Aizaya 46:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ayen mi muo phahe igabọ, ayen mẹ ghwa, ayen me rhuẹrẹ phihọ asan o mi mudia, etiyin o sa yan nẹ asan rọ epha na-a, Ohwo de kperi se, o se nyo-o eyẹ o se sivwi oma rọye nẹ ukpokpogho-o.

Aizaya 46:7 ပူးပေါင်းရင်းမြစ်များ

1 Ivie 18:26

Ayen da reyọ erhuẹn na, ayen da va, ayen de se odẹ ri Baal nẹ irhiọke te oghẹruvo, tanẹ, E Baal nyo avwanre Ẹkẹvuọvo e nyo urhuru ọvuọvo-o, ohwo ọvuọvo nyori-i. Ayen de pho kreikrei riariẹ agbada rẹ ayen soro na.

1 Ivie 18:29

Rẹ ọnre vwọ gẹrẹ re, yẹ ayen di muẹ gbọ rhiri rhi te ọke re izobo rẹ ovwọnvwọn, ẹkẹvuọvo e nyo urhuru ọvuọvo-o; ohwo ọvuọvo nyori-i ohwo ọvuọvo davwerhọ-ọ.

1 Ivie 18:40

Ilaija da ta kẹ ayen, We shabọ phihọ emraro ri Baal na; we jẹn ọvuọvo rẹ ayen djẹ vabọ-ọ. Ayen de shabọ phihọ ayen; Ilaija de sun ayen kpo uto ri Kishọn, o de hwe ayen vwẹ etiyin.

Aizaya 37:38

Ọke rọ vwọ gọ ẹdjọ rọye Nishrọk vwẹ uwevwi rẹ ẹdjọ na re, Adrammelẹk kugbe Sharezar re emọ rọye, da vwẹ ọlọkọ nyavwọ hwe, ayen da djẹ kpo otọ rẹ Ararat Esarha-dọn da re vwẹ ẹdia rọye.

Aizaya 40:20

Ohwo rọ dia ogbere ko jẹ izobo ke oma rọye, urhe ro je gbo, ọ me guọnọ omamọ rẹ ọwena rọ nabọ kare oma ro jẹ yan.

Aizaya 41:28

Ẹkẹvuọvo Mi vwo nu Etiyin Me gbe mrẹ ohwo ọvuọvo-o, Vwẹ usun rayen Me mrẹ ọvwiroro-o, rere, Me da nọ ọ kpahe ke vwẹ-ẹ.

Aizaya 41:29

Nighere, ayen ejobi ophiẹvwe, iruo rayen odiodi, oma ra wranre na odju ofefe.

Aizaya 41:7

Ọwena na phi udu phihọ oduvwiro awọ, ohwo rọ vwẹ ubrogba teyan ọye sa riẹriẹ ọ ta kẹ ohwo ro gbe orhọnrhe nẹ, o yoma, a me vwẹ ubibe hwe re o je phieghe.

Aizaya 44:12

Odjogun ri duvwuro, vwẹ erhanre rẹ esia, ọ da vwẹ umomo rọye vwọ ghwiẹ, ọ da vwẹ owanvwe djuo, owẹvwe de rhi hwe oma da rhọ, ọ mrẹ ame da-a oma ko ro.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 46:1

Bel gbe uyovwi otọ, Nebo rhuenri, ẹdjọ rayen eranvwe vẹ uchuru, imu nana ri wo mu ghwa na e pha tẹgbẹ kerẹ oghwa rọ he enu rẹ eranvwe re oghwa bẹn.

Aizaya 47:15

Ọtiọye ihwo re ve owẹ gba wian kugbe cha dia, re ve owe gba cho eki ne ọke emọ rhe, dohwo dobene rọye gbe nene, o vwo ohwo ọvuọvo ro se sivwi uwe-e.

Jerimaya 10:5

Edjọ rayen họhọ ikroro re vwo guegue emephran vwẹ aghwa, ayen sa ta ota-a, e mu ayen ghwa kidie ayen sa ya-an We brẹ udu raye-en kidie ayen se ru umiovwo-o, eyẹ erhuvwu je nẹ oma raye-en cha-a.

Jerimaya 11:12

Kẹsiẹye irere ri Juda vẹ ihwo re dia Jerusalẹm ejobi ke yanran re kperi se edjọ rẹ ayen torhẹ insẹns kẹ na, yẹ ayen se sivwi ayen vwẹ ọke rẹ ukpokpogho raye-en.

Jerimaya 2:28

Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Daniẹl 3:1

Ovie Nebukadreza da ma ẹdjọ rẹ oro, ugrogro rọye da dia kubit ujorha, ohẹhẹre rọye ke rha kubit esan. O de muo vi vwẹ uphephẹ ri Dura vwẹ unuakpọ ri Babilọn.

Jona 1:5

Oshọ de rhi mu ihwo ri biẹ okọ na, dohwo dẹdjọ rọye ki kperẹ se; kẹ ayen kpare eghwa re hẹ evun rẹ okọ na phihọ abadi na rere ọ vwọ pharhe kẹ ayen. Ẹkẹvuọvo Jona da yanran kpo ẹtan rẹ okọ na vwẹ obotọ re shevwerhẹ, ovwerhẹ de muo kokodo.

1 Kọrẹnt 12:2

Ovwan riẹnre nẹ ọke rẹ ovwan vwọ hẹ egọdjọ jovwo, a riẹriẹ ovwan ra gọ ema ri diunu, kirobo rẹ ayen mu ovwan vwo ru.

1 Samuẹl 5:3

Ọke rẹ ihwo rẹ Ashdọd vwo vrẹn vwẹ irhiọke ride vwẹ ẹdẹ rivẹ, nighe, Dagọn she bọvwọ opharo rhuotọ vwẹ obaro rẹ ekpeti rẹ Ọrovwohwo na. Etiyin ayen da rhoma mu Dagọn phihọ asan rọ epha jovwo.