Aizaya 45:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 45:17 ပူးပေါင်းရင်းမြစ်များ

Une rẹ Ejiro 103:17

Ẹkẹvuọvo ẹguọnọ ro je rhẹriẹ rẹ Ọrovwohwo na herọ rhiri bẹdẹ bẹdẹ vwe enu re otu re dje oshọ rọye, ọvwata rọye ne emọ ra ro emọ,

Une rẹ Ejiro 25:3

E, wo jẹn ohwo rọ hẹrhẹ owe mrẹ omavovwẹ-ẹ, jẹn oma vo ayen otu re họrhọ ro umwemwu eruo ghevweghe.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 26:4

Vwẹ ẹro so Ọrovwohwo bẹdẹ, kidie Ọrovwohwo Ọghẹnẹ, ọye oragha ri bẹdẹ na.

Aizaya 29:22

Vwẹ ọtiọye na enẹ Ọrovwohwo tare, ọ rọ tan Ebraham rhivwi, kpahe uwevwi ri Jekọp: Oma gbe vọ Jekọp bẹdẹ-ẹ, opharo rọye gbe fon mune mune ọfa-a

Aizaya 33:6

kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Aizaya 50:7

Kidie Ọrovwohwo Ọghẹnẹ cha vwẹ uko, fiki rẹ ọtiọye na oma gbe vo vwẹ-ẹ, fiki rẹ ọtiọye na ke Me tọn opharo Mẹ vi kerẹ umomo, Me riẹnre nẹ a gbe cha sa phọphọ ovwẹ-ẹ,

Aizaya 51:6

Kpare ẹro kpo obo odjuvwu, re wo ni akpọ rọ he obo otọ, kidie idjuvwu na cha ravwiẹn kerẹ ivwirhi akpọ na cha phoriẹn kerẹ ewun, ihwo re dia evun rọye na ki che ghwu kerẹ oro; ẹkẹvuọvo esivwo Mẹ kọ dia bẹdẹ, esivwo Mẹ gbi se vwo oba bẹdẹ-ẹ.

Aizaya 51:8

Kidie eghwọghwọ cha re ayen kerẹ ewun, ihori ke cha re ayen kerẹ ẹton rẹ ogegede; ẹkẹvuọvo esivwo Mẹ kọ dia bẹdẹ, arhọ Mẹ kọ dia kẹ uvwiẹ na ejobi.

Aizaya 54:4

Wọ djẹ oshọ-ọ, kidie oma cha vo we-e; wo jẹ iroro wẹn tighẹ-ẹ, kidie wọ sa mrẹ omaẹvuọ-ọ, kidie omaẹvuọ rẹ ọke-emọ wẹn cha chọrọ owẹ ẹro ehwẹjẹ rẹ ayeuku wẹn wọ gbe sa karo phihọ-ọ.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Aizaya 60:19

Ọnre gbe cha dia urhukpẹ wẹn vwẹ ogheruvo-o, eyẹ elo rẹ emeranvwe gbe sa kẹ wẹ orẹmrẹ vwe aso-on, ẹkẹvuọvo Ọrovwohwo kọ dia urhukpẹ wẹn bẹdẹ, Ọghẹnẹ wẹn kọ dia urinrin wẹn.

Jerimaya 31:3

Ọrovwohwo da vwẹ oma nẹ vwẹ ogboko. Ẹguọnọ ro jẹrhẹriẹ ri bẹdẹ bẹdẹ me vwọ guọnọ owẹ, ọtioye na uyota mẹ je herọ kẹ wẹ.

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Jona 2:9

Ẹkẹvuọvo me vẹ urhuru rẹ ẹkpẹvwẹ gbe che ze izobo kẹ wẹ. Obo ri mi veri dẹn me hwa osa rọye. Esivwo Ọrovwohwo o rheri!

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.

Iyẹnrẹ Esiri ri Jọn 10:28

me da kẹ ayen arhọ ri bẹdẹ, ayen gbe ghwọrọ-ọ, ohwo ọvuọvo se fru ayen nẹ obọ mẹ-ẹ.

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

Iyẹnrẹ Esiri ri Jọn 6:40

Kidie ọnana hẹ ọhọre rẹ Ọsẹ mẹ na, nẹ ohwo kohwo rọ mrẹ Ọmọ na nu ro de segbuyota ko vwo arhọ ri bẹdẹ; ke me kparọ vrẹn vwẹ ẹdẹ rẹ oba na.

Ọbe ri Pọl si rhe Ihwo ri Rom 10:11

Ọbe ọfuanfọn na tare, Kohwo kohwo ro sere gbuyota oma gbe sa vuọ-ọ.

Ọbe ri Pọl si rhe Ihwo ri Rom 11:26

ọtiọye na ihwo rẹ Izrẹl ejobi ke sivwi ayen; kirobo re siro nẹ, Osivwi na ko nẹ Zayọn rhe, kọ djẹ ijẹfuọn nẹ Jekọp;

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

Ọbe ri Pọl si rhe Ihwo ri Rom 9:33

kirobo re siro, Nighere, me ra reyọ uchivwo vwo mu vwi Zayọn rọ cha nẹrhẹ ihwo yẹnghrẹ uchivwo rọ nẹrhẹ ayen she ọ ro sere gbuyota oma gbe sa vuọ-ọ.

2 Tẹsalonaika 2:16

Asakiephana gbe jẹ ekpuyovwi rẹ Ọrovwavwanre Jesu Kristi, kugbe Ọghẹnẹ Ọsẹ rẹ avwanre, rọ guọnọ avwanre rọ da kẹ avwanre ufuoma ri bẹdẹ kugbe omamọ rẹ iphiẹrohọ rẹ ẹserọphẹ,

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

1 Pita 2:6

Kidie e siro phihọ ọbe ọfuanfon na: Nighe, me ra vwẹ oragha ọvo vi vwi Zayọn, oragha rẹ ubienyẹ ra jẹreyọ rọ ghare, ohwo ro sere gbuyota oma gbe vuọ-ọ.

1 Jọn 4:15

Kohwo kohwo rọ rhọvwere nẹ Jesu hẹ Ọmọ rẹ Ọghẹnẹ, Ọghẹnẹ ke dia evun rọye, kọ je dia evun rẹ Ọghẹnẹ.