Aizaya 45:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Vwẹ oma rẹ Ọrovwohwo ọvo, ọye a da cha ta kpahe ovwẹ nẹ, ọye ọvwata vẹ ogangan epha, kọye ayen che bru rhe oma kọ vo ayen, ayen ejobi ri mu ophu kpahọ.

Aizaya 45:24 ပူးပေါင်းရင်းမြစ်များ

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Une rẹ Ejiro 110:2

Ọrovwohwo ji ọkpọ rẹ ẹgba wẹn nẹ Zayọn rhe.

Une rẹ Ejiro 71:16

Vẹ uruemu rẹ ẹgba rẹ Ọrovwohwo Ọghẹnẹ me cha rhe, mi se jiri ọvwata wẹn, ọwẹn na ọvo kpoi.

Une rẹ Ejiro 72:9

E jẹn ivwighrẹ rọye gbe uyovwi kpotọ kẹ rere ivwighrẹ rọye rare ekpẹn na!

Une rẹ Ejiro 89:17

Kidie wọwẹ urinrin re ogangan rayen, vwẹ oma re ẹroesiri wẹn a vwọ kpare ighoro re avwanre kpenu.

Aizaya 26:4

Vwẹ ẹro so Ọrovwohwo bẹdẹ, kidie Ọrovwohwo Ọghẹnẹ, ọye oragha ri bẹdẹ na.

Aizaya 41:11

Nighere, ihwo re vwọ so wẹ ejobi oma cha vo ayen rẹ ayen de beghe, ihwo ri nene uwe họnra ejobi gbi fi emuọvo-o, kẹ ayen ghwọrọ kufia.

Aizaya 44:8

Wọ djẹ oshọ-ọ, eyẹ wo bru udu-u, Me rha vuẹ wẹ jovwo nẹ awanre rhe-e? Ovwan ọye iseri mẹ! Ọghẹnẹ ọfa je herọ nọ vwẹ? O vwo Oragha ọfa-a, Me je riẹn ọfa-a.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Aizaya 55:5

Nighere, wo che se ẹgborho ru wọ je riẹ-ẹn, ẹgborho ru wọ riẹnre-e ke djẹ bru uwe rhe, fiki re Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl, kidie ọ vwẹ urinrin kẹ we nure.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 61:11

Kirobo rẹ otọ yoro che phia na, kirobo re obo re voro phihọ udju va nẹ otọ cha na, eriyin Ọrovwohwo che ru re ọvwata veẹ ejiro vwọ varhe keẹ ẹgborho na mrẹ.

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Habakọk 3:19

Ọghẹnẹ, Ọrovwohwo ọye ogangan mẹ, ọye re ma awọ mẹ kerẹ awọ rẹ uzọ, ọye re nẹrhẹ ovwẹ chiyi asan ro kpenu.

Zekaraya 10:12

Mi ru ayen goma vwẹ evun rẹ Ọrovwohwo ayen che vwo urinrin vwẹ ode rọye, Ọrovwohwo tare.

Zekaraya 10:6

Me cha kẹ uwevwi ri Juda ogangan, mi ji che sivwi uwevwi ri Josẹf. Me cha ghwẹ ayen hirhe rhe fikiridie mi ni aruẹdọn rayen, ayen ke cha dia kerẹsiẹ rẹ a mrẹ nẹ Me je sen ayen dẹvo-o; kidie mẹvwẹ hẹ Ọrovwohwo Ọghẹnẹ rayen mi che nyo kẹ ayen.

Zekaraya 12:5

Etiyin orua ri Juda ke cha ta kẹ oma rayen, Ihwo ri Jerusalẹm wan oma rẹ Ọrovwohwo rẹ otuofovwi rẹ Ọghẹnẹ rayen na, vwo ogangan.

Zekaraya 8:23

E nẹ Ọrovwohwo rẹ otuofovwi tare: Vwẹ ẹdẹ yena eshare ihwe che nẹ ẹgborho rẹ ephẹrẹ Kephere rhe cha yọnre ewun rẹ ohwo ri Ju, ta ne, Jẹn avwanre nene uwe, kidie Me nyori nẹ Ọghẹnẹ vẹ ovwan herọ.

Iyẹnrẹ Esiri ri Luk 13:17

Rọ vwọ ta ọnana re oma da vo ukọn rọye, ihwo na ejobi da ghọghọ fiki rẹ emu rẹ urinrin ro ruru na.

Iyẹnrẹ Esiri ri Luk 19:27

Ẹkẹvuọvo vwọ kẹ ivwighrẹ mẹ nana, re guọnọre nẹ me ria vwẹ enu rẹ aye-en na, vwẹ ayen rhe etinẹ ra teyọ ayen hwe vwẹ irharo mẹ.

Iyẹnrẹ Esiri ri Jọn 12:32

mẹvwẹ dẹn, ọke ra da kpare ovwẹ kpenu nẹ akpọ na, ki mi si ihwo buebu nene oma mẹ.

Iyẹnrẹ Esiri ri Jọn 7:37

Vwẹ ẹdẹ rọ ka oba vwẹ orẹ na, ẹdẹ rode na, Jesu de mudia o de ghwoghwo, Ohwo rẹ urhuru rẹ ame hwe, e jo bru uvwe rhe rhe da.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Ẹfesọs 3:16

Kirobo rẹ efe rẹ urinrin rọye epha kọ sa vwẹ ẹgba rọye kẹ ovwan ogangan vwẹ oma rẹ Erhi rọye rọ hẹ udu rẹ ovwan,

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

Filipae 4:13

Mi se ru emu ejobi vwi Kristi rọ kẹ vwẹ ogangan.

Kolose 1:11

Ọtiobo rẹ ogangan rọye rho te na, kọ je kẹ ovwan ogangan vwi kemu kemu ejobi; re we vwo erhiori kugbe rere wa ghọghọ vwẹ evun rẹ oja.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

Ẹvwọphia 11:18

Ẹgborho na re do, ẹkẹvuọvo ophu wẹn da tua, ọke re vwo guẹdjọ rẹ irivwi te re, ra vwọ hwa osa kẹ idibo wẹn, emraro na kugbe ihwo efuanfon na, kugbe ayen otu re djẹ oshọ rẹ odẹ wẹn, te itete te iride, ra vwọ ghwọrọ oghwọrọ rẹ akpọ na.

Ẹvwọphia 22:17

Erhi na kugbe Ọpha na ta, Yanrhe. E jẹn ohwo ro nyori ta, Yanrhe. E jẹn ohwo rẹ urhuru rẹ ame hwe yanrhe, e jẹn ohwo rọ guọnọre da ame rẹ arhọ na ọphẹ.