Aizaya 44:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Wọ djẹ oshọ-ọ, eyẹ wo bru udu-u, Me rha vuẹ wẹ jovwo nẹ awanre rhe-e? Ovwan ọye iseri mẹ! Ọghẹnẹ ọfa je herọ nọ vwẹ? O vwo Oragha ọfa-a, Me je riẹn ọfa-a.

Aizaya 44:8 ပူးပေါင်းရင်းမြစ်များ

Jẹnẹsis 46:3

Etiyin ọ da ta, Mẹvwẹ Ọghẹnẹ, Ọghẹnẹ rẹ ọsẹ wẹn, wọ djẹ oshọ ri wo vwo kpo Ijipt na-a, kidie Me dia oboyin ru we phihọ ẹgborho rode.

Jẹnẹsis 48:19

Ẹkẹvuọvo ọsẹ rọye da sen tanẹ, Me riẹnre mọmẹ, Me riẹnre, okpuyovwi rọye je cha dia ohwo rhe, ọ je cha rho; dede na oniọvo rọye rẹ otete na cha rhonọ, uvwiẹ rọye che hirhe ẹgborho rode.

2 Samuẹl 22:32

Kono Ọghẹnẹ, ẹkẹvuọvo ọ dia Ọrovwohwo? ono oragha, jokpa rẹ Ọghẹnẹ rẹ avwanre?

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Ezra 8:22

Fikiridie oma vo vwẹ re me vwọ ta kẹ ovie nẹ ọ vwẹ otuofovwi vẹ otu re gua iyesi ri nene avwanre je chọ avwanre nẹ obọ rẹ ivwighrẹn rẹ avwanre vwẹ idjerhe, kirobo rẹ avwanre ta kẹ ovie jovwo nẹ, Obọ rẹ Ọghẹnẹ rẹ avwanre yovwi kẹ ihwo ejobi re guọnerọ, ogangan rẹ ophu rọye herọ kpahe ihwo ejobi re senrọ.

Une rẹ Ejiro 18:31

Kidie ono Ọghẹnẹ, ọ dia Ọrovwohwo-o? ono oragha, jokpa rẹ Ọghẹnẹ rẹ avwanre?

Une rẹ Ejiro 18:32

Ọghẹnẹ rọ vwẹ ogangan rhuo vwe, ro ru idjerhe mẹ fuefu

Une rẹ Ejiro 86:10

Kidie wọ pha rhuarho wo ruẹ emu rẹ igbunu, wọwẹ ọvo ọye Ọghẹnẹ.

Aizaya 17:10

Kidie Ọghẹnẹ rẹ esivwo wẹn chọrọ owẹ ẹro, wo gbe karohọ Oragha rẹ odjahọ wẹ-ẹn; ọtiọye na owene wọ kọn ekankọn esiri, wo de mu ẹdjọ ọrhorha phihọ,

Aizaya 26:4

Vwẹ ẹro so Ọrovwohwo bẹdẹ, kidie Ọrovwohwo Ọghẹnẹ, ọye oragha ri bẹdẹ na.

Aizaya 30:29

Ku wọ cha so ine vwẹ ason ra da re orẹ ọfuanfon; kugbe aghọghọ re udu, kere ọke rẹ ohwo de gbe cha nene edo re owanre kpo enu rẹ ugbenu re Ọrovwohwo, vwo kpo obo Oragha rẹ Izrẹl.

Aizaya 41:23

Ta kẹ avwanre obo re cha phia vwẹ ẹdẹfa, re avwanre riẹn nẹ wẹ ghinẹ ẹdjọ; ru ọresiri eyẹ ru ọromioma, rere ofu dje avwanre re oshọ mu avwanre.

Aizaya 42:9

Nighere, imu rẹ awanre na e wanvrẹn nure, imu ekpokpọ keye me vwọ phia na, tavwe re ke re phia, ye me ta ayen kẹ ovwan nure.

Aizaya 43:10

Ovwan iseri mẹ, eriyin Ọrovwohwo tare, kugbe odibo mẹ re me jẹreyọ na, wo vwọ riẹn vwo se vwẹ gbuyota wọ vwọ mrẹ vughe nẹ Mẹvwẹ ọye Tavwe Me ke herọ ya je ma eghẹnẹ vuọvo-o, eye ọfa ra je cha ma vwe ọbuko mẹ herọ-ọ.

