Aizaya 45:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Me kparọ vwẹ ọvwata mẹ, ki mi ru idjerhe rọye ejobi phiọnphiọn, kọ bọn orere mẹ ighuvwu Me ke siobọ nẹ ayen, ọ dia ọ rẹ osa eyẹ ẹse-e, eriyin Ọrovwohwo rẹ otuofovwi na tare.

Aizaya 45:13 ပူးပေါင်းရင်းမြစ်များ

Ezra 1:3

Kono vwẹ usun rẹ ovwan na vwẹ evun rẹ ihwo rọye na, e jẹn Ọghẹnẹ rọye nene dia, gbe jo kpo obi Jerusalẹm ri Juda, rere ọ rhoma bọn uwevwi rẹ Ọrovwohwo Ọghẹnẹ rẹ Izrẹl rọye. Ọghẹnẹ ro hẹ evun ri Jerusalẹm

Une rẹ Ejiro 65:5

Vwẹ uruemu ro muoshọ ọye wọ vwọ vwẹ esivwo wẹn kpahe kẹ avwanre, E Ọghẹnẹ rẹ esivwo rẹ avwanre, wẹ iphiẹrohọ rẹ oba rẹ akpọ na ejobi, kugbe ayen re hẹ obo ẹtan rẹ abadi.

Isẹ 3:6

Vwẹ idjerhe wẹn ejobi rhọvwọ; kọ cha kpọ idjerhe wẹn ejobi vi.

Aizaya 13:17

Nighere, me cha nẹrhẹ ihwo ri Mid vwọ so ayen, ihwo ri se idọnọ gbe emuọvo-o oma rẹ oro je vwerha aye-en.

Aizaya 14:17

ro hirhe akpọ na vwọ aton rọ guọghọ irere rọye, rọ rhọvwe siobọ nẹ i re muru kpo-o?

Aizaya 41:2

Ọ rọ kparẹ ọvo vrẹn nẹ obaro ọnre rhe ro phiẹ kparobọ vwẹ ichiyi kichiyi? O siobọ nẹ ẹgborho na kẹ, rere ọ vwọ mrasan chiyi ivie na muotọ, ọ me vwẹ ọlọkọ rọye ru ayen kerẹ iwurhie, ọ me vwẹ umurhabọ rọye sa ayen kerẹ iphopho

Aizaya 41:25

Me kpare ophu rẹ ohwo ọvo nẹ obọhwẹrẹ ọnre rhe, Ọ ghine rhe nure, nẹ evacha rẹ ọnre rhe, ko se odẹ mẹ; ko che chiyi isun na muotọ kerẹ odo, kirobo rọ ọmẹma na chiyi ekpẹn.

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Aizaya 45:2

Me ka obaro kẹ wẹ re Me riẹriẹ igbenu na, Mi vwirhi ẹchẹ rẹ ẹrovwo na ibribro, ki Mi vwirhi egbẹ re itehru na,

Aizaya 46:11

se ọmọphran rọ djoma nẹ obaro ọnre rhe, ọvwiroro mẹ nẹ orere rọ he ogboko rhe. Me ta nure, Mi ji se ruo gba, Me je iroro nure, ki Mi ruo.

Aizaya 49:25

Uyota, enẹ Ọrovwohwo tare vwevwe rẹ ighuvwu rẹ ọgba na a je cha reyọ ayen, emuọre rẹ odiphri na e ji che sivwo mie, kidie ihwo ri nene uwe ghwo ki mi nene ayen ghwọ, ki mi sivwi emọ wẹn.

Aizaya 52:5

Asakiephana kidie Mi vwo vwẹ etinẹ, eriyin Ọrovwohwo tare, re di vwo mu ihwo Mẹ yanran ghevweghe? Isun rayen re beroma, eriyin Ọrovwohwo tare, kọke kọke ayen vwọ je odẹ Mẹ fia.

Maika 4:10

Gbune ye wọ guan, E ọmọtẹ ri Zayọn kerẹ aye rọ chuẹ uvwiẹ, kidie Asakiephana ku wo che vrẹn nẹ orere na evun rẹ ogo kọye wọ cha ra dia ku wo che kpo Babilọn. Kẹ oboyi e de che sivwi uwe reyọ, etiyin Ọrovwohwo da cha tan wẹ reyọ nẹ obọ rẹ ivwighrẹ wẹn.