Aizaya 45:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Aizaya 45:14 ပူးပေါင်းရင်းမြစ်များ

Jẹnẹsis 27:29

Jẹn ihwo ga wẹ, irere ki shiguẹ kẹ wẹ. Ku wọ dia olori vwẹ enu rẹ iniọvo wẹn Jẹn emọ rẹ oni wẹn vwẹ uyovwi te otọ kẹ wẹ. Eka kẹ ohwo rọ harha owẹ Ẹrhovwo kẹ ohwo rọ nẹ ẹrhovwo kẹ wẹ.

2 Samuẹl 21:20

E de rhe phi ofovwi ọfa vwi Gat, ohwo ọvo rọ rhoro, o de vwo irhiabọ esan vẹ irhiawọ esan, ayen ejobi da dia uje gbe ẹne. jẹ ohwo ro ji nẹ uvwiẹ rẹ erhuanran rhe.

Ẹsta 8:17

Kubrakpọ ọvuọvọ vẹ orere ọvuọvo, asan rẹ ota vẹ urhi rẹ ovie na teri, omavwerhovwẹ vẹ aghọghọ kọye herọ vwọ kẹ ihwo ri Ju, ore vẹ omerovwo. Ihwo rẹ orho na buebu da vwẹ oma ru ihwo ri Ju, kidie oshọ rẹ ihwo ri Ju mu ayen.

ỌBE RẸ JOB 1:15

ihwo rẹ Seba da ghwe rhurhu ayen, ayen de mu ayen kpo, ayen da vwẹ ọlọkọ nyavwẹ idibo na hwe, mẹvwẹ ọvo kọye djẹ vabọ rhe vuẹ wẹ na.

ỌBE RẸ JOB 11:19

Ku wo shevwerhe te otọ, ohwo ọvuọvo gbe djẹ oshọ mu we-e, ihwo buebu ke cha guọnọ ẹroesiri wẹn.

Une rẹ Ejiro 149:6

Jẹn ejiro ro kpenu kẹ Ọghẹnẹ dia upho rayen jẹ ọlọkọ rẹ ako ivẹ dia abọ rayen.

Une rẹ Ejiro 149:8

rọ vwẹ ejọnrọn gba ivie rayen ehọnvwọre rayen kẹ igoni rẹ utehru,

Ẹyano 11:8

Idibo wẹn nana ejobi na ki che bru vwe rhe, kẹ ayen che shiguẹ kẹ vwẹ, tanẹ, Wa yanran kpo, wọ vẹ ihwo ri nene uwe ejobi. Ọyena de nẹ otọ nu ke me yanran kpo. O de nẹ obaro ri Fero vẹ ophu.

Aizaya 10:33

Nigherẹ, Ọrovwohwo, Ọrovwohwo rẹ ofovwi na cha fian eghọn na vẹ ogangan ro mu oshọ; ọ ro gro kpenu ke che shẹ teye otọ, ọ ro mu oma kpenu ka ghwọrọ te otọ

Aizaya 18:1

E, otọ rẹ ibekpe ri kiẹriariẹ vwẹ abọ oboyi rẹ irhie rẹ Itiopia,

Aizaya 18:7

Vwẹ ọke yena ke che ru ẹse kẹ Ọrovwohwo rẹ otuofovwi na nẹ obọ rẹ ihwo ri grori re pha bọbọ bọbọ, nẹ obọ re ihwo ra djẹ oshọ rayen re kerẹ kugbe ri sheri, ẹgborho ro vwo ẹgba ro vwo phiẹ kparobọ re irhie ghare otọ rọye, vwo kpo Ugbenu ri Zayọn, ẹdia rẹ odẹ rẹ Ọrovwohwo rẹ otuofovwi na.

Aizaya 19:21

Ọrovwohwo kọ vwẹ oma rọye kẹ ihwo re Ijipt riẹn, ihwo rẹ Ijipt ke riẹn Ọrovwohwo vwẹ ẹdẹ yena kẹ ayen ga vẹ izobo kugbe izobo ẹtorhẹ, ayen ki ve ive kẹ Ọrovwohwo kẹ ayen hwaosa rẹ ive na.

Aizaya 19:22

Ọrovwohwo kọ ghwiẹ Ijipt ọ ghwiẹ jẹn o sivwẹ, ayen ki rhivwi bru Ọrovwohwo rhe, ko nyo orẹ rayen o mi sivwi ayen.

