Aizaya 44:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọnana me tanẹ, Mẹvwẹ ọ rẹ Ọrovwohwo, ọfa me vwẹ odẹ ri Jekọp fa oma, ọfa mi si phihọ obọ rọye nẹ, Ọ rẹ Ọrovwohwo, o mi mu odẹ rivẹ kẹ oma rọye nẹ Izrẹl,

Aizaya 44:5 ပူးပေါင်းရင်းမြစ်များ

2 Ikun rẹ Ivie 36:23

E nẹ Saerọs ovie ri Pẹsha tare, Ọrovwohwo na, Ọghẹnẹ rẹ odjuvwu, vwe uvie rẹ akpọ na ejobi kẹ vwẹ, ọ da vuẹ nẹ me bọn uwevwi kẹ vwi Jerusalẹm, rọi Juda. Kohwo kohwo vwe ohri re ihwo rọye, Ọrovwohwo Ọghẹnẹ rọye nene dia. E jo kpo.

Nehemaya 9:38

Fiki rẹ ọnana ejobi na avwanre vwọ nabọ re ọphọ me de sio phihọ otọ, isun rẹ avwanre, ihwo ri Livae, kugbe irherẹn rẹ avwanre da vwẹ obọ nye.

Une rẹ Ejiro 116:16

E Ọrovwohwo, mẹvwẹ odibo wẹn, mẹvwẹ odibo wẹn, ọmọshare rẹ ọmọtẹ wẹn. Wọwẹ re rhan ifi nẹ uvwe.

Ẹyano 13:9

Kọ cha dia oka vwẹ obọ wẹn kugbe ẹkarophihọ vwẹ ẹto wẹn, rere urhi rẹ Ọrovwohwo vwọ dia unu wẹn, kidie obọ ọgangan Ọrovwohwo vwọ rọye owẹ nẹ Ijipt rhẹ.

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Jerimaya 32:10

Me da ghwẹ obọ phihọ ọbe na, me da ka oka phihọ, phi iseri phihọ, me da vwanvwọn igho na vwẹ ovwanvwọn.

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Maika 4:2

ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

2 Kọrẹnt 8:5

Ọnana, dia obo rẹ avwanre phiẹrohọ jovwo-o, ẹkẹvuọvo ayen de ke siobọ nẹ oma rẹ ayen kẹ Ọrovwohwo vẹ avwanre vwẹ ọhọre rẹ Ọghẹnẹ.

Galesha 6:16

Ufuoma kugbe arodọvwẹ dia kẹ ayen ejobi re yan nene urhi nana, vwẹ enu rẹ Izrẹl rẹ Ọghẹnẹ.

Galesha 6:17

Nẹ etinẹ ara re e gbi jẹ ohwo ọvuọvo kpokpo uvwe-e; kidie apa ri Jesu mu vwẹ oma mẹ.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.