Aizaya 46:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ayen rhuẹnri, ayen gbe uyovwi otọ kugbe, ayen se sivwi oghwa na-a, ẹkẹvuọvo ekpuyovwi rayen che kpo ighuvwu.

Aizaya 46:2 ပူးပေါင်းရင်းမြစ်များ

2 Samuẹl 5:21

Filistia da yan jẹn ema rayen vwo etiyin, Devid vẹ ihwo rọye de mu ayen yanran.

Aizaya 30:6

Epha kpahe eranvwe ri Nẹgẹb. vwọ kpahe otọ rẹ ukpokpogho vẹ ivuemiovwo, asan rẹ okpohrokpo rẹ aye vẹ ọshare nẹcha, asan re ọrobiebi vẹ asiweri nẹcha, ayen kru efe rayen kpahe uko rẹ ekẹtẹkẹtẹ, eyere rayen kpahe ekpo rẹ iyesi, vwo rhe ihwo re cha vwẹ erere kẹ aye-en.

Aizaya 37:12

Kẹ ẹdjọ rẹ ẹgborho yena sivwi ayen re, ẹgborho rẹ esẹ mẹ ghwọre na, Gozin, Haran, Rezeph, kugbe ihwo rẹ Edẹn ejobi ri Telassar?

Aizaya 37:19

ayen da kpare ẹdjọ rayen phihọ erhanre; kidie ayen dia edjọ-ọ, ẹkẹvuọvo iruo rẹ obọ re ohwo, urhe vẹ oragha, kọye ọ vwọ ghwọrọ ayen.

Aizaya 44:17

Abọvo ro chekọ ọ da vwọ kare ẹdjọ, kẹ oma rọye; o shiguẹ kẹ ọ da gọ, ọ da nẹ ẹrhovwo kẹ tanẹ, sivwi vwe, kidie wọwẹ ọye Ọghẹnẹ mẹ.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Jerimaya 48:7

Kidie, fikirobo wa vwọ vwẹ ẹro so ogba ọgangan vẹ efe rẹ ovwan na, e ji che mu ovwan rhe; Chemosh ji che kpo imu rhe, te irherẹn rọye kugbe isun rọye.

Jerimaya 51:47

Ọtiọye na, gbe nighe, ẹdẹ cha rhe, mi che vwo hwe ema ri Babilọn na; oma cha vo otọ rọye na ejobi ihwo rọye re hweri che she teye uherevie rọye.

Daniẹl 11:8

Ọ je cha ghwẹ ẹdjọ rayen kpo Ijipt kugbe ema re duvwuru vẹ ekuakua rẹ idọnọ efuanfọn vẹ oro rọ ghare, vwẹ ikpe evo o rhe che nene ovie rẹ obọhwẹre ọnre na họnre-e.

Nahum 1:14

Ọrovwohwo ji urhi kpahe owẹ: O gbi che vwo ohwo ra vwọ karohọ odẹ wẹ-ẹn; ke mi cha nyavwẹ owẹ kufia nẹ uwevwi rẹ edjọ wẹn, oma ra kare kugbe oma ra wranre. Ke me tọn ushi wẹn, kidie orharhe wo ruẹ.

Iguẹdjọ 18:24

Etiyin ọ da ta kẹ ayen nẹ, ovwan reyọ edjọ mẹ re me manre, kugbe orherẹn mẹ yanran, kidie rhe chekọ kẹ vwẹ?

1 Samuẹl 5:3

Ọke rẹ ihwo rẹ Ashdọd vwo vrẹn vwẹ irhiọke ride vwẹ ẹdẹ rivẹ, nighe, Dagọn she bọvwọ opharo rhuotọ vwẹ obaro rẹ ekpeti rẹ Ọrovwohwo na. Etiyin ayen da rhoma mu Dagọn phihọ asan rọ epha jovwo.