Aizaya 46:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Kerhọn Mẹ, ovwan ri vwo udu ọgangan, ovwan ri sheri ke esivwo;

Aizaya 46:12 ပူးပေါင်းရင်းမြစ်များ

Une rẹ Ejiro 119:150

Ihwo ri kpokpo uvwe na re siẹ kẹre ovwẹ vẹ iroro umwemwu, ayen tephe kẹ urhi wẹn.

Une rẹ Ejiro 119:155

Esivwo pha shesheri kẹ ohwo umwemwu, kidie ayen guọnọ iji wẹ-ẹn.

Une rẹ Ejiro 49:1

Nyo ọnana, ihwo ejobi! Kẹrhọn, ovwan ihwo rẹ dia akpọ na ejobi,

Une rẹ Ejiro 76:5

Ihwo vẹ udu kokoroko na aghwie udu na mie ayen, aycn de she ro ovwerhẹ; ihwo rẹ ofovwi na ejobi gbe sa vwẹ abọ rayen ru emuọvo-o.

Aizaya 28:14

Vwẹ ọtiọye na we nyo ota rẹ Ọrovwohwo na, ovwan ejehwẹ na, ri sun ihwo nana vwi Jerusalẹm!

Aizaya 28:23

Kerhọn mẹ, wo nyo urhuru mẹ, kerhọn, wo nyo ota mẹ.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 46:3

Kerhọn Me, E uwevwi ri Jekọp, umuku ri chekọ vwẹ uwevwi rẹ Izrẹl, ri mi mu ghwa ne ọke emọ rhe, re Me ghwa vwẹ evun Mẹ;

Aizaya 48:1

Nyo Ọnana, E uwevwi ri Jekọp, ra vwe odẹ re Izrẹl se, ri nẹ agada ri Juda rhe, re vwẹ odẹ rẹ Ọrovwohwo duvwu iyori, re rhọvwe odẹ rẹ Ọghẹnẹ re Izrẹl, ẹkẹvuọvo o dia uyota vẹ ọsoso-o.

Aizaya 48:4

Fikiridie Me rlenre nẹ wo vwo udu, ohọre wẹn irien rẹ utehru arhanre wẹn kẹ ẹronvwo,

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Aizaya 59:14

Ọsoso rhoma kpuko, ọvwata de tephe shesheri; kidie uyota she phihọ ọsuere, uyota gbe sa ruọ-ọ.

Aizaya 59:15

Uyota kanre, ohwo ro si oma nẹ umwemwu vwe oma rọye mu ufi. Ọrovwohwo mrẹre, o gbi rhe je-e nẹ ọsoso herọ-ọ.

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Aizaya 9:9

Ihwo na ejobi ke riẹn, Ifrem kugbe ihwo ri Sameria ejobi, re vwẹ eheri vẹ eyan vwọ ta vwẹ udu rayen.

Jerimaya 2:5

Eriyin Ọrovwohwo tare, Didi oruchọ esẹ wẹn mrẹ vwẹ oma mẹ rẹ ayen vwọ yan jẹ uvwe vwo shesheri re nene imu fefe, rẹ ayen vwo hirhe oma phihọ ofefe?

Emọs 5:7

E we re rhẹriẹ orhiebro phihọ akoro na, ro chiyi ọvwata muotọ.

Habakọk 1:3

Die wọ vwọ nẹrhẹ ovwẹ mrẹ oruchọ re me vwọ kparo nẹ ukpokpogho? Eghwọrọ vẹ ozighi gbere obaro kẹ vwẹ; ẹghwọ vẹ aphro vwọ kpahe ovwẹ chachacha.

Iruo rẹ Iyinkọn na 7:51

Ovwan ihwo re vẹ udu kpoi na, vẹ udu vẹ erhọn koi, ovwan nene Erhi Ofuanfon sivwi oma kọke kọke. Kirobo rẹ esẹ rẹ ovwan ruru, ọtiọye we ji ruẹ na.

Ẹfesọs 2:13

Asakiephana vwẹ evun ri Kristi Jesu ovwan re epha shesheri jovwo ke rhi si ovwan kẹrẹ vwẹ evun rẹ ọbara ri Kristi.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.