Aizaya 43:11

Mẹvwẹ, Mẹvwẹ Ọrovwohwo na, Osivwi ọfa gbe herọ nọ vwẹ-ẹ.

Aizaya 43:12

Mi dje phia mi sivwiri mi ghwoghwo vwe ọke re Ọghẹnẹ erhorha je dia ohri rẹ ovwa-an, ovwan kẹ iseri, eriyin Ọrovwohwo na tare,

Aizaya 43:9

Jẹn ẹgborho na ejobi si koko, re ihwo na rhe ghwẹ koko. Ono vwẹ usun rayen na ri se dje Ọnana, Ono ri se dje imu re awanre? Jẹn ayen vwẹ iseri rayen rhe ro muẹro, re ayen nyo re ayen ta, Uyota o ruẹ.

Aizaya 44:2

Enẹ Ọrovwohwo rọ ma wẹ na tare, rọ mama owẹ nẹ evun rhe na kọ cha wẹ uko. Wọ djẹ oshọ-ọ, E Jekọp odibọ mẹ Jeshurun re me jẹreyọ.

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 45:19

Me ta ota vwẹ odjahọ-ọ, vwẹ otọ rẹ ebri; Me ta kẹ uvwiẹ ri Jekọp re, Guọnọ ovwẹ vwẹ ozighi. Mẹvwẹ rẹ Ọrovwohwo ta uyota, Me ta obo re gbare.

Aizaya 46:9

Karophihọ imu rẹ awanre, kidie Mẹvwẹ Ọghẹnẹ, o gbi vwo ọfa-a, Mẹvwẹ Ọghẹnẹ, ọfa rọ họhọ ovwẹ gbe herọ-ọ,

Aizaya 48:3

Emu ri jovwo na Me tare rhabae rhe, i nẹ unu mẹ rhe Me da vwẹ ayen phia, kpregede na Mi de ru ayen i de ghine rhi ru.

Aizaya 48:5

Mi dje ayen kẹ wẹ nẹ awanre rhe, tavwe re ke phia yi Mi ghwoghwo ayen keẹ wẹ nure, eyẹ wo da rha tanẹ, Oma mẹ ri ru ayen, oma re bru ona phihọ kugbe oma ra wranre ri ji urhi na kẹ ayen.

Jerimaya 10:7

Ono jẹ oshọ wẹn ẹdjẹ, E Ovie rẹ ẹgborho na? Kidie ọna ẹkẹn ro te we, kidie vwẹ uherevie rẹ ẹgborho rẹ ọvweghwanre na ejobi kugbe evun rẹ uvie rayen na ejobi Ọ rọ hoho owẹ herọ-ọ.

Daniẹl 2:28

ẹkẹvuọvo Ọghẹnẹ ọvo rọ hẹ obo odjuvwu ro se dje otọ rẹ igbunu phia, obo re cha phia vwẹ ẹdẹfa ọye ọ vwọ phia kẹ ovie, Nebukadreza na. Evwerhẹ vẹ emramrẹ re kọn ro owẹ uyovwi vwẹ ọke ru wo vwo shevwerhẹ na kẹ ena.

Daniẹl 2:47

Ovie na da ta kẹ Damẹl, Uyota, Ọghẹnẹ wẹn ọye Ọghẹnẹ ro vwo eghẹnẹ kugbe Ọrovwohwo ro vwo lvie ejobi, ọye ọvo ji dje emuigbunu phia, kidie wo se dje emuigbunu nana phia.

Daniẹl 4:25

nẹ, a cha djẹ we nẹ ohri rẹ ihwo, wọ vẹ eranvwe rẹ aghwa kọye gba cha dia, ke che ru we vwọ re odi kerẹ erhuẹn, oma wẹ kọ kpọrhọ vẹ irho ro nẹ obo odjuvwu cha, ẹgbukpe ighwrẹ kọ wan wẹn vrẹn bẹsiẹ wọvwọ riẹn nẹ ọ rọ Me Kpenu ejobi ri suẹn uvie rẹ ihwo, nẹ ọ vwọ kẹ ohwo ro jere.

