Aizaya 44:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 44:3 ပူးပေါင်းရင်းမြစ်များ

ỌBE RẸ JOB 5:25

Wo je cha riẹn nẹ uvwiẹ wẹn che buẹ gangan, emọ wẹn kerẹ odi rẹ otọ na.

Une rẹ Ejiro 107:35

Ọ rhẹriẹ aton phihọ ẹtẹrhe rẹ ame, otọ ọyaya phihọ ogbugbu rẹ ame.

Une rẹ Ejiro 63:1

E Ọghẹnẹ, wẹwẹ Ọghẹnẹ mẹ, Me guọuọ owẹ, urhuru wẹn re si ẹnwẹ mẹ, uvwo rẹ oma ;me re sherua fiki wẹn, kerẹ otọ rẹ ọsha ọyaya rẹ ame epha-a.

Isẹ 1:23

Gba kerhọn rẹ ẹghwọ mẹ, nighe, me cha vwẹ iroro mẹ nẹ wẹ; rere wọ vwọ riẹn eta mẹ.

Aizaya 27:3

Mẹvwẹ rẹ Ọrovwohwo, ọye vwẹ ẹro te, kọke kọke mi vwo ku ame kuo. O dia ọtiọye-e ohwo de rhe miovwo Me rhẹrẹ te ason te uvo,

Aizaya 32:15

bẹsiẹ re vwo ku erhi na ku avwanre ne obenu rhe, rẹ aton de rhi hirhe phihọ udju oyoyovwi, re otọ ro yovwe emu de rhi hirhe phihọ egbo.

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 48:19

uvwiẹ wẹn ka dia kerẹ ibiekpẹn rẹ otọ orua wẹn kọ họhọ ibieka rọye, a gbe sa nyavwe odẹ rayen kufia-a eyẹ vwọ ghwọrọ ayen nẹ obaro mẹ-ẹ.

Aizaya 48:21

Ro vwo sun ayen wan aton na urhuru rẹ ame si aye-en; ọ da vwẹ ame nẹ oragha kẹ ayen da; ọ bẹre oragha na ame da mwavwe no rhe.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Aizaya 55:1

Ohwo kohwo rẹ urhuru rẹ ame hwe, yanrhe asan ame na, ohwo ro vwo igho-o, yanrhe, de wọ re! Yanrhe, dẹ udi vẹ ame rẹ Ivie, ọphe o vwo unu-u.

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Aizaya 61:9

Uvwiẹ rayen ka riẹn vwe ohri re ẹgborho na, emọ rayen vwẹ usun re ihwo na, ihwo re mre ayen ki vughe ayen, nẹ ena ihwo rẹ Ọrovwohwo bruphihọ kẹ.

Aizaya 65:23

Ayen gbe wian kufia-a, eyẹ ayen gbi vwiẹ emọ kẹ ughwu-u, kidie ayen ke dia uvwiẹ rẹ ebruphihọ rẹ Ọrovwohwo, te ayen kugbe emọ rayen.

Izikiẹl 34:26

Ki mi ru ayen vẹ asan re riariẹ ugbenu mẹ phihọ na ebruphihọ; ki mi ji eghwẹghwẹ rẹ osio vwẹ ọke rọye, ke dia eghwẹghwẹ rẹ osio rẹ ebruphihọ.

Izikiẹl 36:27

Ki mi phi erhi mẹ phihọ evun wẹn, ki mi ru we vwọ yan nene iji mẹ wọ me rha jomaotọ sẹrọ rẹ irhi me.

Izikiẹl 39:29

Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.

Izikiẹl 47:8

Ọ da ta kẹ vwẹ, Ame nana djẹ kpo ubrakpọ rẹ obaro ọnre yanran re fi obo Araba; ọke rẹ ame na da ra djẹ ro ame rẹ abadi na ro mudje kei na, ame na kọ cha vwerha.

Hosia 10:12

Kọn ọvwata kẹ oma wẹn, ru wo vun ẹguọnọ ro jẹ re, she otọ ọgangan wẹn na kidie o te ọke ra vwọ guọnọ Ọrovwohwo re, rere Ọ rhe rhọ esivwo phihọ enu rẹ ovwan.

