Aizaya 45:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ki Mi vwẹ efe re ebri na kẹ wẹ kugbe obo ra ghwẹ koko vwẹ odjahọ ejobi rere wọ vwọ riẹn nẹ Mẹvwẹ ọye, Ọrovwohwo na, Ọghẹnẹ rẹ Izrẹl, ro mu odẹ wẹn se we.

Aizaya 45:3 ပူးပေါင်းရင်းမြစ်များ

2 Ikun rẹ Ivie 6:17

Asakiephana, E Ọrovwohwo, Ọghẹnẹ rẹ Izrẹl, gbẹ jẹ ota wẹn sẹ, ọ re wọ ta kẹ odibo wẹn Devid.

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Ẹyano 33:12

Mosis da ta kẹ Ọrovwohwo, Nighe wọ ta kẹ vwẹ nẹ, Reyọ ihwo nana rhe obenu, ẹkẹvuọvo wo ji rhi ju vwe riẹn ohwo ru wo ji nene uvwe-e. Yẹ wọ tare nẹ, Me riẹn odẹ wẹn, nẹ wọ je mrẹ aroesiri mẹ nure.

Ẹyano 33:17

Etiyin Ọrovwohwo da ta kẹ Mosis, Emu nana re wọ tare na Mi ruo; kidie wọ mrẹ ẹruesiri vwẹ obọ mẹ, Me riẹn odẹ wẹn.

Aizaya 41:23

Ta kẹ avwanre obo re cha phia vwẹ ẹdẹfa, re avwanre riẹn nẹ wẹ ghinẹ ẹdjọ; ru ọresiri eyẹ ru ọromioma, rere ofu dje avwanre re oshọ mu avwanre.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 48:15

Mẹvwẹ, Mẹvwẹ vẹ ekpuyovwi Mẹ ta nure mi ji se nure, Mẹvwẹ re reyerọ rhe, ko yovwi kẹ vwẹ idjerhe rọye,

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Jerimaya 41:8

Ẹkẹvuọvo eshare ihwe vwẹ usun rayen na da ta kẹ Ishmẹl nẹ, Wo hwe avwanre-e, kidie avwanre vwo erhu rẹ eka, bali, evwri, vẹ ọnyọn re sinu vwẹ obo udju. Eriyin na o rhe hwe ayen kugbe otu raye-en.

Jerimaya 50:26

Yanrhe vwọ suọ ni kabọ kabọ rhe; rhie erhu rẹ eka roye, ghwẹ koko kerẹ ẹko rẹ eka, ra ghwọrọ tototo; wo jẹn ẹmu ọvuọvo chekọ vwọ-ọ

Jerimaya 50:37

Ọlọkọ vwẹ enu rẹ iyesi vẹ ekpẹrẹ rọye, vẹ enu rẹ otuofovwi erhorha re hẹ uherevie rọye, rere ayen vwọ hirhe oma phihọ eya! Ọlọkọ vwe enu re efe rọye ejobi, rere a vwọ kua ayen fiotọ!

Jerimaya 51:13

E ovwan re dia orhọma rẹ ame buebu, ri feri na, oba rẹ ovwan tere, ufi rẹ arhọ rẹ ovwan vwrẹre

Jerimaya 51:53

Owenẹ Babilọn yeri kpenu te odjuvwu, owenẹ ọ gba ogba ọgangan kpenu yariẹ oma, dede ẹghwọrọ che nẹ obọ mẹ bro ra, eriyin Ọrovwohwo tare.