Aizaya 44:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ayen riẹnre-c, eyẹ ayen vughe-e, kidie o rhurhu ẹro rayen, o gbi jẹn ayen mrorẹ-ẹ, o rhurhu udu rayen, o gbi jẹn ayen riẹn otọ rọye-e.

Aizaya 44:18 ပူးပေါင်းရင်းမြစ်များ

Une rẹ Ejiro 81:12

Ọtiọye mi de siobọ nẹ ayen kẹ udu ọgangan rayen, re ayen nene iroro rẹ udu rayen.

Une rẹ Ejiro 92:6

Ohwo nọkpọ nọkpọ sa riẹ-ẹn, ẹkpa cha riẹn ọnana-a:

Isẹ 28:5

Ihwo ebrabra sa riẹn obo rẹ ọsoso epha-a, ẹkẹvuọvo otu re guọnọ Ọrovwohwo na riẹn otọ rọye gbagba.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 29:10

Kidie Ọrovwohwo ku erhi rẹ okpovwerhẹ ku we, o ki rhe rhurhu ẹro rẹ ovwan rẹ emraro na, o rhurhu iyovwi rẹ ovwan rẹ ọmrẹ na.

Aizaya 44:19

O vwo ohwo ro roro-o, eyẹ o vwo erianriẹn eyẹ evughe rọ vwọ tanẹ, Ubro rọye me torhẹre vwẹ erhanre nure, me da vwẹ esia rọye kake ikara, Me vwe eranvwe tọn me je riọ nure, kẹ ephraphrẹ ri chekọ na me rhoma vwo gbe ẹgua? Ki mi shiguẹ kẹ ubro rẹ urhe?

Aizaya 44:20

Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Aizaya 44:9

Ihwo re kare oma ejobi emu diodi, kugbe obo ri je ayen ejobi na fi erere ọvuọvo-o; iseri rayen mrorẹ-ẹ eye e je riẹ-ẹn, Me cha vwe omaẹvuọ kẹ ayen.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 56:11

Eranko na vwo urhuru sivwi gangan; evun vọn aye-en. isuigọde na rhe ji vwo erianriẹ-ẹn; dohwo didjerhe rọye hirhe aro ku, dohwo derere rọye guọnọ, ohwo ọvo, ayen ejobi re.

Jerimaya 10:14

Kohwo kohwo ejobi pha djidji gheghẹ, oma cha vo iduvwiro ejobi fiki rẹ edjọ rayen. Kidie ema rọye na ejobi efian, ẹnwẹn hẹ evun raye-en.

Jerimaya 10:8

Ayen pha djidji gheghẹ, Uyono ra mrẹ nẹ oma rayen rhe gbe vrẹn urhe-e.

Jerimaya 5:21

Nyo ọnana, E ẹkpa ighenghẹn ri vwo ẹro, ye mrorẹ-ẹ ri vwo erhọn yi nyo ẹme-e na.

Jerimaya 51:17

Ihwo ejobi ekpa i vwo erianriẹ-ẹn ogun kogun ro duvwu iro oma vorọ fiki rẹ ema ro duvwuru kidie ema rọye efian ayen vwo ẹnwẹn vwe evun raye-en.

Izikiẹl 12:2

Ọmọ rẹ ohwo, wọ dia uherevie rẹ uwevwi ro muẹkpahe ihwo, ri vwo ẹro re vwọ mrorẹ, ẹkẹvuọvo ye mrorẹ-ẹ, ri vwo erhọn ri vwo nyo ẹme, yi nyo-o;

Daniẹl 12:10

Ihwo buebu ki che ru oma rayen fon, ayen mi rhi ru oma rayen fuanfon, kẹ ayen nabọ fon; ẹkẹvuọvo ohwo umwemwu ko che ru phihọ yẹ ohwo umwemwu ọvuọvo che vwo ọhọ rọye-e ẹkẹvuọvo otu re ghwanre ki vwo ẹruo rọye.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Matiu 12:34

Ovwan uvwiẹ rẹ erọdekọ na, re pha brabra miomiovwi na, sa vwọ ta ota rẹ esiri, kidie obo rẹ ohwo rori vwẹ evun ọye ọ ta phia vwẹ unu rọye.

Iyẹnrẹ Esiri ri Jọn 5:44

Mavọ ovwan vwo vwo segbuyota kpahe otu re guọnọ urinrin rẹ ohwohwo yọ gbe rha guọnọ urinrin ro nẹ obọ rẹ Ọghẹnẹ ọvuọvo rhe-e?

Iyẹnrẹ Esiri ri Jọn 8:43

Kidie obo mẹ tare vwo jẹ ovwan ẹruọ? Fikiridie ovwan guọnọ ota mẹ nyo-o.

Iruo rẹ Iyinkọn na 14:16

Vwẹ ọke rẹ awanre o de kuerhọfia kẹ ẹgborho buebu rere ayen nene idjerhe ro je ayen;

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!