Aizaya 46:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ re duvwu ẹdẹ ọghwo wẹn Mẹvwẹ Ọye, re duvwu uyovwi esha Mi mu we phia Me ma nure, ke Me je ghwa, Mi muo ghwa ki mi sivwo.

Aizaya 46:4 ပူးပေါင်းရင်းမြစ်များ

Une rẹ Ejiro 48:14

nẹ Ọnana hẹ Ọghẹnẹ, Ọghẹnẹ rẹ avwanre bẹdẹ bẹdẹ. Ọye rẹ dia osun rẹ avwanre bẹdẹ.

Une rẹ Ejiro 68:19

Ebruphihọ kẹ Ọrovwohwo, rọ vwi kẹdẹ kẹdẹ mu avwanre kpenu, Ọghẹnẹ esivwo rẹ avwanre.

Une rẹ Ejiro 71:18

Ọtiọye ọ jepha kẹ ọmare vẹ uyovwi esha, E Ọghẹnẹ, wọ sen vwẹ-ẹ, bẹsiẹ mi vwọ ghwoghwo ẹgba wẹn kẹ uvwiẹ rọ cha ejobi.

Une rẹ Ejiro 71:9

Wo mu vwe kufia vwẹ ọke rẹ ọghwọ mẹ-ẹ, wọ sen vwẹ vwẹ ọke rẹ ogangan mẹ da lọhọ-ọ

Une rẹ Ejiro 92:14

Ayen je mọ emamọ vwẹ evun re ọghwo rayen, ayen vọnre vẹ ame wọnwọnwọn vwẹ ọke ejobi,

Aizaya 41:4

Kono vwẹ ona vwo ru ọnana, ro se orua na nẹ ẹtuọho rhe? Mẹvwẹ, Ọrovwohwo na, ọye ẹsosuọ, kugbe ọ rọ ka oba, Mẹvwẹ ọye.

Aizaya 43:13

Mẹvwẹ Ọghẹnẹ, kẹ etinẹ yanran Mẹvwẹ Ọye, o vwọ ohwo ọvuọvo ro se sivwi nẹ obọ mẹ-ẹ, Mi ru iruọ kẹ ono re sa daji?

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 48:12

Kerhọn mẹ, E Jekọp, kugbe Izrẹl, ri mi seri! Mẹvwẹ Ọye, Mẹvwẹ ọ rọ ẹsosuọ je Mẹvwẹ re cha ka oba.

Malakae 2:16

Kidie aye re siobọ nẹ na tu vwe oma eriyin Ọrovwohwọ Ọghẹnẹ re Izrẹl tare, re vwẹ ozighi e gbe chobiẹ amwa, eriyin Ọrovwohwo rẹ otuofovwi na tare. Vwẹ ọtiọye na gba kẹnẹ oma wẹn wo gbi gbe ọfanrhiẹ-ẹ.

Malakae 3:6

Kidie mẹvwẹ rẹ Ọrovwohwo na rhẹriẹ-ẹ; fiki rẹ ọtiọye na E emọ ri Jekọp, ọye e vwo jẹ ovwan eghwọrọ na.

Ọbe ri Pọl si rhe Ihwo ri Rom 11:29

Kidie okẹ kugbe use rẹ Ọghẹnẹ a sa rhan rhivwi-i.

Urhi Rivẹ 1:31

kugbe evun rẹ aton, asan rẹ ovwan da mrẹ obo rẹ Ọrovwohwo Ọghẹnẹ rẹ ovwan na ghwa ovwan te, kirobo rẹ ọshare ghwa ọmọ rọye rẹ ọshare, vwẹ asan kasan rẹ ovwan rare ejobi, bẹsiẹye rẹ ovwan rhi vwo te etinẹ.

Hibru 1:12

wo kpirhi ayen koko kerẹ ukpo, ke wene ayen. Ẹkẹvuọvo abavo wọ epha, ikpẹ wẹn che vwo oba-a.

Hibru 13:8

Obo ri Jesu epha vwẹ odẹ ro kpori na eriyin ọ epha nonẹ na eriyin ọ je cha dia bẹdẹ.

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.