Daniẹl 6:22

Ọghẹnẹ mẹ ji amakashe rọye rhi rhurhu inu rẹ ikpohrokpọ na, ayen gbe sa wanvwoma-a, fikiridie me re abe vwẹ obaro rọye-e, ọtiọye rhe ji te obaro wẹ, E ovie, mi ru obo re chọre-e.

Joẹl 2:27

Ku wọ cha riẹn nẹ Me hẹ uherevie rẹ Izrẹl, nẹ Mẹvwẹ, Ọrovwohwo na, mẹvwẹ Ọghẹnẹ wẹn ọfa gbe herọ chọ vwẹ ra-a. A gbe cha vwẹ oma vo ihwo mẹ ọfa-a.

Iyẹnrẹ Esiri ri Jọn 1:1

Notọrhe ọye Ota na vwọ herọ, Ota na vẹ Ọghẹnẹ gba herọ, Ota na ye hẹ Ọghẹnẹ.

Iyẹnrẹ Esiri ri Jọn 10:30

Mẹvwẹ vẹ Ọsẹ mẹ ọvuọvo.

Iyẹnrẹ Esiri ri Jọn 6:10

Jesu da ta, Vwẹ ihwo na tidia tẹ otọ. Asakiephana odi phiẹphiẹphiẹ buebu vọn asan na; ọtiọye ihwo na de tidia te otọ, unu rayen uriori iyori.

Iruo rẹ Iyinkọn na 1:8

Ẹkẹvuọvo ovwan che vwo ẹgba siẹ rẹ Ẹrhi Ọfuanfon na de bru ovwan rhe nu; ovwan ke cha dia iseri mẹ vwi Jerusalẹm, vwi Judia, vẹ Sameria, rhiri re te oba rẹ akpọ na.

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Urhi Rivẹ 32:31

Kidie oragha rayen họhọ Oragha rẹ avwanre-e, owenẹ ivwighrẹ rẹ avwanre dia ibrorhiẹ dede.

Urhi Rivẹ 32:39

Gba mrẹ nẹ Mẹvwẹ, mẹvwẹ vẹ ekpuyovwi mẹ ọye, ọye ọghẹnẹ ọfa gbe herọ chọ vwẹ ra-a. Mi se hwe mi ji sivwi rhọ; Me sa woma mi mi ji se hworo kpo; ọ ro se sivwẹ nẹ obọ mẹ herọ-ọ.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Urhi Rivẹ 4:35

Wẹwẹ a vwẹ rọ nẹ rere wọ vwọ mrasa riẹn nẹ Ọrovwohwo na ghinẹ Ọghẹnẹ; ọfa herọ vwọ ba-a.

Urhi Rivẹ 4:39

Vwẹ ọtiọye na gba riẹn nonẹ na, wo mi phio phihọ udu wẹn, nẹ Ọrovwohwo na Ọghẹnẹ rọ evun rẹ odjuvwu vẹ enu rẹ akpọ rọ herọ vwẹ obotọ na; ọfa herọ-ọ.

Hibru 12:1

Fiki rẹ eriyin na, re avwanre vwọ mrẹ nẹ iseri buebu riariẹ avwanre phihọ na, e gbe jẹn avwanre won oghwa koghwa, kugbe umwemwu rọ gba avwanre na phihọ otọ, e gbe jẹn avwanre vwẹ erhiori djẹ onẹ rọ hẹ obaro na,

1 Jọn 1:2

arhọ ra vwọ phia na, avwanre mrẹrẹ, avwanre dia oseri kẹ, arhọ yena ri bẹdẹ na rọ hẹ obọ rẹ Ọsẹ na ra vwọ phia kẹ avwanre na kọye e ghwoghwo kẹ ovwan na–

1 Samuẹl 2:2

O vwo ohwo ọvuọvo rọ fonro kerẹ Ọrovwohwo-o, ọfa herọ ba wẹ-ẹ; o vwo oragha ọfa kerẹ Ọghẹnẹ rẹ avwanre na-a.