Joẹl 2:27

Ku wọ cha riẹn nẹ Me hẹ uherevie rẹ Izrẹl, nẹ Mẹvwẹ, Ọrovwohwo na, mẹvwẹ Ọghẹnẹ wẹn ọfa gbe herọ chọ vwẹ ra-a. A gbe cha vwẹ oma vo ihwo mẹ ọfa-a.

Joẹl 2:28

Rẹ ọke de rhi te vwẹ ukuko rọye re, ki mi che ku erhi mẹ ku ihwo ejobi, te emeshare wẹn te emetẹ wẹn kẹ cha mraro, ememare wẹn ke cha vwerhe evwerhẹ, imighene wẹn ke cha mrẹ emramrẹ.

Joẹl 3:1

Kidiẹ nighere, vwẹ ẹdẹ yena kugbe ọke yena, re me da cha rhoma vwẹ ughwẹ ri Juda vi Jerusalẹm rhivwi rhe na,

Joẹl 3:18

Vwẹ ẹdẹ yena udi ọvwevwerhe ko che sun nẹ igbenu na rhe, ame-ivie ki che sun nẹ igbenu itete na rhe, ukpọkẹre ri Juda ejobi ke cha djẹ ọkẹre rẹ ame, ogbugbu ọvo kọ cha djẹ nẹ uwevwi rẹ Ọrovwohwo rhe kọ cha kpọrhọ iyara ri Shitim.

Maika 5:7

Etiyin umuku ri Jekọp ro chekọ ke cha dia ohri rẹ ihwo buebu kerẹ evwru ro tue nẹ obọ rẹ Ọrovwohwo cha, kerẹ omoghwẹghwẹ osio vwẹ enu rẹ odi, ro mudia hẹrhẹ ihwo-o, eyẹ ọ hẹrhẹ emọ rẹ ihwo-o.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Matiu 12:43

Ẹkẹvuọvo erhi ri jẹfuọn, de nẹ evun rẹ ohwo nu, ọ me yanrhẹ yankpo ra guọnọ asan rọ dia, ọ gbe mrẹ-ẹ.

Iruo rẹ Iyinkọn na 10:45

Otu ri segbuyota ri nẹ ohri rẹ ihwo re yanvwere re vi Pita gba rhe o de gbe ayen unu, fikiridie e ku okẹ rẹ Erhi Ọfuanfon na ku otu ri Keferi na rhe.

Iruo rẹ Iyinkọn na 2:17

Ọghẹnẹ tare nẹ, oba rẹ ọke na de rhi tere ki mi ku Erhi mẹ na phihọ oma rẹ ihwo ejobi, emeshare vẹ emetẹ rẹ ovwan ke cha mraro, imighene rẹ ovwan ke cha mrorẹ, ekpako re ovwan ke cha vwerhẹ evwerhẹ

Iruo rẹ Iyinkọn na 2:33

Eriyin na a da kparọ kpenu vwẹ obọrhe rẹ Ọghẹnẹ Ọsẹ na ro ji ru ive rẹ Erhi Ọfuanfon na kẹ, kọye o ji kuẹ avwanre rẹ ovwan mrẹ na re ovwan ji nyo na.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Ẹvwọphia 21:6

Ọ da ta kẹ vwẹ, Ọ rere! Mẹvwẹ Ẹsosuọ kugbe Oba, ẹtuọhọ kugbe ure. Ke me vwẹ ame rẹ ọphẹ ri mi vo nẹ ogbugbu rẹ arhọ na kẹ ohwo kohwo rẹ urhuru rẹ ame hwe.

Ẹvwọphia 22:17

Erhi na kugbe Ọpha na ta, Yanrhe. E jẹn ohwo ro nyori ta, Yanrhe. E jẹn ohwo rẹ urhuru rẹ ame hwe yanrhe, e jẹn ohwo rọ guọnọre da ame rẹ arhọ na ọphẹ.