Aizaya 45:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Mẹvwẹ re ma orẹmrẹ kugbe ebri, Mẹvwẹ rẹ ma efe mẹvwẹ re ma okpetu, Mẹvwẹ Ọrovwohwo na, rọ ma imu nana ejobi na Ọrovwohwo hẹ Ọmẹna

Aizaya 45:7 ပူးပေါင်းရင်းမြစ်များ

Ivie rẹ Ivẹ 19:25

Wo ji nyo-o Ne me jẹ iroro rọye krire? Iroro re me jẹre rhabae rhe Me rhe vwọ phia asakiephana re, Nẹ wọ hirhe irere ra gba ogba yariẹ phihọ erhurhu,

ỌBE RẸ JOB 10:13

Imu nana ejobi na wo si nu vwẹ udu wẹn, me riẹnre nẹ ọnana iroro wẹn.

ỌBE RẸ JOB 2:10

Ẹkẹvuọvo ọ da ta kẹ, Wọ ta ota kirobo rẹ ọvo vwẹ usun rẹ eya ri djidji na ta. Avwanre da reyọ emu esiri vwẹ obọ rẹ Ọghẹnẹ, a rha reyọ omiomiovwi vwọ? Vwẹ evun rẹ enana ejobi na Job vwẹ ẹbẹrunu rọye ru umwemwu-u.

ỌBE RẸ JOB 34:29

Ọke rọ da fotovwi, kono se bruhwe? Ọke ro de si opharo rọye nu, kono re sa mrẹ, sẹ ẹgborho eyẹ ohwo ọvo?

Une rẹ Ejiro 105:28

O de ji ebri, ọ da nẹrhẹ otọ na mu egho, ayen de mu kpahe eta rọye.

Une rẹ Ejiro 29:11

E jẹn Ọrovwohwo vwẹ ogangan kẹ ihwo rọye! E jẹn Ọrovwohwo vwẹ ufuoma bruphihọ kẹ ihwo rọye.

Une rẹ Ejiro 74:16

Uvo ọ wẹn, ason je vwe ọwẹn rhe; wọwẹ re vwẹ isio na kugbe ọnre na vwo mu.

Une rẹ Ejiro 75:7

ẹkẹvuọvo Ọghẹnẹ ọye ri brọrhiẹ, ọye re vwẹ ọvo kpoto ọ me rha kpare ọfa kpenu.

Une rẹ Ejiro 8:3

Ọke mi de ni idjuvwu wẹn na, iruo rẹ irhiabọ wẹn, te emeranvwe kugbe isio ru wọ mare na;

Ẹyano 14:20

ọ da rhe uvwre rẹ ihwo rẹ Ijipt vẹ ọ rẹ Izrẹl. Kẹ etiyin osunsun na vẹ egho na epha, ason na da rhe wan vrẹn je ohwohwo si kẹrẹ ohwo vwẹ ason na-a.

Aizaya 31:2

Dede na ọye re ghwanre ọye je ghwa okpetu cha, o se ota rọye rhivwi-i, ẹkẹvuọvo o che vrẹn vwo so uwevwi re otu ri ruẹ umwemwu, kugbe ihwo re cha orukuruku uko

Aizaya 42:16

Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 47:11

Ẹkẹvuọvo okpetu che bru we rhe, ru wọ je sa rhuẹrẹ, ukpokpogho che she teyọ owẹ, ru wo je se phorho nẹ oma, ẹghwọrọ ko bru we rhe kpregede, ju wọ riẹn emu ọvuọvo kpahọ-ọ.

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Jerimaya 31:35

Enẹ Ọrovwohwo na tare, ọ rọ ma ọnre ra vwọ mrorẹ vwẹ uvo, ọ da gbẹn idjerhe kẹ emeranvwe vẹ isiọ re dia urhukpẹ kẹ ason. Ọ rọ kpare ame rẹ urhie rọ da sẹghẹ; Ọrovwohwo rẹ otuofovwi ọye hẹ odẹ rọye.

Jerimaya 51:20

Wẹ ọye umomo vẹ ekuakua rẹ ofovwi mẹ wẹ me vwọ guọghọ ẹgborho na ibribro; wẹ me vwọ ghwọrọ uvie

Uvwerhe 3:38

Ọ dia unu rẹ Ọro me kpenu na ọye uyoyovwi vẹ umiovwo nurhe?

Izikiẹl 32:8

Irhukpẹ rẹ obo odjuvwu ejobi ri lo ki che mu egho rhurhu uwe, i mi phi ebri phihọ otọ wẹn, eriyin Ọrovwohwo Ọghẹnẹ tare.

Daniẹl 2:22

Ọ vwẹ obo ri kodori vẹ emuigbunu vwọ phia, ọ riẹn obo rọ hẹ evun rẹ ebri, orẹmrẹ vọye gba dia.

Joẹl 2:2

ẹdẹ rẹ ebri ghwi, ẹdẹ rẹ egho vẹ ebri ghwi! Biebi ghwi o de rhurhu enu rẹ igbenu na ihwo ride vẹ egba gangan, a je mrẹ ọkpọ rayen nẹ awanre rhe-e, eyẹ a je cha mrẹ ọkpọ rayen bẹdẹ-ẹ vwẹ ikpe rẹ uvwiẹ na ejobi.

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Emọs 4:13

Gbe nighere, ohwo rọ ma igbenu na, rọ da rha ma odju, ro dje iroro rẹ ohwo rẹ akpọ kẹ, Rọ nẹrhẹ ebri muẹ vwẹ irhiọke, ro chiyi asan ro kpenu vwẹ akpọ na Ọrovwohwo na, Ọghẹnẹ rẹ ofovwi na, ọye odẹ rọye.

Emọs 5:6

Guọnọ Ọrovwohwo re wọ rhọ, o de rhi mu la kerẹ erhanre vwẹ uwevwi ri Josẹf, kọ guọghọ, o rhe vwo ohwo ọvuọvo ro se furhie Bẹtẹ-ẹl,

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.

Iruo rẹ Iyinkọn na 4:28

de ru kemu kemu rẹ obọ wẹn kugbe iroro wẹn jẹ phihọ otọ rhahae rhe.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

Ọbe ri Jud 1:13

omimi rẹ abadi rọ họnra, ro gbe iphughe puọpuọ kẹ omaẹvuọ rayen; isio ro beghe ra vwọ hẹrhẹ ebri hwi bẹdẹ.

Ọbe ri Jud 1:6

Emekashe re rha sa yọnre ẹdia raye-en ẹkẹvuọvo re yan jẹ ẹdia rayen vwo ọ da vwẹ ọjọnrọn ri bẹdẹ na kanre ayen mu ebri ri bẹdẹ na bẹsiẹ rẹ ẹdẹ rode rẹ ẹdjọeguo na vwo te;