Aizaya 43:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 43:7 ပူးပေါင်းရင်းမြစ်များ

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Une rẹ Ejiro 50:23

Ohwo rọ vwe ẹkpẹvwẹ re izobo rhe yo mu ọghọ kẹ vwẹ, ohwo rọ kpọ idjerhe rọye vi kọye me cha vwẹ esivwo rẹ Ọghẹnẹ vwọ nẹ.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 29:23

Kidie ọke rọ vwọ mrẹ emọ rọye, iruo re obọ mẹ, vwẹ uherevie rọye, kẹ ayen ru odẹ mẹ fon; ke ayen ru Ọfuanfon Ọvuọvo ri Jekọp na fon, ke ayen mudia vẹ udidi vwẹ obaro rẹ Ọghẹnẹ rẹ Izrẹl na.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 43:21

ihwo re Me mare kẹ oma mẹ rere ayen vwo ghwoghwo ejiro mẹ phia

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 48:11

Fiki rẹ odẹ Mẹ, fiki rẹ odẹ mẹ, Mi ruo. kidie e vwo gbe odẹ mẹ ẹgua? Urinrin mẹ Me sa vwọ kẹ ohwo ọfa-a.

Aizaya 56:5

ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 63:19

Avwanre da rhe họhọ ihwo ri wo ji sun dẹvo-o, kerẹ ihwo ra vwẹ odẹ wẹn se-e.

Jerimaya 14:9

Die nẹrhẹ wọ họhọ ohwo gedegede kẹrẹ ogba ro se sivwẹ-ẹ? ye wẹ, E Ọrovwohwo, wọ hẹ ohri rẹ avwanre, a vwẹ odẹ wẹn se avwanre, wo jẹ avwanre vwo-o.

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Daniẹl 9:18

E Ọghẹnẹ mẹ, rhiẹ erhọn wẹn ke vwẹ wo rhe nyo vwẹ; rhiẹ ẹro wẹn wọ mrẹ obo ra kua avwanre fiotọ, te orere nana ra vwẹ odẹ wẹn se na, fikiridie ọ dianẹ ifiki rẹ ọvwata avwanre vwọ rẹ orẹ nana vwẹ obaro wẹ-ẹn, ẹkẹvuọvo fiki rẹ arodọvwẹ wẹn rode na.

Daniẹl 9:19

E Ọrovwohwo, nyo, E Ọrovwohwo vwo ghovwo, E Ọrovwohwo davwerhọn wo ru emuọvo; wo gbe eghẹrẹ-ẹ, fiki wẹn, E Ọghẹnẹ mẹ, fiki rẹ orere wẹn vẹ ihwo wẹn ra vwẹ odẹ wẹn vwo se.

Emọs 9:12

rere ayen mrẹ asan reyọ asan ro chekọ vwẹ Edọm vẹ ẹgborho na ejobi ra vwẹ odẹ mẹ se, eriyin Ọrovwohwo rọ ru ọnana na tare.

Iyẹnrẹ Esiri ri Jọn 15:8

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

Iruo rẹ Iyinkọn na 11:26

Ọke rọ vwọ mrẹ ọ da reyọ vwọ rhe obi Antiọk. Kidie ayen dia ishọshi na ẹgbukpe soso ayen de yono ihwo buebu; Antiọk kọye hẹ asan rẹsosuọ re de mu odẹ kẹ idibo na nẹ ihwo ri Kristi.

Ọbe ri Pọl si rhe Ihwo ri Rom 9:23

rere ọ vwọ mrasan dje efe rẹ urinrin rọye vwọ kẹ ekuakua rẹ arodọvwẹ, rọ mare jovwo vwọ kẹ urinrin,

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

Galesha 6:15

Kidie oyanvwe vẹ ijẹyanvwọ fi emuọvo-o, ẹkẹvuọvo evwiẹ ọkpokpọ.

Ẹfesọs 1:12

Avwanre ihwo ri ke phiẹrohọ Kristi na ke rhi avwanre a da vwẹ avwanre mu nẹ e dia vwọ kẹ ejiro vẹ urinrin rọye.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Jems 2:7

Ọ dia ayen ri ji miovwẹ odẹ oyoyovwi re mu ke ovwa na-a?

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

1 Pita 4:14

A da ghwọ ku ovwan fiki rẹ odẹ ri Kristi, yẹ e bruba kẹ ovwan, fikiridie erhi rẹ urinrin kugbe ọ rẹ Ọghẹnẹ vẹ ovwan herọ.

Ẹvwọphia 3:12

Ohwo ro phi kparobọ, ki mi che vwo ru uchivwo vwẹ evun rẹ uwevwi rẹ Ọghẹnẹ mẹ; e rhe se ghwie no bẹdẹ-ẹ, ki mi si odẹ rẹ Ọghẹnẹ mẹ vwọ tamuo, kugbe odẹ rẹ orere rẹ Ọghẹnẹ mẹ na, Jerusalẹm Ọkpokpọ na ro nẹ obọ rẹ Ọghẹnẹ rọ hẹ obo odjuvwu rhe otọ na, kugbe odẹ mẹ ọkpokpọ na.

1 Samuẹl 12:22

Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.