizaya 42:9

Nighere, imu rẹ awanre na e wanvrẹn nure, imu ekpokpọ keye me vwọ phia na, tavwe re ke re phia, ye me ta ayen kẹ ovwan nure.

Aizaya 43:10

Ovwan iseri mẹ, eriyin Ọrovwohwo tare, kugbe odibo mẹ re me jẹreyọ na, wo vwọ riẹn vwo se vwẹ gbuyota wọ vwọ mrẹ vughe nẹ Mẹvwẹ ọye Tavwe Me ke herọ ya je ma eghẹnẹ vuọvo-o, eye ọfa ra je cha ma vwe ọbuko mẹ herọ-ọ.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 46:5

Ono wo vwo dje vwe ono Me vọye gba abavọ, onọ wọ vwọ vwanvwe ovwẹ, re Me vọye gba họhọ?

Aizaya 48:3

Emu ri jovwo na Me tare rhabae rhe, i nẹ unu mẹ rhe Me da vwẹ ayen phia, kpregede na Mi de ru ayen i de ghine rhi ru.

Aizaya 65:17

Kidie gbe nighe, Me ma idjuvwu ọkpokpọ vẹ akpọ ọkpokpọ, ekuakua rẹ awanre na a gbe karophihọ aye-en eyẹ iroro gbe ra-a.

Jerimaya 49:19

Kirobo rẹ okpohrokpo pho nẹ egbo ri Jọdan cha ro ogba ọgangan rẹ igegede ye, mi che ru ayen ra da djẹ jovwo kpregede, ohwo ro jevwe kọye me cha sanọ nọ re vwẹ enu rọye, Kidie ono re họhọ ovwẹ? Ono ri si ọbe se vwe?

Jerimaya 50:44

Nighe, kirobo rẹ okpohrokpo nẹ oghwaghwo ri Jọdan cha vwọ so ogba rẹ igegede ye, mi che ru ayen re djẹ jovwo kpregede, ohwo ro jevwe kọye mi vwo mu vwẹ enu rọye. Kidie kono họho ovwẹ? Ono che si ọbe se vwe? Didi osuigegede se mudia vwẹ obaro mẹ?

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Joẹl 2:27

Ku wọ cha riẹn nẹ Me hẹ uherevie rẹ Izrẹl, nẹ Mẹvwẹ, Ọrovwohwo na, mẹvwẹ Ọghẹnẹ wẹn ọfa gbe herọ chọ vwẹ ra-a. A gbe cha vwẹ oma vo ihwo mẹ ọfa-a.

1 Kọrẹnt 8:6

ye vwọ kẹ avwanre Ọghẹnẹ ọvuọvo re herọ, Ọsẹ na, re emu ejobi nẹ obọ rọye cha ọye re nẹrhẹ avwanre dia, kugbe Ọrovwohwo ọvuọvo, Jesu Kristi, ohwo rẹ emu na ejobi wan oma rọye rhe oma rọye avwanre wa dia.

Urhi Rivẹ 32:7

Karohọ ẹdẹ rẹ awanre, roro ikpe rẹ edje buebu na nọ vwẹ obọ rẹ ọsẹ wẹn, ro dje kẹ wẹ; nọ ekpako wẹn, ayen ta kẹ wẹ.

Urhi Rivẹ 33:26

Ọvuọvo rọ họhọ Ọghẹnẹ herọ-ọ, E Jeshurun, ọ rọ djẹ wan odjuvwu rhe re chọ wẹn uko na, ọ vẹ ọrho rọye da wan enu vrẹn.