Aizaya 45:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Enẹ Ọrovwohwo tare kẹ ọmọ rọye rọ vwẹ evwri ghworo na Sairọs, re me yọnrọn obọrhe rọye na, re mi phi irere na kua kẹ na re Me ban ivie phihọ keẹ, re mi rhie ẹchẹ phihọ hẹrhẹ rere e je ẹchẹ yena ehuho,

Aizaya 45:1 ပူးပေါင်းရင်းမြစ်များ

1 Ivie 19:15

Ọrovwohwo da ta kẹ, Yanran, rhivwi ra wan idjerhe rẹ aghwa ri Damaskọs; wo de te etiyin, ko wọ vwẹ evwri ghworo Hazael rọ dia ovie ri Siria;

Ezra 1:1

Vwẹ evun rẹ ukpe rẹ esosuọ ri Sairọs ovie ri Pẹsha, rere ota rẹ Ọrovwohwo wan unu ri Jerimaya ta vwọ mrẹ asan sẹ, Ọrovwohwo da kpare ẹnwẹ ri Sairọs ovie ri Pẹsha kpenu, ke etiyin O da nẹrhẹ nẹ oghwoghwo wan irere re yariẹ uvie rọye phihọ, O ji ghwe si ayen phihọ evun rẹ ọbe.

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

ỌBE RẸ JOB 12:21

O ku omẹvuọ kuẹ emọ re ivie, ọ me rhan umuehu rẹ ọgba na.

Une rẹ Ejiro 73:23

Ẹkẹvuọvo me vẹ owẹ herọ kọke kọke, wọwẹ re yọnrọn obọrhe mẹ.

Aizaya 13:2

Vwẹ enu rẹ ugbenu phrẹphrẹphrẹ na dje ọka, kperi phia wọ ta kẹ ayen, kpogho obọ kẹ ayen re ro anurhoro rẹ ikpihwo na.

Aizaya 13:3

Ekpuyovwi mẹ ji urhi kẹ ihwo efuanfon mẹ nure, mi se egba mẹ nẹ e ra reihri rẹ ophu mẹ, ihwo mẹ ri herẹ mu oma kpenu na.

Aizaya 41:13

Kidie Mẹvwẹ, rẹ Ọrovwohwo Ọghẹnẹ wẹn, yọnrọn obọrhe wẹn, Mẹvwẹ re ta kẹ wẹ, Wọ djẹ oshọ-ọ Me sa cha wẹ ukọ.

Aizaya 41:2

Ọ rọ kparẹ ọvo vrẹn nẹ obaro ọnre rhe ro phiẹ kparobọ vwẹ ichiyi kichiyi? O siobọ nẹ ẹgborho na kẹ, rere ọ vwọ mrasan chiyi ivie na muotọ, ọ me vwẹ ọlọkọ rọye ru ayen kerẹ iwurhie, ọ me vwẹ umurhabọ rọye sa ayen kerẹ iphopho

Aizaya 41:25

Me kpare ophu rẹ ohwo ọvo nẹ obọhwẹrẹ ọnre rhe, Ọ ghine rhe nure, nẹ evacha rẹ ọnre rhe, ko se odẹ mẹ; ko che chiyi isun na muotọ kerẹ odo, kirobo rọ ọmẹma na chiyi ekpẹn.

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Aizaya 45:5

Mẹvwẹ Ọrovwohwo na, ọfa gbe herọ-ọ, Ọghẹnẹ ọfa rọ ba vwẹ gbe herọ-ọ; Me vwẹ amwa rhuo we, dede na wọ riẹn vwẹ-ẹ,

Aizaya 48:15

Mẹvwẹ, Mẹvwẹ vẹ ekpuyovwi Mẹ ta nure mi ji se nure, Mẹvwẹ re reyerọ rhe, ko yovwi kẹ vwẹ idjerhe rọye,

Jerimaya 27:6

Asakiephana mi phi etọ nana ejobi phihọ obọ ri Nebukadreza, ovie ri Babilọn, re odibo mẹ na, me je vwẹ eranvwe re aghwa na kẹ re ega.

