Aizaya 46:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 46:13 ပူးပေါင်းရင်းမြစ်များ

Une rẹ Ejiro 14:7

Mane kẹ esivwo se nẹ Zayọn rhe kẹ Izrẹl vwonẹ! Vwe ọke rẹ Ọrovwohwo da vwẹ ughwẹ re ihwo rọye rhivwi rhe, Jekọp cha ghọghọ, Izrẹl oma cha vwerhọ.

Une rẹ Ejiro 46:1

Ọghẹnẹ odjahọ kugbe egba rẹ avwanre, omamọ rẹ ọchuko ra mrẹ, vwẹ ọke rẹ ukpokpogho.

Une rẹ Ejiro 46:5

Ọghẹnẹ o hẹ uherevie rọye, e gbi se ghwie-e; Ọghẹnẹ cha uko phẹrẹkpẹ;

Une rẹ Ejiro 85:10

Ẹguọnọ ro jẹ rhẹriẹ vẹ esegbuyota cha vwa oma; ọvwata vẹ ufuoma cha fiọnfiọn ohwohwo unu.

Une rẹ Ejiro 85:9

Uyota esivwo rọye ọkẹkẹre kẹ ihwo re djẹ oshọ rọye, rere urinrin vwọ dia otọ rẹ avwanre.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 28:16

vwẹ ọtiọye na enẹ Ọrovwohwo Ọghẹnẹ tare, Nighere, me ra reyọ uchivwo vwo mu vwi Zayọn ubiọragha, ubiọragha ra nabọ davwini, uchivwo rẹ ubienye rọ ghanre, uchivwo kokoroko Ohwo ro sere gbuyota gbi se broma-a.

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 45:8

Eghwẹghwẹ, E idjuvwu, jo tue nẹ obenu rhe, jẹn obenu na rhọ osio rẹ ọvwata phihọ otọ na; jẹn otọ na rhie phihọ, rere esivwo va nẹ otọ na rhe, ro jẹn ọvwata va djẹ nẹ otọ na rhe, Mẹvwẹ Ọrovwohwo na re marọ

Aizaya 51:5

Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Aizaya 56:1

E nẹ Ọrovwohwo tare Yọnrọn ọsoso, re wọ ru ọvwata, kidie nanana esivwo Mẹ cha rhe, ka cha vwẹ esivwo mẹ phia.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Aizaya 61:11

Kirobo rẹ otọ yoro che phia na, kirobo re obo re voro phihọ udju va nẹ otọ cha na, eriyin Ọrovwohwo che ru re ọvwata veẹ ejiro vwọ varhe keẹ ẹgborho na mrẹ.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Aizaya 62:11

Nighere, Ọrovwohwo na ghwoghwo nure ke oba re akpọ na duvwu. Ta kẹ ọmọtẹ ri Zayọn, Nighere, esivwo wẹn na rhire; nighere, osa ẹhwa rọye rhere, ẹse ẹkpẹvwẹ rọye ji rhe.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Joẹl 2:32

Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Maika 7:9

Ki mi chiri ophu rẹ Ọrovwohwo na fikiridie mi ru umwemwu kpahọ, bẹsiẹ ro vwo mie vwẹ unu vwo gu ro de brorhiẹ kẹ vwẹ. kọ vwẹ ovwẹ kpo asan rẹ urhukpẹ epha; ke me mrẹ esivwo rọye vughe.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Hegae 1:8

Yanran kpo obo imigbenu na re wọ ra ghwẹ irhe rhe rere wọ rhe bọn uwevwi na, rere oma vwerhe ovwẹ vwọ, rere me vwẹ oma phia vwẹ evun rẹ urinrin mẹ, eriyin Ọrovwohwo na tare.

Iyẹnrẹ Esiri ri Jọn 17:10

E rẹ mi vwori ejobi na ewẹn, ewẹn ke rha vwẹ emẹ, a da vwẹ urinrin kẹ vwẹ vwẹ oma rẹ ayen.

Ọbe ri Pọl si rhe Ihwo ri Rom 1:17

Kidie iyẹnrẹ esiri na re vwẹ ọvwata rẹ Ọghẹnẹ phia vwẹ oma rẹ esegbuyota fiki rẹ esegbuyota; kirobo re siro, Ohwo rọ wan oma rẹ esegbuyota dia ọvwata kọ rhọ.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

2 Tẹsalonaika 1:10

Vwẹ ọke rẹ ihwo efuanfon rọye da cha vwẹ ejiro kẹ vwẹ ẹdẹ yena, ko gbe ayen unu siẹ rẹ ayen da mrẹ otu ri segbuyota na, fikiridie iseri rẹ avwanre se kẹ ovwan na we sere gbuyota.

2 Tẹsalonaika 1:12

Rere e vwo se jiri odẹ rẹ Ọrovwavware Jesu vwẹ evun rẹ ovwan, ra rha wan oma rẹ ovwan jiro, kirobo rẹ ẹserọphẹ rẹ Ọghẹnẹ rẹ avwanre epha kugbe Ọrovwohwo Jesu Kristi.

Hibru 10:37

Kidie ọmọke krẹn, ọ rọ cha rhe na kọ cha rhe o che kri-i;

1 Pita 2:6

Kidie e siro phihọ ọbe ọfuanfon na: Nighe, me ra vwẹ oragha ọvo vi vwi Zayọn, oragha rẹ ubienyẹ ra jẹreyọ rọ ghare, ohwo ro sere gbuyota oma gbe vuọ-ọ.