Aizaya 43:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie wẹ ọghaghare kẹ vwẹ, wẹ ro vwọ ọghọ, ivun wẹn da vwerhe ovwẹ, Me da vwe ihwo wene ke wẹ, ihwo kọye e vwọ wene arhọ wẹn.

Aizaya 43:4 ပူးပေါင်းရင်းမြစ်များ

Jẹnẹsis 12:2

Ki mi ru we vwọ dia ẹgborho buebu, ki mi bruphihọ kẹ wẹ, ki mi ru odẹ wẹn rho, eriyin na ku wọ dia ebruphihọ.

Une rẹ Ejiro 112:9

O siobọ nẹ ọphọphẹ, ọ kẹ ivwiogbẹrẹ; ọvwata rọye dia rhiri bẹdẹ; a vwẹ ọghọ kpare ighoro rọye kpenu.

Une rẹ Ejiro 135:4

Kidie Ọrovwohwo jẹ Jekọp reyọ ke oma rọye, Izrẹl kerẹ emuobọ rọye.

Aizaya 49:5

Asakiephana Ọrovwohwo tare, rọ ma vwẹ nẹ evun rhe nẹ Me dia odibo rọye, vwọ reyọ Jekọp vwo rhivwi rhe, ra vwọ ghwẹ Izrẹl kokọ bro ra, kidie Mi vwo ọghọ vwe obaro rẹ Ọrovwohwo, Ọghẹnẹ Me rhi hirhe phihọ ogangan mẹ re–

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Jerimaya 31:3

Ọrovwohwo da vwẹ oma nẹ vwẹ ogboko. Ẹguọnọ ro jẹrhẹriẹ ri bẹdẹ bẹdẹ me vwọ guọnọ owẹ, ọtioye na uyota mẹ je herọ kẹ wẹ.

Hosia 11:1

Ọke rẹ Izrẹl vwọ hẹ omotete, me da guọnọ mi de se ọmọ me nẹ Ijipt rhe.

Malakae 1:2

Mẹvwẹ re guọnọ owe, eriyin Ọrovwohwo tare. Ẹkẹvuọvo wọ tare nẹ, Mavọ wọ guọnọ avwanre te? Isọ dia oniọvo ri Jekọp? eriyin Ọrovwohwo tare. Dede na ye me guọnọ Jekọp,

Malakae 3:17

Ayen cha dia ọmẹ, eriyin Ọrovwohwo rẹ otuofovwi na tare, ayen ke cha dia oghere rẹ ihwo kẹ vwẹ vwẹ ẹdẹ ri mi de che ru obo re me ta na, ke me cha vwẹ obọ pẹpẹ kirobọ rẹ ohwo da vwẹ obọ pẹpẹ ọmọ rọ ga.

Iyẹnrẹ Esiri ri Jọn 16:27

kidie ekpuyovwi rẹ Ọsẹ na guọnọ, ovwan, fikiridie ovwan guọnọ ovwẹ we de segbuyota nẹ obọ rẹ Ọsẹ na mi nurhe.

Iyẹnrẹ Esiri ri Jọn 17:23

Me hẹ evun rẹ ayen yu wọ hẹ evun mẹ, rere ayen vwọ dia ọvo gbae, ọtiọye na akpọ na kẹ riẹn nẹ we ri ji vwẹ rhe me da rha guọnọ ayen kirobo ru wọ guọnọ ovwẹ.

Iyẹnrẹ Esiri ri Jọn 17:26

Mi dje odẹ wẹn kẹ ayen, ki mi ruo re ayen vwọ riẹn, rere ẹguọnọ ru wọ vwọ kẹ vwẹ na vwọ sa dia evun rẹ ayen, re me dia evun rẹ ayen.

Iyẹnrẹ Esiri ri Jọn 5:44

Mavọ ovwan vwo vwo segbuyota kpahe otu re guọnọ urinrin rẹ ohwohwo yọ gbe rha guọnọ urinrin ro nẹ obọ rẹ Ọghẹnẹ ọvuọvo rhe-e?

Urhi Rivẹ 14:2

Kidie wọwẹ ohwo ọfuanfon kẹ Ọrovwohwo rẹ Ọghẹnẹ wẹn na, Ọrovwohwo na sanọ owẹ vwo dia oghẹre re ohwo ko omobọ rọye, nọ ihwo na ejobi re hẹ enu rẹ akpọ na.

Urhi Rivẹ 26:18

Ọrovwohwo ji ghwoghwo phia kpahe owẹ nonẹ na nẹ wọwẹ kẹ ihwo rẹ obọ rọye, kirobo ro ve phihọ otọ kẹ wẹ, rere wọ yọnrọn irhi rọye ejobi,

Urhi Rivẹ 4:37

Fikiridie ọ guọnọ esẹ rẹ ovwan, kọye ọ vwọ jẹ uvwiẹ rayen reyọ rẹ ayen vwo ghwu nu, ọ da vwẹ opharo rọye ji kugbe ogangan rọye rode na reyọ owẹ phia, nẹ Ijipt rhe;

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

1 Pita 1:7

rere obo rẹ esegbuyota rẹ ovwan dia uyota te, rọ ghare nọ oro, dede nẹ ọghwọrọ siẹ ra da vwẹ erhanre davwọ, ọ me rho phihọ vwọ kẹ ejiro kugbe urinrin kugbe ọghọ vwẹ ẹdẹ ra da cha vwi Jesu Kristi phia na.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.