Aizaya 45:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie fiki rẹ odibo mẹ Jekọp, kugbe Izrẹl re Me jẹreyọ na. Mẹvwẹ vwẹ odẹ wẹn se we, Ode wẹ rivẹ, dede na wọ riẹn vwẹ-ẹ.

Aizaya 45:4 ပူးပေါင်းရင်းမြစ်များ

Une rẹ Ejiro 105:6

E uvwiẹ re Ebraham odibo rọye, emọ ri Jekọp, ihwo rọye rọ jẹreyọ!

Une rẹ Ejiro 136:22

ukuẹriọ kẹ Izrẹl odibo rọye, kidie ẹguọnọ rọye rọ jẹ rhẹriẹ na dia rhiri bẹdẹ;

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 43:14

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Fiki wẹn Mi vwo ji ikọn kpo Babilọn ve vwirhi egbẹ rẹ itehru rayen, unuebo rẹ ihwo ri Kaldia cha rhoma hirhe phiyọ ovie.

Aizaya 44:1

Ẹkẹvuọvo Asakiephana nyo, E Jekọp odibo mẹ, Izrẹl re me jẹreyọ na.

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Matiu 24:22

Jokpa nẹ ke ru ẹdẹ na krẹ, o se vwo ohwo ọvuọvo rọ cha rhọ-ọ; ẹkẹvuọvo vwi fiki rẹ ihwo ra sanọre na, ke ru ẹdẹ na krẹ.

Iyẹnrẹ Esiri ri Mak 13:20

Ọ dianẹ kẹ Ọrovwohwo gbi bru ẹdẹ na krẹ-ẹ, ohwo rọ rhọ gbe dia-a; ẹkẹvuọvo vwi fiki rẹ otu ra jẹreyọ na, ọye o vwo ru ẹdẹ na krẹ.

Iruo rẹ Iyinkọn na 17:23

Kidie re me vwọ wanvrẹn na, rẹ ẹro mẹ vwo kpo ekuakua rẹ ovwan gọ, me da mrẹ vwẹ enu rẹ agbada ọvo vẹ obo re si phihọ, Vwọ kẹ Ọghẹnẹ re jẹriẹn. Obo rẹ ovwan gọ ru we jẹriẹn na koye mi ghwoghwo kẹ ovwan na.

Ọbe ri Pọl si rhe Ihwo ri Rom 11:7

Kidie ọfa? Obo rẹ Izrẹl guọnọre te ayen obọ-ọ. Otu ra jẹreyọ na vworo, ye udu rẹ otu ri chekọ je gan,

Ọbe ri Pọl si rhe Ihwo ri Rom 9:6

Ọ dianẹ kẹ ota rẹ Ọghẹnẹ je ruo gba-a. Kidie ọ dia ihwo ejobi ri nẹ uvwiẹ rẹ Izrẹl rhe hẹ ihwo rẹ Izrẹli-i,

Ẹfesọs 2:12

Gba karohọ nẹ vwẹ ọke yena ka hẹriẹ ovwan nẹ Kristi, ra riẹriẹ ghwru nẹ emotọ rẹ Izrẹl, kẹ erhorha rẹ ọphọ rẹ ive na, ri vwo iphiẹrohọ-ọ ri vwo Ọghẹnẹ vwẹ akpọ na-a.

1 Tẹsalonaika 4:5

Ọ dia ọ rẹ urhuru sivwe rẹ ugboma kerẹ ihwo ri Keferi re riẹn Ọghẹnẹ-ẹ.