Aizaya 45:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 45:22 ပူးပေါင်းရင်းမြစ်များ

2 Ikun rẹ Ivie 20:12

E Ọghẹnẹ re avwanre, wo rhe brorhiẹ hwe aye-en? Kidie avwanre vwo ogangan ro te urogho rode nana re kpare ohọnre bru avwanre cha na-a. Avwanre riẹn obo rẹ avwanre ru-u, ẹkẹvuọvo ẹro rẹ avwanre ri ni we.

Une rẹ Ejiro 22:17

Mi se kere ibeku mẹ ejobi– ayen tẹro vi vwe ayen ni vwe hrehrehre;

Une rẹ Ejiro 22:28

Kidie uvie na ọ rẹ Ọrovwohwo, ọye osun rẹ ẹgborho na ejobi.

Une rẹ Ejiro 65:5

Vwẹ uruemu ro muoshọ ọye wọ vwọ vwẹ esivwo wẹn kpahe kẹ avwanre, E Ọghẹnẹ rẹ esivwo rẹ avwanre, wẹ iphiẹrohọ rẹ oba rẹ akpọ na ejobi, kugbe ayen re hẹ obo ẹtan rẹ abadi.

Une rẹ Ejiro 65:6

wẹ re vwẹ ogangan wẹn mu igbenu mudia kokoroko, wọ da vwẹ ẹgba rhuo oma riariẹ,

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 41:22

Jẹn ayen vwẹ ayen rhe, re ayen kẹ avwanre obo re cha phia. Dje emu rẹ awanre na kẹ avwanre, die ayen epha, rere avwanre roro ayen, rere avwanre roro obo ri che ru phia, eyẹ ta kẹ avwanre obo re cha phia.

Aizaya 43:6

Ke Me ta kẹ obohwẹre ọnre, siobọ wẹn nẹ ayen, kẹ obọrhe ọnre, Wọ gbe yọnrọ-ọn, reyọ emọ Mẹ nẹ ogboko rhe emetẹ Mẹ nẹ ẹtan rẹ akpọ na rhe,

Aizaya 45:21

Dje ru wo gu ẹdjọ wẹn rhe jẹn ayen jẹ iroro kugbe Ono ri gbe ikun nana rhabae? Ono ri djere vwẹ ọke rẹ awanre? O dia Mẹvwẹ, rẹ Ọrovwohwo na? Yẹ Ọghẹnẹ ọfa gbe herọ ba vwẹ-ẹ, Ọghẹnẹ rẹ ọvwata kugbe Osivwi, ọfa gbe herọ vrẹn vwẹ-ẹ

Aizaya 45:5

Mẹvwẹ Ọrovwohwo na, ọfa gbe herọ-ọ, Ọghẹnẹ ọfa rọ ba vwẹ gbe herọ-ọ; Me vwẹ amwa rhuo we, dede na wọ riẹn vwẹ-ẹ,

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 55:5

Nighere, wo che se ẹgborho ru wọ je riẹ-ẹn, ẹgborho ru wọ riẹnre-e ke djẹ bru uwe rhe, fiki re Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl, kidie ọ vwẹ urinrin kẹ we nure.

Aizaya 55:6

Guọnọ Ọrovwohwo bẹsiẹ ra vwọ mrẹ, se vwẹ ọke ro vwo si kẹre na;

Aizaya 60:3

Irere buebu ki che bru urhukpẹ wẹn na rhe, ivie ki bru elo wẹn ro vacha na rhe.

Aizaya 66:18

Kidie Me riẹn iruo rayen kugbe iroro rayen, ye Me cha cha ghwẹ ẹgborho kugbe ẹrenvwe na kugbe, ayen ke cha rhe re mrẹ urinrin mẹ,

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Hosia 13:4

Mẹvwẹ Ọrovwohwo rẹ Ọghẹnẹ wẹn nẹ otọ rẹ Ijipt rhe; wọ riẹn Ọghẹnẹ ọfa vrẹn vwẹ-ẹ ọ dia omẹvwẹ-ẹ osivwi ọfa gbe herọ-ọ.

Maika 5:4

Ko vrẹn mudia ghẹrẹ igegede rọye vwẹ ogangan rẹ Ọrovwohwo na, vwẹ ọrhọ rẹ odẹ rẹ Ọrovwohwo Ọghẹnẹ rọye. kọ cha dia vwẹ egbemọphẹ, vwẹ ọke yena kọ cha rho re duvwu ẹtan rẹ akpọ na.

Maika 7:7

Ẹkẹvuọvo vwọ kẹ vwẹ Ọrovwohwo mi che ni, me hẹrhẹ Ọghẹnẹ rẹ esivwo mẹ; Ọghẹnẹ mẹ che nyo vwẹ.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Iyẹnrẹ Esiri ri Jọn 6:40

Kidie ọnana hẹ ọhọre rẹ Ọsẹ mẹ na, nẹ ohwo kohwo rọ mrẹ Ọmọ na nu ro de segbuyota ko vwo arhọ ri bẹdẹ; ke me kparọ vrẹn vwẹ ẹdẹ rẹ oba na.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.