Aizaya 23:18

Oghwa rẹ ẹki rọye kugbe osa ra hwa kẹ ejobi ke ru ayen fon kẹ Ọrovwohwo; a gbe de ghwẹ ayen koko eyẹ mu ayen nyẹ-ẹ, ẹkẹvuọvo oghwa rẹ eki rọye kọ vwẹ emuọre kugbẹ emwa iyoyovwi vwọ kẹ ihwo re dia obaro rẹ Ọrovwohwo

Aizaya 43:3

Kidie Mẹvwẹ Ọrovwohwo Ọghẹnẹ wẹn, Ọfuanfon Ọvuọvo rẹ Izrẹl na, Osivwi wẹn Mi phi Ijipiti phihọ ijọpha kẹ wẹ. A vwe Etiọpia kugbe Seba vwo wene kẹ wẹ

Aizaya 44:8

Wọ djẹ oshọ-ọ, eyẹ wo bru udu-u, Me rha vuẹ wẹ jovwo nẹ awanre rhe-e? Ovwan ọye iseri mẹ! Ọghẹnẹ ọfa je herọ nọ vwẹ? O vwo Oragha ọfa-a, Me je riẹn ọfa-a.

Aizaya 45:24

Vwẹ oma rẹ Ọrovwohwo ọvo, ọye a da cha ta kpahe ovwẹ nẹ, ọye ọvwata vẹ ogangan epha, kọye ayen che bru rhe oma kọ vo ayen, ayen ejobi ri mu ophu kpahọ.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Aizaya 54:3

Kidie wo cha hẹre kpo obọrhe vẹ ọbọhwere, uvwiẹ wẹn ki che vwo ẹgborho na ihwo ke vọn irere ra kua fiotọ.

Aizaya 55:5

Nighere, wo che se ẹgborho ru wọ je riẹ-ẹn, ẹgborho ru wọ riẹnre-e ke djẹ bru uwe rhe, fiki re Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl, kidie ọ vwẹ urinrin kẹ we nure.

Aizaya 60:3

Irere buebu ki che bru urhukpẹ wẹn na rhe, ivie ki bru elo wẹn ro vacha na rhe.

Aizaya 61:9

Uvwiẹ rayen ka riẹn vwe ohri re ẹgborho na, emọ rayen vwẹ usun re ihwo na, ihwo re mre ayen ki vughe ayen, nẹ ena ihwo rẹ Ọrovwohwo bruphihọ kẹ.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Izikiẹl 23:42

Ihwo ri di muẹ do vẹ owẹ gba hẹ etiyin; ihwo fanfanrhiẹn ri muẹ idi da yan, a da ghwẹ ayen nẹ evun rẹ aton rhe; ayen de ku ikoro phihọ abọ rẹ eya na, a da vwẹ erhu rẹ ejọjọ vwo tughẹ ayen uyovwi.

Izikiẹl 31:3

Nighe, me vwẹ owẹ dje igẹdu vwi Lebanọn, vẹ omamọ rẹ eghọn kugbe ophie rẹ egbo, o de gro kpenu gogorogo, ẹroro rọye de kpo obenu nẹghẹ nẹghẹ.

Joẹl 3:8

Ke Me shẹ emeshare wẹn vẹ emetẹ wẹn ke emọ ri Juda, ayen ke rhoma she ayen kẹ ihwo ri Sabia, ẹgborho ro sheri gangan; kidie Ọrovwohwo tarọ nure.

Ukeri 13:32

Etiyin ayen da vwẹ iyẹnrẹn omiomiovwi rẹ otọ rẹ ayen dọrhẹ rọye na vwọ rhe ihwo rẹ Izrẹl tanẹ, otọ na, rẹ avwanre rẹ dọrhẹ rọye na, ọye otọ ro hwe ihwo, ihwo rẹ avwanre mrẹre vwẹ otọ na, ihwo rhuarho gogorogo.

1 Kọrẹnt 14:25

odjahọ rọ hẹ udu rọye ejobi ko rhie phihọ; ọtiọye na, o de she diguẹ, kọ ga Ọghẹnẹ ko ghwoghwo nẹ uyota Ọghẹnẹ ghine hẹ ohri rẹ ovwan.

1 Tẹsalonaika 1:9

Kidie ekpuyovwi rẹ ayen nẹ iyẹnrẹ kẹ avwanre oghẹre rẹ edede rẹ avwanre vwori vwẹ ohri rẹ ovwan, kugbe obo rẹ ovwan siobọ nẹ ẹdjọ bru Ọghẹnẹ rhe, rhe ga Ọghẹnẹ rẹ uyota ro jeghwo,

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.