Aizaya 46:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kerhọn Me, E uwevwi ri Jekọp, umuku ri chekọ vwẹ uwevwi rẹ Izrẹl, ri mi mu ghwa ne ọke emọ rhe, re Me ghwa vwẹ evun Mẹ;

Aizaya 46:3 ပူးပေါင်းရင်းမြစ်များ

Une rẹ Ejiro 28:9

E sivwi ihwo wẹn, re wo bruphihọ kẹ ireuku wẹn, dia osuigegede rayen, re wọ ghwa ayen bẹdẹ.

Une rẹ Ejiro 71:6

Wẹ me vwẹ oma rẹrẹ nẹ ọke re vwo vwiẹ vwẹ rhe; wọwẹ re reyọ ovwẹ nẹ evun rẹ oni mẹ rhe. Ejiro mẹ kọ wẹn ọ dia kọke kọke.

Ẹyano 19:4

Wọ mrẹ obo ri mi ru kẹ ihwo rẹ Ijipt, kugbe obo ri mi vwẹ ibekpe rẹ ugo mu uwe kẹ oma mẹ.

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Aizaya 10:20

Vwẹ ẹdẹ yena umuku ri chekọ vwẹ Izrẹl kugbe iri ghwu chekọ vwẹ uwevwi ri Jekọp gbe cha vwẹ oma rere ohwo rọ ghwiẹ ayen na-a, ẹkẹvuọvo kẹ ayen vwẹ oma rẹrẹ Ọrovwohwo, Ọfuanfon Ọvuọvo re Izrẹl na, vwẹ ọ re uyota.

Aizaya 10:21

Umuku che rhivwi, umuku ri Jekọp, bru Ọghẹnẹ rẹ ọgba na.

Aizaya 10:22

Owene ihwo wẹn Izrẹl mi bun kerẹ ehavwo re urhie, umuku rayen ọvo ri che rhivwi. E bru ẹdẹ rẹ ẹghwọrọ nure, rọ mwavwa hwẹ vẹ ọvwata.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Aizaya 4:3

Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,

Aizaya 44:21

Karophihọ imu nana, E Jekọp, kugbe Izrẹl, kidie wẹ odibo mẹ, Mẹvwẹ re ma wẹ, wẹ ke odibo mẹ, E Izrẹl wọ sa chọro ovwẹ ẹro-o.

Aizaya 46:12

Kerhọn Mẹ, ovwan ri vwo udu ọgangan, ovwan ri sheri ke esivwo;

Aizaya 48:1

Nyo Ọnana, E uwevwi ri Jekọp, ra vwe odẹ re Izrẹl se, ri nẹ agada ri Juda rhe, re vwẹ odẹ rẹ Ọrovwohwo duvwu iyori, re rhọvwe odẹ rẹ Ọghẹnẹ re Izrẹl, ẹkẹvuọvo o dia uyota vẹ ọsoso-o.

Aizaya 51:1

Kerhọn Mẹ, ovwan re vwọ tua esivwo ovwan re guọnọ Ọrovwohwo; gbe ni oragha re she we nurhe, kugbe ọgọdọ ra tọn wẹ nurhe.

Aizaya 51:7

Kerhọn Mẹ, ovwan ihwo re riẹn ọvwata, ihwo re urhi Mẹ dia evun rayen, wa dje oshọ rẹ ẹghwọ rẹ ihwo rẹ akpọ-ọ, we jẹ ofu dje ovwan rẹ ayen da harhe owẹ-ẹ.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Urhi Rivẹ 1:31

kugbe evun rẹ aton, asan rẹ ovwan da mrẹ obo rẹ Ọrovwohwo Ọghẹnẹ rẹ ovwan na ghwa ovwan te, kirobo rẹ ọshare ghwa ọmọ rọye rẹ ọshare, vwẹ asan kasan rẹ ovwan rare ejobi, bẹsiẹye rẹ ovwan rhi vwo te etinẹ.