Aizaya 44:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ihwo re kare oma ejobi emu diodi, kugbe obo ri je ayen ejobi na fi erere ọvuọvo-o; iseri rayen mrorẹ-ẹ eye e je riẹ-ẹn, Me cha vwe omaẹvuọ kẹ ayen.

Aizaya 44:9 ပူးပေါင်းရင်းမြစ်များ

Ivie rẹ Ivẹ 19:18

ayen da kpare edjọ rayen phihọ erhanre; kidie ayen diẹ edjọ-ọ, ẹkẹvuọvo iruo rẹ abọ rẹ ihwo rẹ akpọ, irhe vẹ elalo; fiki rẹ ọtiọye na a da ghwọrọ ayen.

Une rẹ Ejiro 115:4

Ema rayen idọnọ vẹ oro, iruo rẹ abọ rẹ ihwo.

Une rẹ Ejiro 115:8

Ihwo re kare ayen je họhọ ayen; ọtiọye ji ihwo re vwẹ ẹro so ayen.

Une rẹ Ejiro 135:18

Ayen họhọ ihwo re ma ayen! uyota, kohwo kohwo rọ vwẹ ẹro so ayen!

Une rẹ Ejiro 97:7

Ihwo re gọ ema ejobi oma cha vo ayen, re vwe erharhe re ema vwọ yan eyan; ẹdjọ na ejobi shiguẹ vwẹ obaro rọye

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 41:24

Nighere, wọ dia emuọvo-o, iruo wẹn je hẹ ofefe, Ẹgua kẹ ohwo rọ jẹn wẹ.

Aizaya 41:29

Nighere, ayen ejobi ophiẹvwe, iruo rayen odiodi, oma ra wranre na odju ofefe.

Aizaya 42:17

Ka djẹ ayen rhivwi oma kọ vo ayen, re vwẹ ẹro so oma ra mare, re ta ota kẹ oma ra wanre nẹ, Wẹ ẹdjọ rẹ avwanre.

Aizaya 42:18

Nyo, wẹ odierhọn, ni, wẹ orhuẹro, rere wọ mrorẹ,

Aizaya 43:8

Reyọ ihwo ri rhuẹro, dede na yi vwo ẹro, ri dierhọn, dede na yi Vwo erhọn.

Aizaya 43:9

Jẹn ẹgborho na ejobi si koko, re ihwo na rhe ghwẹ koko. Ono vwẹ usun rayen na ri se dje Ọnana, Ono ri se dje imu re awanre? Jẹn ayen vwẹ iseri rayen rhe ro muẹro, re ayen nyo re ayen ta, Uyota o ruẹ.

Aizaya 44:11

Nighere, a cha vwẹ omaẹvuọ kẹ ihwo rọye ejobi ghwẹ koko, jẹn ayen mudia phia, oshọ che mu ayen, oma cha vọ ayen ejobi kugbe.

Aizaya 44:18

Ayen riẹnre-c, eyẹ ayen vughe-e, kidie o rhurhu ẹro rayen, o gbi jẹn ayen mrorẹ-ẹ, o rhurhu udu rayen, o gbi jẹn ayen riẹn otọ rọye-e.

Aizaya 44:20

Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Aizaya 45:16

Oma vo ayen ejobi e phi ayen phihọ ozighi, ihwo re ma ẹdjọ ayen ejobi che zighi kugbe.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 57:12

Mi che gbe ikun rẹ ọvwata wẹn, kugbe uruemu wẹn, ẹkẹvuọvo e sa cha wẹ uko-o

Aizaya 65:13

Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Jerimaya 2:11

A mrẹ orere ro wene eghẹnẹ rọyẹ dẹvure, owenẹ ayen dia eghẹnẹ-ẹ dede na? Ẹkẹvuọvo ihwo mẹ vwẹ emu ro fi erere-e vwo wene urinrin rayen.

Jerimaya 2:26

Ọtiobo rẹ oma vo oji siẹ re de muo eriyin oma cha vo uwevwi rẹ Izrẹl; te ayen, te ivie rayen, isun rayẹn, irherẹn rayẹn, kugbe emraro rayen.

Daniẹl 11:38

Ọ cha vwẹ ọghọ kẹ edjọ rẹ ogba na chọ enana ra, edjọ rẹ esẹ rọye riẹnre-e kọye ọ cha vwẹ oro vẹ idọnọ efuanfọn bru ọghọ phihọ oma, vẹ ibieragha vẹ ẹse eghaghare.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Ọbe ri Pọl si rhe Ihwo ri Rom 1:22

Ayen roro nẹ ayen ghware, dayẹ ẹkpa ayen ruẹ,

1 Kọrẹnt 8:4

Kọye, vwọ kẹ ẹriọ rẹ emu ra vwọ gọ iye na, avwanre riẹnre nẹ ẹdjọ dia emuọvo vwẹ akpọ na-a, yẹ Ọghẹnẹ ọfa herọ-ọ jokpa rẹ ọvuọvo na.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

Ẹfesọs 4:18

Ayen vwo ẹruọ-ọ, ra phiẹ ghwru nẹ akpọ eyere rẹ Ọghẹnẹ fiki rẹ ugheghẹ rọ hẹ ayen oma, fiki rẹ udu ogangan rayen.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

Urhi Rivẹ 27:15

Ekan dia kẹ ohwo rọ kare oma eyẹ ohwo rọ ma oma ọye ẹgua kẹ Ọrovwohwo na, emu rẹ ọwena kare, re mu phihọ odjahọ, Ihwo na ejobi Me kpahe tanẹ, Isẹ.

Urhi Rivẹ 4:28

Kẹ oboyi ovwan da cha ga ẹdjọ rẹ irhe vẹ eragha, iruo rẹ ihwo vwẹ abọ ru, re mrẹ orẹ-ẹ, i ji nyo ẹme-e, i ji re emu-u ri ji nyo ọnrhe-e.

Iguẹdjọ 10:14

Ovwan yanran re kperi kẹ edjọ rẹ ovwan jẹ reyọ na; gbe jẹn ayen sivwi ovwan vwẹ ọke rẹ ukpokpogho rẹ ovwan na.