Jerimaya 43:10

ọ da ta kẹ ayen nẹ, Enẹ Ọrovwohwo rẹ otuofovwi, Ọghẹnẹ rẹ Izrẹl tare, Nighe, mi che ji ikọn ra reyọ Nebukadreza ovie ri Babilọn, odibo mẹ, rhe, o che phi ekete rẹ uvie rọye phihọ enu rẹ elalọ nana ri mi sinu na, kọ bẹrẹ eharha rẹ uvie rọye sa enu rọye.

Jerimaya 50:3

Kidie orere ọvo nẹ obọrhe ọnre rhe rhe vwọ suọ, ọ ro che ru otọ rọye ofefe, ohwo ọvuọvo rha dia-a, te ihwo te eranvwe cha djẹ no.

Jerimaya 50:35

Ọlọkọ vwẹ enu rẹ ihwo ri Kaldia, eriyin Ọrovwohwo tare, ji kugbe enu rẹ ihwo ri Babilọn, vwẹ enu rẹ isun vẹ evwaghwanre rọye!

Jerimaya 51:11

Nọ edada na! Reyọ ekpọfia na! Ọrovwohwo kpare udu rẹ ivie rẹ Mid nure, fikiridie iroro rọye kpahe Babilọn iroro rẹ oghwọrọ, kidie ọye ihriẹriọ rẹ Ọrovwọhwo na, ihri fiki rẹ uwevwi rọye.

Jerimaya 51:30

Egba rẹ ofovwi ri Babilọn fue ohọnre re, ayen da oma ji vwẹ ogba ọgangan rayen, ogangan rayen reri, ayen rhi hirhe phihọ eya, ẹdia rọye herọ tọrhẹ, a guọghọ itehru rọye nure.

Jerimaya 51:58

Enẹ Ọrovwohwo rẹ otuofovwi tare. Igbẹhẹ rode ri Babilọn na e che kporo te otọ riẹriẹriẹ inurhoro rọye ri kpenu na cha tua vwẹ erhanre. Ihwo na wian kufia, omẹrhọ rẹ ẹghorho na kọ rẹ erhanre.

Izikiẹl 29:20

Me vwẹ otọ rẹ Ijipt vwọ kpẹvwẹ ẹse kẹ wẹ kidie wọ wian phihọ, fikiridie ayen wian kẹ vwẹ, eriyin Ọrovwohwo Ọghẹnẹ tare.

Daniẹl 5:6

Etiyin oma rẹ ovie na da rhẹriẹ, iroro rọye da dje oshọ muo; abọ vẹ awọ rọye ke ghwrọghrọ, Igbo rọye ki gbe luelue.

Daniẹl 7:5

Gbe nighe, eranvwe ọfa, ọrivẹ rọ pha kerẹ okorhi. A da kpare ẹbẹre ọvo kpenu; ọ vwẹ ibiedada erha vwọ hwa akọ; a da ta kẹ, Vrẹn, re wọ re uvwo buebu.

Daniẹl 8:3

Me vwọ kpare opharo me da mrẹ, nighe, egbo ọvo ro mudia phihọ egbẹn rẹ urhie na. O vwo ighoro ivẹ, ighoro ive na da tan kpenu, ẹkẹvuọvo ọvo de kpenu nọ ọrivẹ, ọ ro me kpenu na kọye tanrhe ka uko.

Daniẹl 8:4

Me da mrẹ egbo na rọ djẹ kpo obọhwẹre vẹ obenu vẹ obotọ rẹ akpọ na, o vwo eranvwe ọvuọvo ro se sivwi ohwo nẹ ogangan rọye-e, obo ri jere ọye o ruẹ, o de mu oma rọye kpenu.

Nahum 2:6

Echẹ rẹ urhie na e rhiẹ ayen phihọ, ighẹn rẹ ovie na shẹ ọyangha;

Nahum 3:13

Gbe nighe otuofovwi wẹn ke họhọ eya vwẹ uherevie wẹn. Echẹ rẹ otọ wẹn na rhie phihọ ghwroro kẹ ivwighrẹ wẹn; erhanre tọrhẹ ibregba wẹn re.